¹ Ibho na kudalihana vikufuma kwoshi? Vwevitakwimilila kufuma kusunguha ikwinyu ukubhibhi zye kuleta imbiwi mkasi peka iyinyu? ² Mkuigana vyondi vyemtalinavyo. Mkugogana na mkushimbizanya shila shondi shila shemtanasho. Mkuhomana na kudalihana, pope mtakupata mwemtakumputa uMulungu. ³ Kuputa namtakuposhela mwemkumputa kunongwa ibhibhi, pemuwenze kuvibhombela kusongwo izyinyu ibhibhi. ⁴ Emwe mubhelengani! Mtamanyile kuti umanyani iwinsi we mufi iwa Mulungu? Pe ishi, wowondi wakwamla kuti wumanyani uwinsi akuyibhiha wewamfi wa Mulungu. ⁵ Ilelo gegasimbilye iga gakulonga kuti uputi abhishile mkasi iyitu alinilukelo nifwa wope tebhampe? ⁶ Ilelo u Mulungu akufumwa uwinza ihani, zye masimbo gakuti, "UMulungu akumpinga wali namaloli ilelo akupa uwinza umtonsu." ⁷ Inzesho, myifumwaje kwa Mulungu. Mmhanaje usitani wope atishimbile kufuma kukwinyu. ⁸ Sejeleli papipi nu Mulungu, wope aisejelele papi nimwe. Yozyi inyobhe zyinyu, imwe mwemli nimbibhi, gombaji amoyo ginyu, imwe mwemlinia zibhili. ⁹ Sungamaji, zindaji nalilaji! Garulanyi kuseha kwinyu kubha luswimililo na kusha kwinyu kubhe kuzinda. ¹⁰ Yinsaji mnemwe pilongolela pamwene, patibhazuvwe pamwanya. ¹¹ Mtalonjelenaje ishinji mnemwe kwa mnemwe, bhamwitu. Mndu anga kulonga ishinji nuholo wakwe, pam kumlongwa uholo wakwe, kumlonga uholo uwakwe akuluga ishinji inongwa inongwa yikuila inongwa zya mwa Mulungu. Inge mwayilonga inongwa, mtakuyitiha inongwa, yoli mkuilonga. ¹² Aliweka basi wakufumwa inongwa mlonga inongwa, wuMulungu, iwene wali akuwenza kutula na kugoga. Iwe wananu wukumolonga upalamani waho? ¹³ Tejelenzi, imwe mwemkulonga, "Umsanyunu nindabhi tuhaibhala mnsi ini, nakwiha umwaha ungwo na kubhomba uchuruluzi, na kugomba kugoma." ¹⁴ Wunanu wamanyile kuti teha fumile ni ndabhi, nakudela ikwinyu hehoni? Pe mkuholana inzimbesu ukufumila kuhabhalilo ahafupi iwinza ukutega. ¹⁵ Ilelo hani mlongajie, "Inge lugano lwa mwene, tuolile na tutiombe iha na hala." ¹⁶ Ilelo ishi mkuyilola nagemkupanga aginyu. Gemyibada igo gondi mabhibhi. ¹⁷ Ilelo, iwene wamanyile kuomba aminza ilelo uwene atakuzibhomba kwawene zinizyo mbibhi.