¹ Bai Yesu paatangite panga afarisayo batangite panga ywembe ² abile na banafunzi bambone na andabatiza kati Yohana, (Ata nyo yesu abatizang'e lii ila banafunzi bake). ³ Abokite Yudea na yenda Galilaya. ⁴ Ata nyo kwabile na ulazima petya Samaria. ⁵ Na aikite kukilambo cha Samaria,wakemelya Sikari,pipi na kilumbo cha Yakobo cha ampei mwana wake Yusufu. ⁶ Na luchi lwa Yakobo lwabile po,na Yesu achokite kitumbu cha tyanga ngatama pai popopo yabile mun'twekati. ⁷ Nnwawa wa kisamaliya aichi teka mache na Yesu ngammakiya,umbei mache ninywee. ⁸ Kwa kitumbu banafunzi bake bayei kulisoko yenda pema chakulya. ⁹ Yolo nnwawa ngayangwa,"ipanga kitiwi wenga wa N'yahudi,niluba mache nenga na N'samaria?,kwa kitumbu Ayahudi bayangabanika lii na A'samaria. ¹⁰ Yesu ngayangwa,"ikapangue utangite makowe ga Nnungu yolo ywakubakia umbei mache upekunoba ywembe,na apalang'e kukupeya mache ga ukoto." ¹¹ Nwawa ngayangwa bwana ntopo nobo wa tekya na loche lulacho,upalagapata kwako na loche lulacho? ¹² Kweni wenga,wa mpindo kuliko tate bitu Yakobo yatupei loche lono na bana bake na inyama bake banywile loche lono?" ¹³ Yesu ngayangwa,"ywoywote ywapala nya mache gaa apala bona ngota kae. ¹⁴ Ywa nampeya mache gango abali na ngota kae.kwa nyo gapanga kinywanyu cha ukoto ¹⁵ nnwawa ngammakiya bwana umbei mache goo kana nibone ngota kae,icha pano na teka kae. ¹⁶ Yesu ngamakiya yenda ukakeme nchengowo,na iuke nakwe pano." ¹⁷ Nwawa ngayangwa,"ntopo nalome." Yesu ngayangwa ubaite vizuri ntopo nalome,' ¹⁸ Kwa kitumbu ubile na alalume batano na ywabile nakwe nchengo lii,kwa nyo ulongela kinanoga." ¹⁹ Nwawa ngayangwa,"Bwana kwale wenga wa nabii. ²⁰ Tate bitu balobite Nnungu pakitombe cheno Ibitumbu mwenga mubaya Yerusalemu nga sehemu ya kunnoba Nnungu." ²¹ Yesu ngayangwa,we nwawa,uniobeli nenga,muda undaicha mwanoba lii Nnungu pa kitombe cheno wala Yerusalemu. ²² Mwenga mwa bandu muabudu changakitanga lakini twenga tukiabuduchatukitangite,kwa kitumbu ukomboli uboka kwa Ayahudi." ²³ Ata nyo wakati wenda icha,na nambeyambeno ibile pano wakati babanobe Nnungu bapala kunnoba,kwelikweli,kitumbuBwana apala kati bandu babapange bandu bake bannobe. ²⁴ Nnungu ni moyo,na babapala kun'noba ban'noba kwa moyo wa kakape." ²⁵ Nwawa ngamakiya,"Ndangite panga masihi apala isa,(ywakemelwa Kristo). aywo apala icha na kutubakiya gote." ²⁶ Yesu ngamakiya,ywalongela nakwe nga ayo. ²⁷ Wakati wowo banafunzi bake kabakelebuka na bembe batishangala mwanja namani alongela na nwawa ila ntopo yanokiye panga apala namani? ama ni kwa namani atilongela na nwawa?" ²⁸ Ata nyo nwawa atei kibeyo chake na yenda mjini na kwabakiya bandu. ²⁹ Mwichange chamumone mundu ywammakiye makowe gangu gote iweza panga kwale Kristo.?" ³⁰ Babokangite n'jini na yendanga kachake. ³¹ Wakati woo banafunzi bake,kabamakiya mwalimu ulyee,chakulya. ³² Lakini ywembe atikwabakiya nenga nibile na chakulya changakitanga mwenga. ³³ Banafunzi bake batilokyana,ntopo ywan'neti kilebe tumbwe bati leta?" ³⁴ Yesu ngayangwa,chakulya changu gapanga makowe ga ywanitumite na timiza kazi yake. ³⁵ Buli mulongela lii panga bado myei mitano na una kupapanga tayari?nenda kuamakiyanga mauno gabile tayari. ³⁶ Ywembe ywauna,apokei ukoto wangali yomoka kwa kitumbu ywapanda,na ywauna,bapupahiki ukoto wangayomoka pamope. ³⁷ N'nongelo gono,wakakape,yumo auluka,yumo aubuka. ³⁸ Natumite unanga,changapanda,benge bapangite kazi na mwenga mujingii katika pulaiki kazi yabe." ³⁹ Asamalia baingi katika mji wulu bati kumwobelya kwa kitumbu cha longela nnwawa wachimulyag'e,"Ywaanimakiye makowe gote gaanipangite." ⁴⁰ Bai Asamaria pabaichile batikunaba atame kachabe na ywembe atami machoba gabele. ⁴¹ Na baingi bati kumwobelya kitumbu cha makowe gake. ⁴² Bamakiye yulu nnwawa,tuobelile kwa kitumbu cha makowe gako bai ila twabene tubweni panga ayu nga mwokozi wa ulimwengu." ⁴³ Badala ga machoba,gabele ngayabwa na yenda Galilaya. ⁴⁴ Kwa kitumbu mwene atilongela nabii apata lii ishima ila pakilambo chake mwene. ⁴⁵ Paichile boka Galilaya,Agalilaya batikunkaribisha bagabweni makowe goti gapangite Yerusalemu kusikukuu. ⁴⁶ Aichi kae Kana ya Galilaya kwa apangite machi panga litowa,kwabile na mundu yumo ywa afisa mwana wake endaminya akwo Kapernaumu. ⁴⁷ Payowine panga Yesu aboka Yudea na yenda Galilaya,ankengime Yesu na kunoba aeli na yenda kumponea mwana wake ywabile karibu na waa. ⁴⁸ Nga Yesu ngabakiya,mwenga mana munabona lii maluweluwe muwecha lii ubiya. ⁴⁹ Kiongozi ngalongela,"Bwana uluka pae kabla mwana wango ana waa lii." ⁵⁰ Yesu ngamakiya,"Uyende mwana wako nkotii na yulu mundu ngaobelya na boka. ⁵¹ Pabile kauluka,atmishi bake ngabampokya na kummakiya mwana wako nkoto. ⁵² Ata nyo atikualokiya muda gani waponi?" ngamakiya licho musaa saba ngaponi." ⁵³ Nga tati bake ngabatanga panga muda wowolo wolo Yesu walongei mwana wako nkoti ywembe na bana bake bote ngaba mwobelya. ⁵⁴ Agaa gabile maluwe luwe ganaibele gapangite Yesu paboi Yudea na yenda Galilaya.