¹ Ndumbulo yake utenga unofu wa Yesu Kristo, Mwana wa Mlungu. ² Ngati umu yilembike pa wa kulweta Isaya, Lola, nituma nntenga wangu pa longolo a kyene kyako, yuyu yatendakese yako; ³ Lilowe la wa kukuga mu lipululu, mukayikili ngani ndila ya Bambo, mukite ga kugoloka makuya gake. ⁴ Yohana wakubatisa akapatite kuya mulipululu, kuwandisa ubatiso wa kupela kiyingilile pa kulekelesa sambi. ⁵ Na leka akayile mu kujenda mwanja kwake nndima woha wa yuda wa wandu wa Yerusalem woha, ni wakayile mu kubatisika na yombe mu nkuka wa Yordan, kwa kufumbula sambi syawe. ⁶ Na Yohana akayile wa kufwatakika nu lwagilwa ngamila, nu lukoto lwa kukumba mu kiuno mwake, na kya kulya kyake mapalasi ni uchi wa ku dasi. ⁷ Na akayile mu kuwandisa, kujowa, Ahicha mwene mbafu kulutila nenga kunyuma kwangu, nenga niyii lepa wa kuyenela kuyinama ni kugopola lughoyi lwa sapato syake. ⁸ Nenga niwabatisa Mwenga a machi: Leka yombe yawabatise ni Roho Mbalafu. ⁹ Ni ikapatite kuya pa magono gagalagala, Yesu akachite kuhumila ku Nazareth wa Galilii, na akabatisiki ni Yohana kiyingililen pa Yohana. ¹⁰ Na hino apa pa kukwela pa kuyuwuka pa madiakaweni mafundi gakachwike, ni Roho ngati njiwa kiselalile pa yombe. ¹¹ Ni ikapite kuya lilowe lya kunani, wenga wa mwanangu wa kuganika, pa wenga niganiwe nyahope. ¹² Ni hino apa Roho anntaga kunj mu lipululu. ¹³ Ni akayile mu lipululu magono makumi ncheche kugeseka nni shetani; naakayile pamonga ni filugu na wakamamalaika wakayile kunntumikila. ¹⁴ Na panyuma pa kufumbulika Yohana, Yesu kachite Mu Galilii, kuwandisa utenga unofu wa Mlungu. ¹⁵ Kujowa lumemasike lukumbi, ni utwa wa Mulungu uwandamile; mupele, ni kukela utenga unofu. ¹⁶ Ni pa kuluti;a mu masekwa ga nyaja , akambweni Simoni ni Andrea nnung'una wa Simon kulekela njafu pa nyanja: pa kukita wakayile wa kulowa somba. ¹⁷ Ni Yesu akakite kwa wombe muyichaye munyuma mwangu, ni yaniwakite mwenga kupata kuya wa kulowa wandu. ¹⁸ Ni hino apa pa wakalekite njafu wakankisite. ¹⁹ Pa akagendite palongolo pachokope, kambweni yakobo mwana wa Zebedii, nu yohana nnung'una wombe kawili wakayile mu Libot, wakatendakise njafu syawe. ²⁰ Na hino apa akawakemile; na pa wakandekite dadi wawe Zebedii mu libot pamonga ni wandu wala wa njombe, wakabite munyuma mwake. ²¹ Ni wagenda mwanja kiyingalile mu kapernaum; na hino apa pa sabato pakayingile mu sunagoge akayile mu kuwula. ²² Ni wakayile mu kukangacha nyahope pa mawulo gake: pa kukita akayile mu kuwawula ngati mwene chango, na kuya ngati wa kulembela. ²³ Na hino apa akayile mu Sunagoge yawe mundu wa roho ya wafu; na akakugite nyahope. ²⁴ Kujowa, kiki kwa tenga na wenga, Yesu wa Nazareth? uchite kutiyananga ati? nikumanya wenga uyii wa nani, yula wa pakapewa Mlungu. ²⁵ Yesu kandakalile, kujowa, utame kinunu, na upite pa yombe. Na pala roho ya wafu ikaknkcwhile ni ikakugite lilowe likulungu, na ikapite pa yombe. ²⁶ Na pala roho ya wafu iakanchwile ni ikakugite lilowe likulungu, na ikapitite pa yombe. ²⁷ Na wakagana -ganite woha, mpaka kukotana yungi ni njine, kujowa, kiki kiyii iki? mawulo ga hino! kwa nndingo wa mwene chengo ataukila roho haka sya wafu, ni sinjufwanila. ²⁸ Ni akapitite mbili yake hino apa poha poha pa nndima woha wa kusyungutila gula gwa Galilii ²⁹ Na hino apa wakapitite pa sunagoge, akayingile mu nyumba ya Simon nu Andrea, pamonga ni Yakobo nu Yohana. ³⁰ Leka nkwili mundu Simon akayile mu kugona ni kulwala kupyupa; hino apa wannjowela fya wombe; ³¹ Na pa akachite akankamwile kiwoko, akanjimwise, na hino apa kukandekitr kupula kula, ni akayile kuwatumakila. ³² Leka pa ikapatite kuya kimihi, pala lijuwalikatime wakayile kuntolela wa utamu woha ni wa kukamulika ni madaimon. ³³ Ni likaya lyoha likakokine pa nndyango. ³⁴ Ni akawalamise wingi wa utamu wa kulwala ni fitamu fya mitundu mitundu, ni akatagite kunja madaimon mingi; ni akayitakile lepe madaimon kulongela, pa kukita gakummanyi. ³⁵ Na lukela, pa kilu-kilu, akayimi, akapitite, akawukite kiyingalile lipululu, na kukalakula akayile mu kusali. ³⁶ Na simon na wala wakayile pamonga nako wakankisite. ³⁷ Na wakankolile yombe na wannjowela yombe, woha waku;londa -londa wenga. ³⁸ Ni awajowela wombe tiwuke kungi kungi pa makaya gayii papipi, nausi kukulakula kawili niwandise, pa kukita kiyingalile pa iki nikap[itite. ³⁹ Na akachite kuwandisa kiyingalile mu masunagoge gawe, kiyingalile pa Galiii poha, ni kutaga kunja madaimon. ⁴⁰ Ni wanchilile wa matana, kumpembesa, kunfugamila, ni kunnjowela, ngati ulonda uhotola kunighuyula. ⁴¹ Na pakatoliki ni lipyana, akatambalise kiwoko kyake akankwafite, na annjowela, Nilonda. ughuyulike. ⁴² Ni hino apa matana gakambukite yombe, na akaghuyulike. ⁴³ Na pa akandakalile nyahope, hino apa akantagite kunja. ⁴⁴ Na annjowela yombe, lola usikita kindu kwa mundu; Koma ubitaye, ukayilasa kwa wakakulekela nyambiko, ni ukalekele fya kughuyalika fyko fila akataukile musa, kiyingalile pa ulangamakiso mwake. ⁴⁵ Leka pa akapitite akatumbwile kuyenesa fingi, ni kuwandisa lilowe lila, mpaka Yesu na kuhotola kuyingila kawili pa likaya pa lulanga, koma kunja akayile pandu pa lipululu; ni wakayile kunchila kuhumila poha poha.