¹ Machoba sita kabla ya Pasaka,Yesu atiyenda Bethania,paabile Lazaro,ywembe ywaamuyuyuke boka mu kiwo. ² Bai ngaban'telekya chakula cha kitamunyo kolyo,na Martha atikuntumikya,wakati woo Lazaro abile yumo wa balo batami muchakula pamope na Yesu. ³ Nga Mariamu katola ratii ya manukato gapangilwe kwa nardo safi,yabile na thamani ngolo,atumbwile kumpaka mumagolo na kumpapaya magolo kwa nywili yake;nyumba yoti yatinungya mauta. ⁴ Yuda Iskariote,yumo ywa balo banafunzi bake,ywabile nga atikunsaliti Yesu,ngabaya, ⁵ "Kwa namani manukato aga ukotwike gapemeya kwa dinari mia tatu na kuapeya maskini?" ⁶ Nembe alongei ago,kwa kitumbu sa kugaulumiya lii maskini,ila kwa mana abile mwii:ywembe nga ywa ngabekanga mpuko wa mbanje na atola baazi ya yaibile moo kwa ajili yake mwene. ⁷ Yesu ngabaya,"Nneke abeke chaabile nacho kwaajili ya lisoba lya machiko yango. ⁸ Akeba m'mle nabo masoba goti;lakini,m'bile lii na nenga machoba goti. ⁹ Bai umati nkolo wa Ayahudi batangite panga Yesu abile kolo,baisile kolo,kumbonekeya lii Yesu kae,ila kunlolekeya na Lazaro ywayuyukilwe na Yesu boka mukiwo. ¹⁰ Akulu Amakuhani bapangite shauri ili bamulage Lazaro. ¹¹ Maana kwa ajili yake bandu baingi muuyahudi batiyenda kachabe na kumuobelya Yesu. ¹² Lisoba lyanaibele bandu baingi baisile mu sikukuu.Pabayowine panga Yesu enda isa Yerusalemu. ¹³ ngabatola ndambe ya mitende na boka panja yenda kumpokya na panga ndoti,"Hosana!Ubalikilwe wenga wauisile kwa lina lya Bwana Mfalme wa Israeli." ¹⁴ Yesu amwobite mwana-bonda amwobike,kati mwayaaiandikilwe, ¹⁵ "Kana uyogope,binti sayuni,linga,Mfalume wako aicha,amwobike mwana-mbonda." ¹⁶ Banafunzi bake batangite lii makowe aga apo kwanza,lakini Yesu paobwike,nga batanga panga makowe aga ngaandikilwa. ¹⁷ Bai lelo likundi lya bandu babile pamope na Yesu wakati paankema Lazaro boka mulikaburi bati shuhudia kwa benge. ¹⁸ Na ibile kwa kitumbu bayowine panga alipangite liluweluwe loo. ¹⁹ Afarisayo batilongela bene kwa bene,"Linga,nambeambe mweza lii panga lolote,linga,dunia yote i'kelebukiye kwake." ²⁰ Nambeambe baazi ya Ayunani babile nkati ya balo bayenda kuabudu musikukuu. ²¹ Aba bajei kwa Filipo,ywabile aboka Bethsaida ya Galilaya,kunoba ngababaya."Bwana,twenga twatamaniya kunlola Yesu." ²² Filipo ngayenda ngamakiya Andrea;Andrea na Filipo bayenda na kummakiya Yesu. ²³ Yesu nganyangwa kaabakiya,"Muda uikite Mwana wa Adamu yenda kutukuzwa. ²⁴ Muobeli,muobeli,ndaabakiya,mbeyu ya ngano kana itombwike lii pai na waa,utama nyonyonyo kichake,ila mana iwile,ipupaya matunda ganambone. ²⁵ Ywembe ywaupenda uhai wake alo kuupoteza,ila ywembe ywauchukiya uhai wake mu dunia yee alowa kuisalimisha mu ukoto wanga yomoka. ²⁶ Mundu ywoywote ywanitumikyange