¹ Leka Petro nu Yohana wakayili kukwela kuyingila pa hekalu saa ya sala, ya mhano na ncheche. ² Leka mundu nunuyu wakuchipila kihumile mu luleme lwa nyongolo atuwalikaga, yila wambikaga ligono ni ligono oa ndyango wa hekalu wakukemaleka wakuniamba, nausi aluwe fya lukolo kwa wala wayingila mu hekalu. ³ Yula akawaweeni Petro nu Yohana walondaga kuyingila mu hekalu, akaluwiti kukita ayupe fya lukolo. ⁴ Leka Petro akalolakisi, pamonga nu Yohana, akayowiti, utilolaleletenga. ⁵ akawalolalii, kuhuwalila kuyupa kindu kwake. ⁶ Koma Petro akayowiiti, ndarama ni zahabu niyii nasyo lepa, leka ikyo niyii nakyo nikupela. ⁷ Pa lihna lya Yesu Kristo wa nazareti, ugendaye. ⁸ leka akankamusili kiwoko kyake kya ndilo ni akanyimisi: na hino apa yayo syake sikangamasiki ni fisekeseke fyake. ⁹ Ni akajumbiti, akayimiti, na akatumbwili kugendagenda; na akayingili nawo mu hekalu, kugendagenda ni kujumba, kudumba mulungu. ¹⁰ Leka wandu woha wakumbweni ni agendagenda ni kundumba mulumgu; ni wakamwalahili yombe, kukita uyu akaijili wakutama pasi nausi apate fya lukolo pandyando wakuniamba wa hekalu: ni wakamemiti ni makangacho ni kukenyamuka pa kila kikamgwili yombe. ¹¹ Leka apa akawakamwili Petro nu Yohana, wandu woha wakawakimbili pamnga pa lufuta lwakukemateka lwa solomoni, wakenyamuka waka. ¹² Leka Petro pakaweni, akahigiti kwa nsafi, wagosi wa Israel, mukangacha kiki pa uyu? pangi multilolakesa kiki tenga, ngoti tenga kwa mbafu situ takape pangi pa kugoloka kwitu tinkiti uyu kugendagenda? ¹³ Mulungu wa Ibrahim, niwa Isaack, ni wa Yakobo, Mlungu wa wakadadi witu, atankwisisi Mwana mundu Yesu; uyu mwenga mkamfumbili,, na mukankanitipa kyene kya pilato, pala akapawili yombe kumbopola. ¹⁴ Leka mukankaniti Mbalafu nu wakigoloka yula, ni mukaluwiti kukita mundu wakukoma apelekeke wata kwinu, Ni wakulongosa wa wumi mukankomiti; uyu Mulungu akansyusiti pa wakufwa; wa yuyu tenga tuyii walugama kiso. ¹⁵ Na kwa kukela pa lihina Lyake, yuyu mundolakesa na Mummanya, lihina lyake likankangamisi: ena na kukela kuyii kwa yombe, kukampili kulama kula na mbili woha. pa miho ga mwenga mwawoha. ¹⁶ Na hino, walongo, nimanya kukita mukakiti pangali kumanya, umu watulu-wakulu winu kawili. ¹⁷ Pa miho ga mwenga mwawoha. Na hino, walongo, nimanya kukita mukakiti pangali kumanya, umu wakulu-wakulu winu kawili. ¹⁸ Leka mulungu akafimalisi wiwi, fula akalasiti palongolo pa ndomo wa wakulweta woha, kukita kristo wake yohumbusike. ¹⁹ Mumu mupelaye ni munghanamukaye, nausi sambi simu sisimike, kukita ngumbi sya kuhulusa sifike kuhumila pa kyene kya Bambo. ²⁰ Leka antume kristo uyu awikikingani kwinu, yuyu yesu: yula mafundi galinganila kanjupa mpaka ngumbi sya kukilawusa fyoha. ²¹ Sila mulungu akajowiti pa ndomo pa wakulweta wake wawalafu kutimbulike ndumbula ya ndima. ²² Musa nuyombe akajowiti, Bambo mulungu yanjimasile wakulweta pa walongo winu ngati nenga, munjuwanilaye yombe pa fyoha fila yalongele nu mwenga. ²³ Leka yakuye kukita wumiuyu woha uwu na wombe nukuyufwana lepa kukulweta yula yatagike kitagikile pa nsafi. ²⁴ Ena, na wakulweta oha kitumbulile Samuel na walawakunkisa yombe, wala woha wakajowiti, wakawandisi nawombe kawili sya magono aga. ²⁵ Na mwenga muyii wana wa wakulweta, na wakilagokila Mulungu akalagini nawo wakadadi winu, kunjowela Ibrahim, nipa mbeyu yako mitangilo yoha ya ndima yayipelewe Kihoma. ²⁶ Kwinu pakutumbula Mulungu, pakayimiki mwana mundu, akantumiti kuwapela mwenga kihomo, pa kung'anamusa ayi yoha wa mwenga kuleka fiwifu finu.