¹ Baada ya makowe ago Yesu alijidhihirisha kae kwa banafunzi bake mu bahari ya Tiberia;nga nyo ajidhihirisha mwene. ² Simoni Petro abile pamope na Thomaso ywakemelwa Didimas,Nathaniel wa kana ya Galilaya,bana ba Zebedayo na banafunzi benge abele ba Yesu. ³ Simoni Petro ngayangwa,"Nenga n'yenda kuvua omba." Bembe kabammakiya,"Twenga,kae tuyenda ni wenga." Ngabayenda mumashua,lakini kilo yoo bote bapatike lii chochote. ⁴ Paiikite kindae,Yesu ajemi muufukwe,na bembe banafunzi bantangite lii panga nga Yesu. ⁵ Yesu ngaabakiya,"Ainja,mubile na chochote chakulya?" ngabannaluya,"Ntopo." ⁶ ngaamakiya,Mwiuluye wavu upande wa mmalyo ya mmashua,ni mwenga mwalopata kiasi." Kwa nyo ngabatelemsha nyavu bembe bawecha lii kuivuta mana babile omba banambone. ⁷ Bai yolo mwanafunzi ambae Yesu ampendile ngammakiya Petro,"Ywa Bwana," Nga Simoni Petro payowine panga ni Bwana,ngaitaba ngobo yake (mana abile awala vizuri lii,ngatombokya mubahari. ⁸ Balo banafunzi benge baichile mumachua (mana pabile karibu na pwani,yapata mita mia jimo boka kuufukwe),bembe batilivuta yelo nyavu yaitwelilwe omba. ⁹ Paikite muufukwe,babweni mwoto wa mkala pale nnani yake pabile na samaki pamope na nkati. ¹⁰ Yesu ngaamakiya,"munletee omba wamuwapatike nambeambe." ¹¹ Bai Simoni Petro apanda na kuuakota wolo wavu waubile utwelile omba akolo,kiasi samaki 153;japo wabile banambone,alo wavu uchanike lii. ¹² Yesu ngaamakiya."Muiche mpate chakulya chakindai." Ntopo hata yumo wa banafunzi bake ywa thubutu kunnobya,"Wenga wa nyai? Batangite abile ni Bwana. ¹³ Yesu ngaicha,kautola wolo nkati,ngaapeya,apangite nyonyonyo kwa omba. ¹⁴ Aye ibile mara ya itatu kwa Yesu kujidhihirisha kwa banafunzi bake bada ya yoka boka mukiwo. ¹⁵ Baada ya kuwapeya chakulya,Yesu ngamakiya Simon Petro,"Simoni mwana wa Yohana je,wanipenda nenga kuliko aba?" Petro ngan'yangwa,"Elo,Bwana;Wenga utangite panga nenga nakupenda,"Yesu ngamakiya,"Lisha ngondolo bango." ¹⁶ Ngammakiya mara yana ibele,"Simoni mwana wa Yona,je,wanipenda?Petro ngamakiya,"Elo,Bwana;wenga utangite panga nendakukupenda."Yesu ngammakiya,"Chunga ngondolo bango." ¹⁷ Ngammakiya kae mara ya itatu,"Simoni mwana wa Yohana,Je unipendile?" Ni ywembe Petro atihuzunika kwa mana yaalongela kwa mara ya itatu,"Je wenga wanipendile? Ywembe ngamakiya,"Bwana,utangite gote;undangite panga nikupendile."Yesu ngammakiya,Lisha ngondolo bango. ¹⁸ Muobeli muobeli nendakuamakiya,ywaubile muinja uzoea wala ngobo mwene na yenda popote paupala;lakini paubile mpindo,walowa nyoosha maboko gako,na ywenge alowa kuwalisha ngobo na kukuyongoliya kuyenda paupapala. ¹⁹ Yesu agabaya aga ili kumbonekeya aina ya kiwo ambacho Petro alowa kuntukuza Nnungu.Baada ya longela aga,ngaamakiya Petro,"Ngengame." ²⁰ Petro atikelebuka na kummona yolo mwanafunzi ambaye Yesu ampindile atekuakengama-ayoo nga ywabile atikuibeka pakifua cha Yesu wakati wa chakulya cha kitamunyo na kunnobya,"Bwana,ywa nyai ywapala kukusaliti?' ²¹ Petro paamweni na kuunobya Yesu,"Bwana,Ayoo mundu apanga kele'? ²² Yesu kanyangwa,"Kati ya nipala abaki mpaka paaniichile,nga lee lihusu namani?" Ngengame." ²³ Kwaeyo habari yee yatienea miongoni mwa balo alongo,panga mwanafunzi yolo alowa waa.Lakini Yesu amakiye lii Petro panga,mwanafunzi yolo awaa lii,"Kati yanipala ywembe abaki mpaka paniichile yakuhusu namani?" ²⁴ Ayoo nga mwanafunzi mwatoa ushuhuda wa mambo aga,na nga yolo ywa aandikile makowe aga,na tuntangite kwa ushuhuda wake ni kweli. ²⁵ Pabile na makowe yenge yanambone ambayo Yesu agapangite. Panga kila limo liandikilwe,nadhani panga ulimwengu wote utosha lii beka itabu yote yaiandikilwe.