¹ Ishi kulili kufumwa iya bhabhitishile, ngati shinde vibhuzye ivibhanza vwa Galatia, shinesho isha mkwanzilwa kubhomba. ² Kwisiku ilya kuwandilo iya Mlungu, kuli weka iwinyu abhishe ahanta ham pambali na kuha fisa, inza shemkuwezya. Bhombaji isho inga kuti utahabhe na kufumwa ishi inganenza. ³ Na inganafiha, wowonti wewamsebha, ihanyimsontelezya peka nu kalata kufumwa ifinjile yinu ukwo ku Yerusalem. ⁴ Na inga hehinza ku line kubhala iwinza, bhantebhale peka nine. ⁵ Ilelo intenenze kukwinyu, ishi inkushilila kumekidoni. ⁶ Bhanga ingawezya kwihala nimwe ewe kumala insiku izye pepu, inga kute muwezye kunavwa ku shula yane, poponti pinkubala. ⁷ Kwekuti intakusobhila kubhalola ihani ku nsiku ifupi. Kuli ikwitehana kwehala nemwe kunsiku zimo, inga umwene aneteshizya. ⁸ Ilelo intenehale ku Efeso mpaka Pentekoste, ⁹ Kwekuteulyango mpete bhiguye kwa ajili yane, na kuli abhafi abhinji bhakuhana. ¹⁰ Ishi wu Timotheo ayinza, mlolaje kute alipo nimwe pepatali kubhahopela, akubhomba imbombo iya mwene, inza shinkubhomba. ¹¹ Umtu wowonti atahamsholanye. Mumwavwe kwidala ilyakwe kuwinza, inga kute awezye kwinza kulwane. Kwekuti imsombhiye ayinze peka na bhaholo. ¹² Ishi kubhalilana nu holo wito u Apolo. Nampiye umwoye ihani kubhajendela imwe peka na bhaholo. Ilelo ahamla kutokwinza pe ishi. Pope shinesho, alayinze ishi inza wene. ¹³ Mubhe amiso, yimilili ihinza, mubhombe inza bhasahala, mubhe na mala. ¹⁴ Ishi gonti gemkuga bhomba ga bhombeshe kulugano. ¹⁵ Myimanyile ihaya iya Stefano. Mmanyile kute bhamile bhamayili ibha kuwandilo ukwo Akaya, na kute bhayibhishile bhibho ku shikunjilwa isha bhamanyili. Na ishi inkubhabhuzya, abhoyilambo na bhaamwito bhane, ¹⁶ Bhanji bhaku yisya ku bhantu inzibho, na kwa wonti umtu wakwavwa ku mbombo na kubhomba imbombo peka netwe. ¹⁷ Na inkusha kwenza uwa u Stefano, Fotunato, nu Akiko. Bhimiliye pehaye imwe mwanzilwaga kubha. ¹⁸ Kwekuti bhasesheleye uwupuma wane nu winyu. kulili ishi, mubhamanyajeabhantu inzi bho. ¹⁹ Ivibhanza ivwa ku Asia bhasontelezizye kulamba kukwinyu. U Akila nu Priska bhakubhalamha kwa mwene, peka ni shibhanza sheshili kuhaya kukwabho. ²⁰ Yilombo nu wamwito bhane bhonti bhakubhalamha. Mlamhanaje kwa kutambilana ilyinza. ²¹ Ine, ne Paulo, inkusimba inzishi ni nyobhe yane. ²² Inza wowonti atamganile umwene, pee ishigune shibhe pamwanya papakwe. Umwene wito, nzaga! ²³ Aminza iga mwene Yesu ibhe nimwe. ²⁴ Ulugano lwane lubhe peka nimwe kwa Kristo Yesu.