¹ Leka baha na baha kukapawuliki kukita tibite na matanga ku italia, wakampeliki paolo na wangi kawili wa minyololo kwa kenturion, lihina lyake julius, wa libanja lya Augusto. ² Na pakuyingila pa liboti lya Andramatio, lila likalonditi kubita na matanga pandu pa Asia, tikakulwili, ni Aristarko, Mmakedonia wa Thessalonika, akayili nu tenga. ³ Na ligono lingi tikachiti ku sidon; ni Julius akaniambiti mwoyo kwa paolo, akanjitakili abite mwanja kwa wakosi mundu apate kukemeleseka. ⁴ Leka tikalwilikuku tikabiti na matanga kuhyeto ku kupro, ndawa mbepo sikayili malobgolo. ⁵ Ni apa tikalutiti ni matanga pangati pa nyanja iyii yiyii papipi ni kilikia ni pamfulia, tikachiti ku mura wa Lukia. ⁶ Ni kuku kenturion akakolili liboti lya Aleksandria lyakubita na matanga mpaka atalia; na akatipakili Mumu. ⁷ Leka apa tikabiti pachokopachoko magono mingi ni mwakukangamala tikachiti pa kipulani knido, apa mbepo yikatiyitakili lepa kawili tikabiti kuhyete ku krete, pa kipula ni salmon. ⁸ Ni kugenda lwasi umu mwakukangamala tikachiti pandu pakukemeleka lilowoko linofu; papipi payii likaya lya lasia. ⁹ Leka apa lukumbi lukalutiti lungakepa, ni mwanja wa hino ukayili ulungu, ndawa lukumbi lwa kwinota kyakulya lukalutilingani; paolo akawakiliti. ¹⁰ kuwajowela, wagosi nilolalela kukita mwanja yautame nu kuyananga ni kutagika, kukulungu, nukuya kwa mpako ni liboti lyakape, leka kwa mawumi gitu kawili tawete. ¹¹ Leka Kenturion akakongiki ni wakukamula lipingilo ni mwene liboti, nukuya aga paolo akalongili ¹² Leka pakuya lilowoko ili nukuya linofu kutama baho pa lukumbi lwa kipepo, wingi wakalonditi kukulula kuko, wona kwali wakahotwili kuyicha pa Foinike, ni kutama baho kipepo, ili liyii lilowoko lya krete kulasa kunkachi ni kululinga. ¹³ Leka pakupepeta nkachi apa wakaholiti kukitawakapatili umu wakalondili, waka kwesiti nanga ni kugenda lwasi pa Krete. ¹⁴ Leka panyuma pake pachokope mbepo kihwanakiso kya limbupulu, lihina lyake Eurakwilo, yikapepiti kuku. ¹⁵ Leka apa liboti likatoliki ni makala, nakuhotoleka lepa kuyingila pa mbepo kulasa pa makigi, tikakotwiki kwipindika na tikatoliki mwakukangamala, kukakungisa kaboti. ¹⁶ Leka kugenda lwasi kuhyeto kwa kilumba kya kukemeleka kauda, tikahotwili mwakukangamala, kukakungisa kabobi. ¹⁷ Ni apa wakakwesiti, wakatumili fya kutangatila, wakakungiti liboti kuholosya migoyi pasi pake; na pakuyogopa wasigwa pa Surtis, wakaselisi findu fya liboti, na wilawila tikatoliki waka. ¹⁸ Leka apa tikatopeliki nyahope ni limbupulu, lukela lwake wakatumbwili kutaga findu kunja. ¹⁹ Ni ligono lya kadatu na mawoko gawe wene wakagiti misigo ya liboti. ²⁰ Leka apa haka lijuwa haka ndondwa nakuwala lepa magono ga mahele, ni limbupulu likulungu tikatigwili, kihuwalilo kyoha kya kukita yatiyokoleke kikatagiki ngani hinio. ²¹ Ni apa wakayili ni njala nyahope, bahalapala paolo akayimi pagati pawe na kajowiti, wagosi mwalinganili kuniyufwanila, nukukulula lepa kuhumila Krete, ni kupata ulugu uwu