¹ Hinu, wenga mwanangu usopiwahi makakala nu neema yayili mugati ya Kristu Yesu. ² Ni malumbu gawayofwini kwa nenga ni mashaidi vamahele uwapela kwa vandu vakukeleka ava yavahola kuyegalesa vangi nao. ³ Yavakiti mahombuso pamonga na nenga kita askari vanofu va Kristu Yesu. ⁴ Ayilepe askari atumikai lukumbi wovo ahenga mahengu ga kawaida ga matamilu aga, koma agamisa mutwa waki nkulungu. ⁵ Bahapa keta mundu wa kulimbana keta mwana wa malyau yavampeli taji, wona alimbana kwa kukesa ndumulu ⁶ Ni kindu kinofo mundu wa kulima aya ekiki aya va kutumbulia kuyupa kigahu kya mazao gaki. ⁷ Uholalilai kukita ganijova koma Bambu yakupela lulangu kaketa malumbu gaha. ⁸ Unkumbukai Yesu Kristu, kuhuma uho gosi wa Daudi, yanshuti kuhuma kwa wafuhili lifanangana nu utenga w nenga wa livangelo. ⁹ Kwa ndava hiye nihumbuseka vila kikongeka minyororu kila nanduwo. Baha lilovi lya Mulungu likungeka lepe ni minyororu. ¹⁰ Hinu nivumilila malumbu goha kwa ndava ya Mulungu amalikuvahagula, ni vene vaupatai wokovu wa uyili mugati mwa Kristu Yesu pamonga nu unofu wangamala. ¹¹ Njovelu heyi ya kukeleka: ''Ngati tifwili pamonga ni mwene, yatitami pamonga ni mwene vilavila''. ¹² Wona yativumilai yaliyai watwa pamonga ni mwene wona yalimbelai ni mwene yatibelai na tenga. ¹³ Ngati lenga ya likeleka lepi mwene yasigali wa kukeleka ndava mwene aholola lepi kwibela mwene. ¹⁴ Ulotai uvakumbusai panani pa malumbu aga. Uwabesai palongolo pa Mulungu vakutokai kubishana malovi aga. ¹⁵ Uketa ukiki kufisa kukila vakuyitakili ni Mulungu koma uketa lihengu. Kutokuva ndava kutakaliwa kihengila lilovi lya chakaka. ¹⁶ Utama patali ni malumbu ga ndima kukita zaidi ni zaidi ni uluwo. ¹⁷ Mayofunganu gavi yagagendi keta kironda kya miaka imahele. Mugati mwaki Himenayo ni Fileto. ¹⁸ Ava ni vandu vavakosili chakaka vajova naha kushuka kumalili kupitila wang'anamusa imani ya vandu vangi. ¹⁹ Hinu msingi ukangamafu wa Mulungu uyemiti, uyi malembu huwo, ''Bambu avamanji vaki ni yalowola lihina lya Bambu ayaipatali ni uvifu''. ²⁰ Pa likaya la tajili kufeka vuiyili findu vya dhahabu ni shaba. koma fiyili findu fya mabiki ni ludopiu mugati mwaki ndava ya kuhengela fya liginiku ni mugati mwaki fya mahengu ganga liginiku. ²¹ Kuketa mundu yajiyosi mwene kuhuma kumahengo ganga mahengu ga liginiku ni mwene ni kindu kya liginuku. Kusula mwene kindu kya kumanyika nu Bambu na uvlivi ni lihengu linofu. ²² Ukimbilai luhojolo wa mu ufwana. Ukisai haki, imani, ni kigananu ni amani ni vala valavava nkemela Bambu ni moyo wa wichu. ²³ koma ubelai uhimu ni malumbu ga mihenje. kuketa uhogola ngondo. ²⁴ Mpakasi wa Bambu alondeka aya si mundu wa ngondo alondeka aya mundu ndegelefu kwa vandu woha ya amanyi kuyegelesa ni kuvumilia. ²⁵ Ayai va kuyigalisa ulegelefu vala vavapingana koma Mulungu aholole kuvapela kupela ni kumanya chakaka. ²⁶ Vahotulai kupela kumanya kuvili ni kutama patali nu ntegu ni nduwu, ndava yombe vatekiwi ni mwene kwa ndava ya kigananu kyaki.