^{1 4} Na pala ligono lya pentekote likamaliti kufika, wakayili woha. ² Na kipwitukile yikahumili kunani njwawila ngati kupupuma kwake mbepo ya makakalamuni, na yikamemisi nyumba yoha pala wakayili mu kutama pasi. ³ Na woha wakamiti mu Roho Mbalafu, na wakatumbwili kulongela ni nimi singi, umu Roho akayili kuwapela kupisa malowe ⁷ Na woha wakamemiti mu Roho Mbalafu; na wakatumbwili kulongela ni nimi singi, umu Roho akayili kuwapela kupisa malowe. ⁵ Leka waayili wakuhwela pa Yerusalem wa Yehudi, wa kugwilakimbo na wene, kihumile mhuku uyi woha pasi pamafundi. ⁶ Na pala njwawila iyi yikayufwaniki, lipugu likawunganiki mwoy, ndawa ayi yoha akawayufwini wombe na wajowa ayi njowela ya yombe mwene.7Na woha wakaganaganiti ni kukangacha, kukita, lola, si wohawa wajowa apa wa Galilaya. ⁸ Ni wuli tiyufwana, ayi yoha pa njowelo yake mwene, umu tahogolakili. ⁹ Wa Parthi ni wa medi ni wa Elam, na wala wakuhwela pa masopotamia, pa Yudaya ni kupodokia, pa ponto ni Asia, pa Frugia ni pamfulia, Pa Egupto ni pa malundu ga lubia lisi lya kurene. ¹⁰ Ni wageni wa Roma, wa Yehudi na kawili waprosselute, wa krete ni wa Arabu, tiwayufwana ni walongela pa njowelo. ¹¹ situ makikiko makulungu ga malungu. ¹² Na wakaganaganiti woha, na wakayili mu kukanachila, yumonga kujowa ni njini, kiki iki. ¹³ Koma wangi kudoga wakayowiti, Awa wagaliti mvinyo wa hino. ¹⁴ Koma Petro, akayimi pamonga na kumi na yumonga, akakuwiti lilowe lyake, na akawapisili malowe pa Yerusalem mwawoha, iki kimanyike kwinu, ni mutegaye makutu kwa malowe gangu. ¹⁵ pakuya awa nukuya wakugala, umu mulela pakukita iyii saa yakadatu ya musi. ¹⁶ iki kiyii kikapwiki ni wakulweta Yoel. ¹⁷ Na yakiye pa magonoga kumalakila, ajowa Mulungu Ya nipungulile ya Roho wangu pa nyamba iyi yaha: Na wana winu wagosi na wadala ya walwete, Na wapalo winu yawawone ndoto, Na wakulungu winu yawalote kilotile: ¹⁸ Ena, na pa wawanda wangu wagosi ni wadala pa magono gagalagala, Yanipungulile ya Roho wangu, Leka yawalwete. ¹⁹ Ni yanilase finyantiri pa mafundi kunani, Ni fiwalalilo fya pa ndima pasi, Mwasi, nu Mwoto, ni mfuki walyasi, lijuwa yaling'anamwike kutama iwisi; ²⁰ Ni mwesi kutama mwasi, Lyakona lyangafika ligono lya Bambo, lila likulungu ni lyakuwonekela: ²¹ Ni ya kitame kukita ayia yoha uyu yalikemelele lihina lya Bambo yayokoleke. ²² Wagosi wa Islael, muyufwanilaye malowe aga; Yesu wa Nazareti, mundu wakuyitikalika nu mulungu kwa mwenga, pa fya mbafu ni finyantiti ni fiwalalilo, fila mulungu akafikiti pa yombe pagati pa mwenga, umu mumanyila mwamwena yuyu nuka mbambiti pa msalaba ni kunkoma, pa mawoko ga wandu wangayufwanila. ²³ uyu mulungu akanjimiusi, apa akawopwili fyakuwina fya kifwa. ²⁴ Ndawa nukuhotoleka kikita akamulike nakyo. ²⁵ Pakuya