¹ Kwanyo, patwabile tuwesali pumilia zaidi, twawasike panga yabile noga igala kuu Athene kisitu. ² Twantumite Timotheo, nnongo witu na ntumishi wa Nnungu katika injili ya Kirisitu, kwaimalisa na kwapea mwoyo usiana na imani inu. ³ Twapangite aga lenga kaneabe jwojwoti jwo legeleka bokana na mateso ga kwa mwanja bene batangite panga tuchauli kwe kwa ajili ya ale. ⁴ Kwa kweli, wakati patwabile pamope na muve, twalongolile kumakia panga twabile karibu no pata mateso, na ago gapitile kati mwamutangite. ⁵ kwa sababu aye, panabile niwesali pumilia kae, nafituma lenga nipate tanga juu ya imani inu, kwalu mpai abile angalau apaite, na kazi itu panga yabule. ⁶ Lakini Timotheo aisile kwitu kabukya kwinu na atu letile abali njema juu ya imani na upendo winu,. Atubaliye panga mubile naya kumbukumbu inanoga juu itu na panga mumimikia kutubona kati na twenga mwatumimikia kumona mwenga. ⁷ Kwa sababu aye, mwaongo twatipulaika kweli na mwenga mwa sababu ya imani inu, katika tabu na mateso ginu goti. ⁸ Kwa nambeyambeno tundaishi, mana muyimi imara kwa Bwana, ⁹ kwani shukurani gani tumpei Nnungu kwa ajili inu na pulaiko kwoti kwatubile na kwo nnonge ya Nnungu juu inu? ¹⁰ Tundaloba sana kilo na mutwekati ili tuweze kumona kuminyo inu na kunyongea chalipungwile katika imani inu. ¹¹ Nnungu witu na tati bene, Bwana witu Yesu atulongoye ndela itu twike kwinu. Na Bwana ampange muyongekeke no zidi katika pendo, ¹² mana mupendi na kwapenda bandu bote kati mwatumpangya mwenga. ¹³ Na apanga nyo ili imalisha mioyo inu ibe bila lawama katika utakatifu nonge ya Nnungu witu na Tati bitu katika wiso wa Bwana Yesu mapoke na atakatifu bake bati.