¹ U Simoni nu Petro, Upinywe nu Musondelenzya uwa Yesu Krisiti, kubhala bhebhapoye ulwitiho lula ahinza enze twaposheleye itwe, ulwitiho lwe mukasi mwa Mulungu wamatusebhile uYesu Krisiti. ² Uwinza wubhe kukunyu, uwihalo wonjele kushilila injele iya Mulungu nu mweene witu uYesu krisiti. ³ Kushilila injele ya Mulungu tuvyajile ivinduuvya kwe vyondi kwa ajili ya uchaji uwihalo, Kufuma kwa Mulungu wa matubhishiye kuwinza waakwe. ⁴ Kwadalili atusubhi zizye kwaku guliila ukwinza. Abhombili iya anga tuha pwaniile imwata Mulungu kushishila shetukweendelela kezileha imbibhi munsi ini. ⁵ Bhombaji kumaha kwonje zya wunza uwidala lyinyu, kunongwa ya winza, winjele. ⁶ Kushilila ahansi, kujimba, na kushilila kujimba, nitogo. ⁷ Kushilila itigo nulugano ulwa holo nakushilila ulugano ulwa holo, ulugano. ⁸ Anza ganaago gali mukasi yinyu, angaga kwendelela kubha mapinti mukasi yinyu ilelo imwe temuhabhe mwabhandu bhebha takulolesya uwinza kunje iya mwene witu uYesu Krisiti. ⁹ Ilelo wowondi watali ni mbombo izyo akuzilola imbombo izya papiipi; ibhulo uyo wumbubhila ayiwewe ulusayo alwi mbibhi zyaakwe izyimaandi. ¹⁰ Ilelo, bhaholo bhani, bhombaji kumaha ikuyisimishi zya kusewa kwinyu, anza mwabhomba iya temu nkundile haa. ¹¹ Ipo muhayiwaaga umulyaango uwa kwinjilila kuwinza ukushina mwene witu wamatu sebhile uYesu Krisiti. ¹² Kwe kunti ine ihayitiha kubhakumbusya zyondi izi itatali, poope anga muga manyile popeshi mwabha na maha kuzyana yooli. ¹³ Ukwinii lila kunti inda hinza kubhadamusya na kubhusya pamvanya pagiiga abha ndipo mukasi munuumu. ¹⁴ Imanyile kunti ahabhalite hata intiyefwe inyumba inii, anza shu u mweene uYesu Krisiti andoolesizye. ¹⁵ Indilinje kumaha kunoongwa yinyu anga muhakumbuhaje imbombo iizi weeine na soogola. ¹⁶ Kwee kunti itwe tutafwatile ivywa pamamwanya zye bhinji zizye kuwiinza paalape twabhabhuzizye kunoongwa ya maaha naku yilolesya kwa mweene wiitu uYesu Krisiti, yoitwe twali twabhakeeti ibha winza waakwe. ¹⁷ Umwene wayihaye uwinza pamwanya kufuma kwa Mulungu taata pala pizwi lya vishile kufuma kuwinza umupiiti ikulonga, "Unu we mwana waani, wee hondelilwe naawo." ¹⁸ Tuvuuye izili kufuma kumwanya pala pe twali nizyana yoli lila gamba ifinjile. ¹⁹ Tuliniizwi ilya mukuwi ilya na yooli, anga kulilyo mukubhomba ahiinza kusimishiizya. Unganti luhozyo yikulamaa ahisi anga kukusha ni zufa izya kumashelo ziloleshe mumoyo giinyu. ²⁰ Manyaji iga kwe kuti, wutaalipo uwukuwi wewukusimbwa kunongwa iya kuyikwiniilila numukuwi wuuyo. ²¹ Wutalipo uwukuwi wewiinzile kushigane shaamundu, ilelo kwe kuti abhanadamu bhabhapiiye nu mupeepu umufinjile walonjiile kufuma kwaa Mulungu.