Daudi ajowa ya yombe, Ni kamwene Bambo pa miho pangu magono goha, Ndawa ayi pa kawoko kyangu kya kigosi; nausi nisikangiko: Ndawa iyi mwoyo wangu ukasangalwiki, ni lulimi lwangu lwiti. ²⁶ Ena Nyama yangu kawili yayihwele pa kihuwalilo: Ndawa yaweke lepe wumiwangu pandu pa mahoka, ²⁷ Haka kumpela mbalafu wake awone kuyanangika, yaupelelepa. ²⁸ Ukanimanyisi ndila sya kulama; yaunimemese ni kwangaluka pa kyenekyoko. ²⁹ Walongo, niwajowele mwenga ya dadio wa mwandi Daudi, kukita akafwili na kawili akawikiki nu manyinja, ni linyinja lyake lijili bahapa nu tenga mpaka lilino. ³⁰ Mumu pakuya wakulweta, ni kumanya kukita mulungu, akandapalili, kukita kuwuka pa fipambiko fya mu kiwuno mwake ya mwike pa kitihu kyake. ³¹ Akaweni palongolo, ni akajowiti ya kusyuka kwake Kristo, kukita na kulekeka pandu pa mahoko, haka nyama yake nakuwona kuyanangika. ³² Uyu Yesu mulungu akanyimwisi, natenga tawoha tiyii walungamakiso. ³³ Mumu yombe, wakukwisika pa kiwoko kya ndilo kya mulungu, ni wakuyupa pa Dadi kilogo kya Roho Mbalafu wapungulili, kila mukiwona ni kuyufwana. ³⁴ Pakuya Dadi akakweliti lapa kunani: koma ayowa ya mwene, Bambo akanjowili Bambo wangu, Tama pa kiwoko kyangu kya ndilo. ³⁵ Mpaka pala yaniwawike wa mitumba wako kya kuwikila kya njayo syako. ³⁶ Mumu nyumba yoha ya Israel yiwalalile, kukita mulungu wankiti uyu Yesu, yula mukambambiti pa msalaba, Bambo nu Kristo. ³⁷ Koma pala wakayufwini wakahomiki mu mwoyo na wakawajowili Petro na maapostolo wangi, walongo yatikite kiki? ³⁸ Ni Petro akawajowili, mupelaye, ni mubatasike ayi yoha wa mwenga pa lihina lya Yesu kwa kulelekesa sambi sinu, ni yamuyope kya wakakya Roho mbalafu. ³⁹ Pakuya kilago kiyii kwa mwenga, ni kwa wana winu, ni kwa wohawa wayii patali, wayii woha wala Bambo mulungu witu yawakemelele kwake. ⁴⁰ Na pa malowe gangi gangi ga mahele akawalasiti ulungamakiso ni kuwakila, kukita, mwikengelele pa kuhogosi iki kya mibidu-mibidu. ⁴¹ Na wombe wala wakayupiti lilowe lyake wakabatasiki: ni wakayonjakesiki kwawe ligono lililalila mawumi ngati gadatu. ⁴² Na wakayili mu kukangamala pa mayigoliso ga maapostolo ni pakuhasangana, ni pa kumetula nkate, ni pa sala. ⁴³ Na woga ukawagwili mwoyo uyi woha: ni finyantiti fya mahele ni fiwalalilo fikakitiki pa maapostolo. ⁴⁴ Na wohawa wakukela wakayili pamonga, ni wakayili kuhasangana pa Woha. ⁴⁵ Na wayii mu kuhemesa fyuma fyawe nafila wakayili nafyo, ni kuwagawila woho, umu fyansowili mundu. ⁴⁶ Ni ligono ni ligono, kikangamalile nu mwoyo umonga muhekalu, ni pa kumetula nkate nyumba kwa nyumba, wakayilin kupokelana kyakulya ni kuyangala ni kwa umoyo umonga, kundumba mulungu, ni kuganisa nu nsafi woha. ⁴⁷ Leka Bambo akayili mu kuwayonjakesela wala wayii mu kuyokoleka ligono ni ligono.