¹ Bha holo bhani mutahabhe na abhamanyizyi abhinji, mumanye kuti tuhayibha na mayimba amapiti itwe twendi. ² Itwe twendi tukukosela kumadala aminji ingalipo watakusela. Wakulonga uyo alahinza angaudinda umubhili wakwe wondi. ³ Inzitwe she tukubhiha ilijamu mumalomu igabha falasi bakutwivwa, tukuwezya kubhapindula amabhili igabho. ⁴ Umanye kuti imeli pope she mbiti ikubushilwa ni mbepu ihali, na zikujezwa na handu ahansi ifwa, kubhala kwokwondi kwanza unahoza. ⁵ Ulumili hansi iha mubhili, lukuyibada amapiti ifwa. Tendela isengo vyelikwaha kuhoto ahansi! ⁶ Ulumili lwope mwoto, munsi iya mayimba lubhishilwe mumubhili iwitu na wewukuwubhiha umibhili uwubhibhi, wubhiha umubhili wondi uwubhibhi. ⁷ Kwekila iviholo vyondi vya vihano nivwi nyonyi ni vyondi vye vivyula ni vindu vyondi vye vili ubahali vikusojiha na visujishile nu mundu. ⁸ Atalipo umundu ingaweka wanga kudima ulumili; wubhibhi we wutapumile wizuye isumu yeyikuleta uwufwe. ⁹ Kululwo tukumusalifwa uMulungu u tata wetu, na kulolwo tukubhaguna abhandu Mulungu bhabhagombile ku shiholanyo ishakwe. ¹⁰ Kwilomu linilyo likufumwa ishigune ni ulusayo. Bhaholo bhani itayiye kubha inzishoha. ¹¹ Ishi ulwizi pe lukudubhaha gagafuma aminzi amabhibhi na minza? ¹² Bhaholo ikwi ligapapa umuzeituni awe umzeituni kupapa ikwi? na shishisho aminzi pe gakudubhuha gatagafuma aminzi amabhibhi na minza ha. ¹³ Wunanu kwukwinyu we ninjele na akwelewa? Na alolyesye imbombo zyakwe kunjendo inyinza nu wupole we wukufumilana uwutinvu. ¹⁴ Ingamuli nu mwone we wuli nuwuchungu nu mulaha mumoyo iginyu, utahayibade naholonje ilenga wukuhana uwana lyoli. ¹⁵ Inogwa izi te zyakumwanya ha, lyoli ya musumu njendo ya shiwundu na ya setano. ¹⁶ Pepali umwone pepali uyanzi pepali iwinza na halanga nu wubhibhi wondi. ¹⁷ Uwinja we wukufumama kumwanya uwene mwinza uwana lyoli, uwupole nu wutivwu ye hizuye, kutejelevya amazyi agabhandu wizuye kutuyila ni njendo inyinza, teyakutendela imiso ya mundu wanalyoli wene. ¹⁸ Imbe yu iyanalyoli ikuwalwa nu wuna lyoli kubhala bhebhakubhomba izyanalyoli.