nenga,nga anikengame;nenga nibile,na mtumishi wango paabile.Mundu ywoywote ywantumikyage,Tate alowa kumweshimu. ²⁷ Nambeambe roho yango,enda fadhaika:nenga nilongele namani?'Tate,unilopwe katika saa yeno'?Lakini ni kwa likusudi lee niikite saa yee. ²⁸ Tate,litukuze lina lyako." Nga lilobe liisile boka kunani lyabaya,"Natilitukuza nenga ndalitukuza kae." ²⁹ Bai likutano lyayemi karibu nakwe bayowine,ngabaya pabile na lendema.Benge babaya,"Malaikaalongela nakwe." ³⁰ Yesu ngayangwa ngabaya,"Lilobe lee lyaisile lii kwaajili yango,ila kwa ajili inu. ³¹ Nambeambe hukumu ya ulimwengu ibile:nambeambe nkulu wa ulimwengu apala taikwa panja. ³² Nenga mana nikakatwike nnani ya nnema,nalowa kuwauta boti kachango." ³³ Alongela ago alayage ni kiwo gani alowa waa. ³⁴ Mkutano ngabanyangwa,"Twenga tuyowine katika sheria panga Kristo alowa tama daima.Wenga ubaya buli,'Mwana wa Adamu lazima akakatuliwe nnani?'Ayo nga mwana wa nyai?" ³⁵ Bai Yesu ngaamakiya,"Bweya ubile bado pamope ni mwenga muda nchunu.Myende madamu mubile na bweya,ili panga libendi kana lwa nkoli.Ywembe ywayenda mulubendo ayowa lii kwaayenda. ³⁶ Mubile na bweya,alongei aga na yenda kachake kuificha kana bam'bonekeye. ³⁷ Ipangange Yesu apangite maluweluwe maingi namna yee nnonge yabe,bamwobelya lii. ³⁸ Ili litimi likowe lya nabii Isaya,lyabaya,"Bwana,ywa nyai ywazisadiki habari itu?na luboko lya Bwana atimfunulia nyai? ³⁹ Kwa kitumbu chelo bembe bamuobelya lii,mana Isaya abaya kae. ⁴⁰ "Awapangite ipofu,na apangite migumu mioyo yabe;kana babone kwa minyo yabe na tanga kwa mioyo yabe,na kabaongoka nenga nalowa kwalopwa." ⁴¹ Isaya alongela makowe ago kwa kitumbu aubweni utukufu wa Yesu na kubaya habari yake. ⁴² Ila,ata akolo baingi bamuobelile Yesu;lakini kwa kitumbu ya Afarisayo,kana bayeketile lii panga bayogopa tengwa na lisinagogi. ⁴³ Baipendile sifa ya bandu kuliko sifa yaiboka kwa Nnungu. ⁴⁴ Yesu kalongela kwa lilobe likolo kabaya,"Ywembe ywaniobelile nenga,aniobelile nenga lii kae ila na ywembe ywanitumite. ⁴⁵ Ywembe ywanibona nenga amweni ywembe twanitumite. ⁴⁶ Nenga niisile kati bweya ya ulimwengu ili kila mundu ywaniobelile nenga atama lii mulubendo. ⁴⁷ Mana itei mundu ywoywote ywayowine makowe gango ila ayakamwile lii,nenga namuhukumu lii;mana niisile kuhukumu ulimwengu ila niichile kuukombwa ulimwengu. ⁴⁸ Ywembe ywanikana nenga na agaboywa lii makowe gango,abile ywa muhukumu:neno lee nalongela nga lalowa kumuhukumu lisoba lya mwiso. ⁴⁹ Maana nenga nilongela lii kwa nafsi yango.Ila Tate ywaniletike,ywembe mwene ywanitumite nganlongela na nalowa longela. ⁵⁰ Nenga nitangite panga liagizo lyake ni ukoto wangeyomoka;bai ago makowe ngalongela nenga-kati Tate ywanibakiyage,nga nyonyo niabakiyage kwabe.