¹ Abhakuwi abhilenga bhayilole siizye ku bhaislaeli, na manyizyi abhilenga bhahayinza kukunyu. Bhakuyiletela uwunanjisu uwa nalubhiho mumwanya yaabho. ² Abhinji bhahayi fwata amadala gaabho igiayibu nakushilila bhibho bhayihana idala ilya na yoli. ³ Kumwone bhatibhachepaje abhandu bhakubhombela amazwi agilenga kulongwabho tekuhabhe, uwunanjisu wuyifwaata. ⁴ Ilelo u Mulungu atabhaleshile abhahabhiizya galuhine. Yoli abhasumbile kubhazimu anga bhabhapinye iminyoololo mupaka kulongwa kuhize. ⁵ Ilelo uMulungu atajimbiliye uwi maandi, yoli amubhishile uNuhu uwa lyitiho ulwana yoli, peeka nabhaamwabho saaba, ahabhali walesheye amayimba pamwanya paulimwengu wewaasile. ⁶ UMulungu aziilonjile ihaya muSodoma na Gomola ahansi ihakubha maloota nuwunanjisu angashibhe shilolesyo sha bhabhibhi insiku izya piloongolelo. ⁷ Ilelo wabhomba ilyo, ahamwokola uluuti umundu uwana lyoli, ulowe bhamunswumiili zya nitaabiya chaafu izya bhebhatakulema indajizyo zya Mulungu. ⁸ Kwe kunti umundu unu uwana yooli bhadiliye nabho insiku kunsiku akuyiteesa nafasi yakwe kunongwa ya zila zyayivwizye nakoolola. ⁹ Kwe kunti umwene amanyile kubhookola abhandu bhakwe muhabhalilo mayimba na kubha jimbiilila abha bhibhi kunoongwa ya wulongwi isiku ilya kupeleela. ¹⁰ Izyanali uwu wana yoli kubhala bhebha kweelela kwihala musunguho izya mubhili unu nakusholaanya indajizyo, abhandu anzabhanaabho bhana maha mumaha gaabho, bhatakuwogopa kubhajeha abhamwamu. ¹¹ Poope anga abhahawizya nuwuwezyo nu Mulungu kushila abhanaadamu, ilelo bhatagawezya kuleta amayimba kumushila umwene. ¹² Ilelo ivihanoiivi vyevitanjile vwagombile kwe kunti vilemwaaje na kugoogwa. ¹³ Bhakubha vywalazya kwa kubhihwa nuwu bhibhi waabho. Shamusanya shoondi bhakulinda mumbibhi. Bhakuseshela imbibhi izyakuhoopela webhakuseshela niwe. ¹⁴ Amiso gaabho gadindilwe nuwu weembu, bhatakukwita kubhomba mbibhi, bhakubha hopela nakubhakwiisya abhapindushe abhajeni mu mbibhi, bhali na mooyo geegizuye kunsuunguha bhana bhebha guniilwe. ¹⁵ Bhalileshile idaala ilyana yooli. Bhateejile bhakulandata idala ilya Balaam umwana wa Beori, wayigaonile kukabha amusombo imbibhi. ¹⁶ Ilelo bhamuhalaliye kwa kusaa kwaakwe, indogomi yeyali yiyi shinunu yihalongaga mu sauti ya muundu, yadindile abhazimu bhamukuwi. ¹⁷ Abhandu ibha anga mumumatope mwemutali na miinzi. unganti mabhingo gegaa kushimbizya ipeepu, ibhingo imwamu libhishilwe kunoongwa yabho. ¹⁸ Bhakuloonga kuma baado basi. Bhakugwiisya abhandu kunsuunguho izya mubhili. Bhakubhagayi abhandu bhebha kulinjizya kushimbila bhala bhebha kudilaa mumbibhi. ¹⁹ Bhakubha suubhizya abhandu uwu saatusu weene bhapinywa bhimbibhi uwuchaafu. Umundu akubha muwupinywe kuhaala heha mutabhalaaye. ²⁰ Uwene wakuuyefwa nu wuchaafu uwa munsi kufumila munjeele ya Yesu Krisiti, awinza akupwaanila uwibhibhi wuyo awinza, uwumi waakwe wukubha wubhibhi kushila uwaakuwaandilo. ²¹ Yahondeye angabhandu ibho bhataamayile idala ilyanaa yoli kuliko kulimaanya anahabhili awinza kuzileeha indajizyo afinjile zye bhabhapiiye. ²² Ishili ishi shikubha ni zyana yoli kukwa abho. "imbwa yikupwaanila ataapisigaakwe, ni ngulubhe yebhageezya yikuduga muma haando."