¹ Koma ulimanyi ile: pa magono ga kumale ka yakuyi nu ukombi lunonono. ² Kwa ndawa wandu yawai wa kujigana wene, wakugana, mulipiya, wakufiluha (kujikwesa) wa kumeka, wakupebusa, wanga kuwaginika wanyaluhala, wanga kuzengusa nu wweefu. ³ Wanga kigananu kyene, wanga kulonda kutama kwa kindavula nu yohayoha, wakoma vsi, wa kudetekesa, wawahotola lepi kujiselesya, wawayili nungomani nu wawlonda lepi gamofo. ⁴ Yawai walowo, wana kinyinda, wakujigana wene nu kugana manofu ga pandema kulotela kung'ana Mulungu. ⁵ Kwa kunja wawoneka, walasa wang'ana Mulungu koma yawabeli makakala gaki. Nkoto kuwandemana nau. ⁶ Kwa kuya wangi wagosi, wabeta makaya ga wandu, nu kuwakonga wadala wahimu awa wawyili nu sambi nu wawalongusewa nu luhojololya luyi loha. ⁷ Wadala awa wajiyengalesa magonogola koma wahofola lepi kuya nululagu lwa chankaka yene. ⁸ Ngati momo Yane nu Yambre wayeniti pasima nu Mussa, kwa njela eye walimu awa wa magheya wayema pasima nu chakaka. Nu wandu wawa yanangili kimahoro gavi, wayetekela lepi kuwandamana na kukele. ⁹ Koma yawalotie epi palongolo, kwa ndawa uhimu wawi yavi pakwelu kwa wandu woha ngati katayili wanduvwala. ¹⁰ Koma wenga yaukesa malowi gangu, maketeku gangu, malombogangu, kukela kwa nenga kukulendalela kwa nenga, kigananu kyangu, ukangemafu wa nenga. ¹¹ Mahombuseku, kuvwiniwa, gaga nikolili kola Antonikia, ikonia na Listra na kangamili nu Bambu aniyokweli na goha. ¹² woha wawlonda kutama nu lilowi la Mulungu, kwa Kristo Yesu (yawafikoleli) yavawahombuseki. ¹³ Wandu wavwefu na wangheya yawayo njokeseki kuya wauwefu njamhopi. Wawawakonga wayinu nu wombi yawakongeke ¹⁴ Koma wenge tamai na gawakuyengalisi nu kuga kela kwa makakala. Kwa udawa umanyi nyegalili kwa yoleke. ¹⁵ Umanyai kuketa kuhumila ukeke waku ugawanyi malembu gawalafu, aga palia gahotola kukupela liginiku kwa ndawa ya uyokosi nu kukela Kristo Yesu. ¹⁶ leka lilowi lohaloha la liyinu nu womi wa Mulungu, likwila mayegelesu kwa unofu kuwa kemelesha na kutendekesa mahoko nu kuwayengalesa kwa chankaka. ¹⁷ Eye ni kukefa mundu wa Mulungu ayai wichu, wakampelai nikowa ya kuhengela lihengu linofu.