¹ Nipeleka kwinu Foibendumbu witu, uyu ayii wakulitumakila kanisa lya pa Kenkrae: nausi munjupe pa Bambo, umu mulinganila wawalafu ni kukita muntangatile poha wona alonda kandu kwinu. ² Pakuya mwene nayombe akawatangatili wa mahele, na nenga namwene kawili. ³ Muwalamuse priska nu Akula wayangu pa lihengo lya Kristo Yesu. ⁴ Wala nuwombe ndawa ya wumi wangu wa kawikiti pasi singo yawe wene: wala nukuyu nenga nakape niwasengusa, koma makanisa goha ga mihuku kawili. ⁵ Ni kanisa lila liyii pa nyumba yawe. Mund amusa Epenato wakuganika wangu, uyu ayii kyakulosa kya pa Asia mwa Kristo. ⁶ Mundamuse Maria, uyu akakiti lihengo lya mahele kwa mwenga. ⁷ Muwalamuse Andronika ni Yunias, wa nsafi wangu, na wayangu mu migoyi wala wayii ni lihina pagati pa mapostolo, nawombe kawili wakayili mwa Kristo palongolo pa nenga. ⁸ Mundamuse Ampliato wakuganika wangu mwa Bambo. ⁹ Mundamuse urbano njitu pa lihengo mwa Kristo ni staku wakuganika wangu. Mundamuse Apelle wakulinganika nnofu mwa Kristo. muwalamuse wa pa Aristobulo. ¹⁰ Mundamuse Herodion wa nsafi wangu muwalamuse wa pa Narkisso, wala wayii mwa Bambo. Muwalamuse Trufina nu Trufosa, wala wakangamala pa lihengo lya Bambo. ¹¹ Mundumuse Persis wakuganika, yula akahengiti lihengo lingi mwa Bambo. ¹² Muwalamuse Trufina nu Trufosa, wala wakangamala pa lihengo lya Bambo. ¹³ Mundamuse peris wakuganika, yula akachengiti lihengo lingi mwa Bambo. ¹⁴ Mundamuse Rufo wakuhagulika wa Bambo, nu nyongolo wa yombe ni wa Nenga. ¹⁵ Muwalamuse Filologo nu Julia, Nereu nu mhachamundu, nu olumpa, na wawalafu woha wayii pamonga nawo. ¹⁶ Mulamuse ni kununa kuwalafu yungi nu njini makanisa goha ga Kristo gawalamusa mwenga. ¹⁷ Ni nawapembesa, walongo, kuwalola wala wakita mapatukano ni fyakukuwasa, kupindika mayigaliso gala mukayigalisi ni mupatukane nawo. Pakuya wa ntunduu uwu wantumikila Bambo witu lepa, koma lileme lyawe wene: ¹⁸ Leka kwa malowe gakunogela gawe ni gakwiganisa wayikongela mioyo ya wala wangali kuwipa. ¹⁹ Pakuiya kuyufwa kwinu kuwafikila wandu woha. Mumu nihekelela pa mwenga. koma nilonda muye wene malango mpaka pa kila kiyii kinofu, leka wahimu pa kila kiyii kiwifu. ²⁰ Ni mulungu wa kindamba yankupule shetani pasi pa njayo sinu nukusyela lepa. Neema ya Bambo witu Yesu Kristo yiye pamonga nu mwemga. ²¹ Awalamusa mwenga Timoteo njangu pa lihengo; nu Lukio nu yason, nu sosipetro, wa nsafi wangu. ²² Nenga Tertio, wakulemba epistola iyi, niwalamusa mwa Bambo. ²³ Gayo yaunikemekese, ni wa kanisa lya mfilimila, awalamusa. Erasto wakugoha fyuma fya likaya awalamusa kwarto ndongo witu. ²⁴ Neema ya Bambo witu Yesu Kristo yiye nu mwenga mwawoha. ²⁵ Leka kwa yula wakuhotola kuwa kangamasa mwenga kwa ndingo wa evangel yangu nu kuwandisa kwake Yesu Kristo, kwa ndingo wa mafunukuliko ga kya kuhyetu kyakuwikika teke kitumbulile lukumbi lwa miaka ni miaka. ²⁶ Koma hino kilasiki pa lulanga ni pa malembo ga wakulweta, kwa ndingo wa luwimbi lwa mulungu wa miaka ni miaka kimanyasiki pa mihuku yoha kwa kukiyufwana kiyitakiso. ²⁷ Kwa Mulungu wakape mwene malango, pa Yesu Kristo, kwa yula kukwisika kwa myaka ni myaka. Amen.