¹ Leka Saul akayili kuyitikisana kunkoma yombe leka ligono lila makimbisiko makulungu gakiyimileti kipindika kanisa lya pa yerusalwem, na woha wa kayambaniki pa mlima ya yudaya nisamaria, Lema maapostolo. ² Leka wandu wanofu wakambikiti stefano, na wakakiti malilo makulungu pa yombe. ³ Leka saul akayili mu kuyananga, kanisa, kuyingila munyumba ili yoha na akafutiti wagosi ni wadala kawili akawafumbukisi wakungike. ⁴ Mumu wala wakuyambanika wakagenditi pangi pangi kuwandisda wowe. ⁵ Nu filipo akaselili kulikaya lya Samaria, ni akawawandasili Kristo. ⁶ Leka mapuga wategiti makutu nu mwoyo umongo kwa ifi fikajowiti nu filipa pakuyufwanila, na kulolalela fiwalolilo ifi akafititi. ⁷ Pakaya wingi wa awa wakayili na yoho sya wafu, kukwesa wowe likulungu, sikapititii na wingi wa kidengundengu na wakuchipila, wakalamasiki . ⁸ Leka luheko lukungu lukayili palikaya lila. ⁹ Leka mundu nunuyu, lihina lyake Simon, uyu mwandiakakiti uhausi pa likaya ili, na akaganagani si mhuku wa Samaria, kujowa kukita yombe mwene nunuyu nkulungu. ¹⁰ Uyu woha wakanjitakili kitumbulile nchoko mpaka nkulungu, kujowa , uyu ayii mbafu yene ya mulungu yakemalika ngulungu. ¹¹ Leka mwakanjitakili ndawa kitumbulile mwandi kati awagananisi evangel ya utwa wa wa mulungu ni lihina lya Yesu Kristo, wakabatasiki, wagosi na wadala kawili. ¹² Leka pala wakanketiti filipo pakuwandisa evangel ya utwa wa mulungu ni lihina lya Yesu Kristo wakabatasiki, wagosi na wadala kawilili,. ¹³ Leka Simon nuyombe kaiwli akakeliti: ni pakabatasiki akatemi pamonga nu filipo, na pakulolalela fiwalalilo ni fya mbafu fikulungu fikitiki, akaganganiti. ¹⁴ Leka maapostolo wa pa Yerusalem, pawakayufwini kukita Samaria wayupiti wowe lya mulungu wakatumiti kwawe Petro nu Yohana. ¹⁵ Nawo, pala wakaselilii, wakawaliwili, nausi wa yupe Roho Mbalafu pakuya akayii wakona nukuwagwilila awahaka yumonga: ¹⁶ leka wakabatasiki wake kiyingilile pa lihina lya Bambo Yesu. ¹⁷ Bahalapala wakawikili mawoko, na wakayupiti Roho mbalafu. ¹⁸ Leka Simon, pakaweni kukita kwa kuwikila maweko ga maapostolo Roho mbalafu apeliwe, akawatatili, kyuma kuyowa. ¹⁹ Munipelaye nenga nani chengo iki, nausi uyu ayii yoha yanimbikile mawoko gangu, ayupe Roho mbalafu. ²⁰ Koma Petro akanjowili, ndalama yako yiyanangike pamonga nausi ndawa ukaholiti kukita kya waka kya mulungu kipatikana ni kyuma. ²¹ Uyii lepa ni lilund haka kindu palilowe ili pa kuyu mwoyo wako nukugoloka lepa pa miho pa mulungu. ²² Mumu upelaye pa iki kiwifu kyajo, nu unduwe Babmbo, pangi kwali liholo lya pa mwoyo wako lilekeleseke. ²³ Pakuya niwona kukita uyii nyongo yene kuwawa ni pa kukungika kwake kiwifu. ²⁴ Ni Simon Bambo, kukita kisinigwila kindu kya ifi mufijowuti. ²⁵ Mumu awa, pawakalasiti ulungamakiso ni wakalongili lilowe lya Bambo, wakakulasakili Yesusalem, ni wakawandisi evangel pa makaya mingi ga was Samaria. ²⁶ Leka Malaika wa Bambo akajowiti filipo kujowa, ulimaye, ni kubita ku nkachi pa ndila ya lipululu. ²⁷ Ni akayimiti akabiti na Lola, mundu wa Ethiopoa nuyombe ngida, mundu mwene chengo pasi pa kandake, mutwa ndala wa Ethiopia, kapitao wa kyuma kyake kyoha, uyu achiti ku Yerusalem kugwilakimbo. ²⁸ Na akayili mu kukilawuka ni kutama pa ligeleta lyate, ni akayili mu kusoma wakuluweta isaya. ²⁹ Leka Roho akayowili Filipo, Genda papipi, ni kuwingamisa ni Ligereta lita. ³⁰ Leka Filipoakankimbili yombe, ni akayufwini ayii mu kusoma wakulweta Isaya, na akajowiti, uwalalila ati ifi ufisoma? ³¹ Nuyomb akajowiti, nganuhotuilli wuli, wona elenae mundu kunilongosa? na akampembisi filipo akweleatamze pasi nako. ³² Leka pala akafunukwili malembo aga aijili mu kusoma pakayili apa, Ngati kambelele katoliki wa lingosi palongolo pa uyu Ni ngati mwana wa lingosi pa uyu wakudumula lwigi atama nuu Wilawila nukudindula lepa pa ndomo pake. ³³ Pa kulisela kwake mhale wake ukanyakita kuhogoleka kwake nani yakokase? Pakuya kulama kwake kunyakika kuhuma pa ndima. ³⁴ Leka ngida yula akamhigiti filipo, kujowa, nikulu wa wakulweta ajowa iki kya nani? kya mwene wakape, pangi kya yungi? ³⁵ Leka Filipo akadindwili pa ndomo pake, na kutumbulila pa lilembo ili akamwandisili evangel ya Yesu. ³⁶ Leka apa wayii mukubita pa ndila, wakafiki pa machi makitino, nu ngida akayowiti, lola manchi, kiki kinibesa kubatasika. ³⁷ Nu filipo akajowiti, wona ukela nu mwoyo wako wa mfilimila, uhotona. ni akahigiti ni kujowa ni kela kukita Yesu Kristo ayii mwana wa Mulungu. ³⁸ Na akapawili ligeleta kuyima: na woha wawili wakaseliki kuyingalile mu machi, filipo nu ngida kawili, na akambatisi: ³⁹ Leka apa wakakweliti kuwuka pa machi, Roho wa Bambo akantoliti filipo, na ngida akambweni lepa kawili, pakuya akabiti mwaya wake kuhekalile. ⁴⁰ Koma filipo akakolaliki pa Azoto: ni kugendela akawandisi evangel pa makaya goha, mpaka kufikila kaisaria.