ni kutagika. ²² Ni hino niwakila mwenga muyenu mwoyo: pakuya yakuye lepa kutagika wumi wa mwenga, lema liboti lyakape. ²³ Pakuya kilo iki malaika wa mulungu uyu niyii wa mwene, uyu kawili nintumakila, akayimi pa nenga. ²⁴ Kujowa ukotoke kuyogopa, paolo ulinganila kuyima pa chengo kya Kaisar: na lola, mulungu akupili kwa neema woha awa wakukulula pamonga na wenga. ²⁵ Ndawa iyi, wagosi muye nu mwoyo unofu; pakuya ninkela mulungu, kukita yakitame wilawila umu kikalongaliki na nenga. ²⁶ Leka tilinganila kutagika pa kilumba kinunuyu. ²⁷ Leka apa kilo kya kumi na ncheche kikachiti, na tenga kutoleka uku na uku pa Adria, pagati pa kilowandu deck wakacholiti kukita wawandamila kundima. ²⁸ Ni apa wakatumalili lead, wakapatiti mikwamba makumi gawili, leka kugenda kawili pa chokope, ni kutumalila kawili wakakolili mikwamba kuminu mhano. ²⁹ Na pa kuyogopa tisigwa pandu pene maganga, wakatumalili kumbingo nanga ncheche, wakaluwite utame musi. ³⁰ Leka apa wa desk wakalonditi kukimbila pa liboti, na wakaselisi kaboti pa nyanja, kihwanakiso kya kulongosa ni nanga pa kilomo. ³¹ Paolo anjowili Kenturion na asikari, wona awa walemiti kuhwela pa liboti mwenga nukuhotola kuyokoka. ³² Bahalapala asikari wadumwili migoyi ya kaboti, na wakalekiti kuweweluka. ³³ Leka apa yikayili papipi nu musi, paolo akawapembisi woha walye kyakulya kujowa, lihino ni ligono lya kumi na ncheche mumalikilana kulolalela ni njala nukuyupa lepa kindu. ³⁴ Ndawa iyi niwapembesa mwenga muyupilane fyakulya, pakuya ifi fiyii kwa uyokosi kwinu; pakuya nakuya mundu wa mwenga lijunju lya mutu wake yalitagike. ³⁵ Leka akajowiti aa, ni akatoliti nkate, akansengwisi mulungu pa miho ga woha; na akametwili. ³⁶ Leka woha wakasangalwiki, na wakatoliti kyokulya nawombe kawili. ³⁷ Leka tikayili pa liboti woha wandu mia mbili na makumi mhano na gawili na sita. Leka apa wakatupili kyakula, wakayuyusiti liboti kutaga trigo pa nyanja. ³⁸ Leka apa akayili musi, wakamanyiti lepa ndima; leka wakaweni kalowoko ni khanga wake, na wakapangini wahotole kwali kukangisya mumu liboti. ³⁹ Leka apa ukayili musi, wakamanyiti lepa ndima; leka wakaweni kalowoko ni mhanga wake, na wakapangini wahotole kwali kukangisya mumu liboti. ⁴⁰ Ni kuwapola ngani nanga, wakasilekili pa nyanja, ni wakawopili kawili migoyi ya kukunga sigilo; na kukwesa tanga lya kulongolo kwa mbepo, wakagenditi kuyingila pa mhanga. ⁴¹ Koma pa kugwila pagati pa pandu pa kuputingana nyanja, siwili, wakayingisi ngani liboti ku ndima; ni kilomo kyake kikayingili kwa makakala, ni kikatemi kyanganyukanyuka, koma mbingo yikakanywiki kwa makakala ga mayiga. ⁴² Leka luhala lwa asikari lukayili kuwakoa wa minyololo, asisugila yumonga ni kukimbila. ⁴³ Leka Kenturion, pakulonda kunjokola paolo, akawakanisi kwa luhala lwawe; ni akapawili kukita awa woha tolakusuga wayitage kulongolo, kufuwuka ku ndima. ⁴⁴ Na wakusigala, wangi pa mapondo, na wangi pa findu fya kuhumila pa liboti, na wilawila woha wakayokwiki ku ndima.