¹ Bhaholo kalata ili lya wubhili, wingu bhasimbila imwe kugondi amakalata kukuzidamusya injele izyinyu inyinza, ² Ingamukumbushe amazwi gebhalonjile aminza igahali na abhakubhi abhinza ni ndajizwo ya mwene umulobhola we bhahamuleta abhasondelezye bhitu. ³ Mumanye kuti insiku izya kunpelala bhahayinza abhandu bhebhakuliga ni ndigo izyabho, bhebha kujenda munjendo izyabho bhibho. ⁴ Bhahayi "Longaga kuti lilikwoshi isiku kyakwinza kwakwe? abha tata abhitu bhahafwa ivindu vyondi vili shishila kufuma kuwandilo kupelwa kunsi. ⁵ Bhahadinda amiso igabho bhatahalole izwi ili kuti zyalipo imwanya kufuma hali ninsi abhulo, ihabhombeha kufumilana na minzi na mkasi kwizwi lya Mulungu, ⁶ We palilulwo insi ihabadiliha ku minzi ihananjiha. ⁷ Imwanya izyisalizi ninsi zibhishilwe kugulila umwoto. kwizwi lilila zikusugwa te kukunogwa na kunanganya kukwabho kubhandu bhebhatokumuputa utata. ⁸ Bhaholo mutahiwe izwi ili kuti isiku lyeka sawa na maha elfu lilinzi siku lyeka. ⁹ Utata akuhabhaha kufisya insi izyakwe anzashe abhandu bhakukwina uhahabha lyo kujimbilila kukwinyu, umundu wowondi ateje lyoli bhondi bhafishile kwamba. ¹⁰ Isiku ilya tata lihayinza unzu mwibha kwi isiku ilyo imwanya zihayepa. Kulushindo ulupiti ni vindu ivimwata vihayi lungulizwa na kugubulanya. Na insi ni mbombo zyezili mumwo zihahayepa. ¹¹ Pi vindu vwondi vihayitikitila. Itwepikwanziwa tubhe twe bhandu bhalibhulibhuli? Tubhe twe bhandu abhinza na ugagogaga. ¹² Ikwanziwa kumanya nalubhilo kwinza kwakwe kulilyo imwanga zihayibha gubulanye zihayibha lungulila na ivindu ivwi mwata vihayilungulila na kuyongolela. ¹³ Inza shezili indajizyo izyakwe tukugulila imwanya ipwa ni insi ipwa, kwe abhana lyoli bhayidilaga. ¹⁴ Ishi bhaholo ivindu ivwo pe tutusunguha tu dagaje inga tulolane ku winza kuti tutali nu wubhibhi insoni pilongolela papakwe. ¹⁵ Na mwe mumubhazye wa kujimbilila kwa mwene kuti kwe kukulobhoha she shishila uholo uwetu uPaulo, she atusimbiye kumililana nu winza wailiwo. ¹⁶ UPaulo akulonga gondi igo ku makalata gakwe kulivindu vye vigomu kuvimanya. Abhandu bhebhata ni njele bhanang'anyinye ivindu ivwo inza she bhakubhomba ku mazwi. Kubhala kuwubhibhi wabho. ¹⁷ Ishi, bhaholo pe mugamanyile igo. Muyisungaje munemwe iga bhatahabhatezye nu wubhibhi na kubhapuvya na kutezya uwinza. ¹⁸ Mkute kulugano na kwelewa kwa tata umwokole uYesu Krisiti. Ishi uwinza wulinu woyo insiku zyondi. Amina.