¹ Ishi, kuhabhalilo isala ni siku, holo tekunti vyonti te visimbwe kukwiyu hala. ² She mmanyile mnane mwe kuti isiku ilya Mulungu likwizya aza umwibha wa kwinza kwibha. ³ Pala pe bhakuti "Pali uwiza nu bhutosu", pu ubhibhi ukubhizila ilelo. Aza utolweshe wuku mwaga umwaga umwandada uwa lwanda. Tebhayefye mwidala lwolwodi hala. ⁴ Imwe, mbhaholo mtali mhizi hala kuti isiku liga bhaga aza umwibha. ⁵ Imwe mwendi mwabhana ibhapa zela na hasanya. Itwe twetwa bhana ibha usiku na hisi. ⁶ Ishi yoli, tutagonaje azashebhaji shebhagugona. Yoli tungone lelaje na kuputa yoli. ⁷ Bhebha kugona bhakugona usku na bhebha kuholwa bha kuolwa usiku. ⁸ Itwe twe bha shamsanya, tupute yoli. Tukwembe ilya lwitiho nu lungano, ni kofye la injela, ye zya nayoli kubhuma we wu kwiza. ⁹ Anza shu Mulungu atatu sebhile kuwando kutupemba, yoli kuti tummanye kwindala ilya mwana uYesu Krisiti. ¹⁰ Iwene wa matu fyilinye kuti anza, tundamunyeo awe tugonile tuhayindila peka inawo. ¹¹ Ikwaza, kusubhizaya na ku zengana munemwe kumnemwe aza she mkubhoba he mwitishile. ¹² Mbhaholo twa lamba mbhamanye bhebha kuputa kufuma kukwinyi nabhe bhali pamwanya yinyu na pa mwene bhebha kutusoha. ¹³ Tukubhalabha mubha maye na kubha liniha kulugano ulwi mbombo yao. Mbhe nulusu bhilo munemwe. ¹⁴ Twabhasimishizya mbha mwitu, mbhasoshe bhala bhebha takujenda kuwolo, bhape amaha bhebha hata mbile, mbhafye abhatutu, bhajimbaje kubhondi. ¹⁵ Mweyaje atabhaje umundu wakungaluzya amabhibhi kuwa mwabho. Lyoli bhombaji amiza kukwiyu na kubhondi bhombaji ga miza na kubhadu bhondi. ¹⁶ Mshaje isiku zyodi. ¹⁷ Mlabhaje mta lehaje. ¹⁸ Msalifyaje uMulungu ku gondi kungingo wewizya uwalwugano kwa Mulungu na kwa Yesu Krisiti. ¹⁹ Mtamzimanyaje umfijile. ²⁰ Mtausufyaje mkuwi. ²¹ Ligaji amambo gondi mle maje lweliza. ²² Mnyefyaje kungondi amabhibhi. ²³ U Mulungu uwa utosu ubha malile kuwiza. Umwoyo nuhupuma nu mubhili, vibhepe kwa mwene u Yesu Krisiti. ²⁴ Uwene wabhabhabhilishi nye mtosu wene wewakubhomba. ²⁵ Holo, tulabhile yoli. ²⁶ Bhalamsho amaholo bhondi kubhafipa kuwiza. ²⁷ Ikubhabhuzya kwa mwene kuti kalata ili libhaziwe kubhangolo bhondi. ²⁸ Uwiza uwa mwene witu uYesu Krisiti wubhe peka nimwe.