¹ Ishi, bhamwitu, tuku bhalabhakwa Yesu Krisiti. Izya she mposheleye indinganizyo kufuma kukwitu she ikwanzilwa kubhala kuwinza kwa Mulungu, mbhale kuomba ihani. ² Pe mmanyile zyetubhalinganizizye kushilila umwene uYesu. ³ Igageshigane isha Mulungu: Iwinza uwinyu - mlehane nvukwelengusu, ⁴ Kuti weka uwinyu ammanyile shagambhiha umshi wakwe wuyo kuwizya uwalutiniho. ⁵ Utahabhe numshi kunongwa izya mbhili (inza ibhamnsi bhebhatamanyile uMulungu). ⁶ Atahabhe umndu wowondi watahafumileje inyoli na kumkosela uhoro panongwa inzizi. Pumwene wakuti na kulipizya inongwa zyondi, inze shetufumile kubhasoha na kubhapanjila. ⁷ Ilelo umwene atatuleshile ku mabhibhi, yoli kuwinza. ⁸ Yoli wakulihana ili atakubhahana abhandu, yoli akumhana uMulungu, wakumpa umpepu umfinjile uwakwe. ⁹ Ulugano ulwa holo, kutali aminji iga bhandu bhobhondi kukwandishila, pe abhamanyizi zye kuganana imwe ku imwe. ¹⁰ Lyoli, mwabhombile iga gondi kubholo wewali ku Makedonia gondi, ilelo tukubhasimishizya, bha mwitu, mu bhombe ihani. ¹¹ Tukubhabhuzya myigane kubhana maisha aminza, kubheha imbombo izyinyu, na kubhomba imbombo kunyobhe iyinyu, inze shetwabhalesheye. ¹² Ubhombe iga ungubhale ahinza na kunyinza kubhibho bhebhali panzi palusubhilo, utahapungu shilwe na zyondi. ¹³ Tutakwanza imwe mmanye mwetemmomwo, imwe bhabholo, kubhibho bhebha gonile, mtahasungame inzabhala bhebhatamanyile kuzye zikwinza. ¹⁴ Inge tukwetiha uYesu afuye na hazyuha, mwemmwo uMulungu ahayibhaleta peka nu Yesu ibho bhebha gonile kufwa mmwakwe. ¹⁵ Kugigo tukubhabhuzya imwe kumazi iga mwene, itwe twe twabhapuma, twetuhayibha wakwinza umwene, yoli tetu habha gonile hala bhala bhebhagonile uwufwe. ¹⁶ Pu mwene wuyo ahayiha kufuma kumabhingo. Ahayinza na kuhola ukupiti, peka nuhabhizya umpiti, peka nisaji ilya Mulungu, bhebhafuye mwidala ilya Krisiti bhahayizyuha isuti. ¹⁷ Pe itwe twetwabhapuma, twetusyalile, petulisangana ku abhingo peka inao kumposhela umwene mmwanya. Pe ishi tetubhe numwene insiku zyondi. ¹⁸ Ishi, mkumbusanyaje mwemwe kwa mwemwe inongwa izi.