¹ Leka tenga yatiyili ni makakala tilinganila kuupinda ulegelefu wa vala vayilepe ni makakala, pangali kwiganisa tavete. ² Ayi Yoha wa tenga anganile mwenesi wake pa kila kiyii kinofu, kwa kujengela. ³ Pakuya Kristo kawili akayiganisi lepa mwene koma, umu yilembekili, madogo ga wakudogela wenga ganigwilili nenga. ⁴ Pakuya fiyi fyoha ifi fyalembiki palongolo fikalembiki kwa kutiyigalisa tenga, nausi pa kwisinga ni kwinnyamasa kwa malembo tiye ni kulwalilo. ⁵ Leka Mulungu wa kwisinga ni wa kunyamasa awapele Mwenga kutama nu mwoyo umonga yungi nu njini kwa ndingo wa Kristo Yesu. ⁶ Nausi nu mwoyo umonga Munkwise Mulungu nu Dadi wa Bambo witu Yesu Kristo pa ndomo pamonga. ⁷ Mumu muwayupe wayinu ngati umu Kristo nayombe akawayupiti mwenga, kwa kukwisika kwake Mulungu. ⁸ Pakuya nijowa kukita Kristo akitiki wakutumakila wa kusilimuka kwa fya chakaka fya Mulungu, nausi afikangamase filago fya wakadadi. Ni nausi wa mihuku wankwisise Mulungu ndawa ya lipyana lyake. ⁹ umu yilembekili kwa ndawa iyi yanikufumbule pa mihuku ni yanilimbile lihina lyake. ¹⁰ Na kawili ajowa Muhovalilayimwene, mwenga wa mihuku, pamonga nu nsafi wake. ¹¹ Na kawili mundumbaye Bambo, mwenga mihuku yoha ni misafi yoha yindumbe mwene." ¹² Na kawili Isaya ajowa, yauye ndele wake Yesse nuyombe uyu ayima kutama nduma wa mihuku: Pa yombe wa mihuku yawahuwalile." ¹³ Leka Mulungu wa kihuwalilo awafwilanise mwenga ni kicheko kyoha ni kindamba pa kukela nausi mufuluke pa kihuwalilo, pa mbafu ya Roho Mbalafu. ¹⁴ Nu nenga namwene nikeliti ngani pa mwenga walongo wangu kukita mwenga mwawene muyii wakumema ni finofu, wakufwilanasika ni kumanya kwoha, wakuhotola kawili kukilana. ¹⁵ Koma niwalembela pa kusindimala kuwakumbukisa kawili, ndawa ya neema yila yikapiliwi pa nenga kuhuma pa Mulungu. ¹⁶ Kukita niye wakutumakila wake Kristo Yesu kwa mihuku, wakulekela nyambiko pa evengel ya Mulungu, nausi nyambiko ya mihuku yikitike yakuyapika wicho, yakuwalasika nu Roho Mbalafu. ¹⁷ Mumu niyii nako kwilumba pa Kristo Yesu panani pa findu fiyii lisi lya Mulungu. ¹⁸ Pakuya yanisindimale lepa kulongela kandu pa fila Kristo akakitili pa nenga, pakuyufwa kwa mihuku, pa malowe na mahengo. ¹⁹ Pa mbafu ya fiwalalilo ni finyantiti, pa mbafu ya Roho Mbalafu, Mpaka kuhuma pa Yerusalem, ni kusyungutila mpaka pa Illuriko, niwandise ngani evengel ya Kristo. ²⁰ ena kitafukile kuwandisa evangel wiwi, nukuya uku lihina lya Kristo likaluwusika; nausi nisijenga panani pa fyakuwikila Kristo likaluwusiki, nausi nisijenga panani a fyakuwikika. ²¹ Pasi fya yungi: koma umu yilembikili yawawone, kwa wombe ndumi siwafikili lepa na wala wayufwini lepa, yawawalalile." ²² kwa Ndawa iyi nikasiwilasiki pingi nisiwahichila Mwenga. ²³ Koma hino, pakutama pangali pandu kawili pa milima iyi, ni pakuya kihumile pa miaka ya mahele ni kilondo kikulungu kuwachichila mwenga. ²⁴ Baha na baha yanibite mwanja mpaka pa Hispania (pakuya ni huwalilo kuwawona pa mwanja wangu, ni kupelekeseka kuku nu mwenga wona pakutumbula pachokope yanifwilanaseke nu mwenga. ²⁵ Leka hino, niyii nu mwanja mpaka pa Yerusalem, kuwatumalika wawalafu. ²⁶ Pakuya kyayili kwaganisa wa ku makedonia ni akaya kukita kyakuhasangana kwa wakiwa wa pawawalafu wala wayii pa Yerusalem. ²⁷ Ena Kyayili kwaganisa, na wayii wa misigito wae. pakuya wona mihuku wakahasangini pa findu fyawe fya kiroho, wayii ni misigilo kawili kwatumakila pa findu fya nyama. ²⁸ Mumu pala nimakisi ngani iki, na kuwa komalela kipambiko iki, yaniwuke pa mwnga mpaka pa Hispania. ²⁹ Ni mimanya kukita, apa niwahichila kwinu yanifike pa kifwilaniso kya kihoma kyake Kristo. ³⁰ Leka niwapembesa, walongo, pa Bambo witu Yesu Kristo ni pa kiganano kya Roho mukindane pamonga nu nenga, pa maluwo ginu kwa Mulungu ndawa ya nenga. ³¹ Ni mimanya kukita, apa niwachichila kwinu yanifike pa kifwilaniso kya kihomo kyake Kisto. ³² Nausi mifuwulike pa wala wangali kuyufwa pa yudaya, ni kukita kutumakila kwangu kula pa Yelusalem kuyupalike wicho nu wawalafu. ³³ Nausi niwachichila kwinu pa kiheko pa kilonda kyake Mulungu, nu pamonga nu mwenga nipate kupumusika.