¹ Mwisho wake, alongo, twayeya mwoyo na kwa silu kwa Yesu Kristo kati mwamupoki maelekeso buka kwitu namna mwaipalikwa panga na kunogelya Nnungu, Kwa ndela ayo tuenende na tupange zaidi. ² Kwa mwanja mutangite maelekezo gani gatwampeile pitia Bwana Yesu. ³ Kwa mwanja ago nga mapenzi ga Nnungu: Upeletau witu kane mupange zinaa, ⁴ kwamba kila jumo winu alangite namna ya kuntawala nyumbowe mwene katika upeletau na isima. ⁵ Kane ube na nnwawa wanja yiga indamimikiya (kati mataifa babako twike kuntanga Nnungu). ⁶ Kane abe mundu jwojwoti jwapalaloka mipaka na kunkosea nnongowe kwaajili ya jambo ale. Kwa mwanja Bwana nga mwene lepa kisasi kwa mambo goti ga, kati mwatulongolile kumwonya no shudia. ⁷ Kwa mwanja Bwana atukemiteli kwa usapu, bali atukemite kwa upeletau. ⁸ Kwa nyo jwalikana leno akana li bandu ila anakana Nnungu, jwabapeya Roho mpeletau wake. ⁹ Usu upendo wa nnongo, ntopo aja ya mundu jwo jwoti kukuandikya, kwa mwanja mufundishilwe na Nnungu pendana mwenga kwa mwenga, ¹⁰ Kwelinmwapangite aga goti kwa alongo bababile Makedonia yoti lakini tunda kwaloba, alongo, bapange ata zaidi. ¹¹ Tundakunoba mumikie ishi maisha go tulia mujali mengo ginu no panga kazi kwa maboko ginu, kati mwatunagile. ¹² Upange aga ili uweze yenda kinanonga na kwa ishima kwa abo bababile panja ya imani, lenga kanpungolekwe na loloti lopala. ¹³ Tuakana mwenga kutoka elewa mwaibile, mwenga mwanongo, juu ya abo babagonjileke lenga kane mwaauzunika kati bingi, bange uakika kusu wakati waisa. ¹⁴ Manaitei itei tundaaminia panga Yesu ati waano yuka kae, nyonyo Nnungu abaleta pamope na Yesu abo babagonjike bawile katika jwembe. ¹⁵ Kwa ajili ya ago tumakiyanga mwenga kwa likowe lya Bwana, panga twenga twatubile twakoto, twaba wakati wo isa kwake Bwana, hakika twabalongolya li balo babagonjike mauti. ¹⁶ Kwa mwanja Bwana mwene auluka buka kumaunde. Aisa na ibhe likolo, pamope na lilobe mapaika nkolo, pamope na palapanda ya Nnungu, na bembe babawile katika Kristo bayoka wete. ¹⁷ Alafu twenga twakoti, twatuigile, twalomba na kumaunde pamope nabo kumpokya Bwana ewani. Kwa ndila aye twabaana Bwana masiba gate. ¹⁸ Kwa nyo, mufarijine mwenga kwa mwenga kwa maneno ago.