¹ Ishi inkubhakubhuaya, abha mwitu na bha yilumbo, kugala ge nabha lumbiliye, kugala mwagaposheleye na kwimilila kugigo. ² Kukwatawa ilimponile, inga mlilemile kwiha izwi lyenabhalumbiliye imwe, yoli mwitishile ibhuli. ³ Ulwa kwanda shindi kuyiposhela ukwa uwanalyoli naliletile kukwinyu inza shelili: Kuti kufumilana na zyezisimbilwe, u Kristo afuye kunongwa yi bhibhi izyitu, ⁴ Kufumilana na shebhasimbile bhamsyiliye, na kuti ahazyuha isiku ilya wutatu. ⁵ Nakuti ahamfumila u Kefa, iwinza ku bhala kumi na bhabhili. ⁶ Iwinza ahabhalaleshela ku wakati weka abha mwitu na bha yilumbu kushila iya tano. Abhinji bhabho bhalipo, kukwadoho bapuwa bhanu ibhene bha gonile utulo. ⁷ Iwinza ahamloleshela u Yakobo, lwinza abhasotelezwa bhonti. ⁸ Kumpelela ku bhonti, ahandoleshela ine, ngati she kwamwana we apapwa kunsiku zyezitali ihinza. ⁹ Kwe kuti ine ne namngi kubhonti iya bhasontelezwa. Intagawezya kwitwa msontelezya, ku lili na shiyivwizye ishibhanza sha Mlungu. ¹⁰ Ilelo uwinza wa Mlungu indipo inza shindi, nu winza wakwe kukwane hamile ibho. Uwiza wakwe, nabhombile kudaga kushila bhonti. ¹¹ Ilelo itamle nine, yoli uwinza uwa Mlungu wewuli mhati yani. Ku lili inga ne nene ewe bhibho, twa lumbiliye isho na tukwitiha isho. ¹² Ishi inga Kristo alumbiliye inga azwushile ku bhafe, zibhe bhuli kukwinyu mlonje nakumo kuzyuha ku bhafe? ¹³ Ilelo inga nakumo kuzyuha uwa bhafe, ishi pee Kristo wope atazyushi. ¹⁴ Na inga Kristo atazyushule, ishi kulumbilila ikwitu naham na kwitela kwenyu na ham. ¹⁵ Na bhatwajile kuti twabha keti ibha lenga kwa Mlungu, ku lili twamlonji Umlungu zyetezizyo, kulonga amzyusizye Kristo, wee ata mzyusizye. ¹⁶ Inga bhali bhafe bhata bhazyusizye, u Yesu wope bhatamzyusizye. ¹⁷ Na inga Kristo bhamzyusizye, kwitiha kwinyu nahana na mshili mli ku bhihi zyinyu. ¹⁸ Isho pope bja bhebhafuye kwa Kristo bhope bhanganiye. ¹⁹ Inga ku dila e imwene ibhulo ukuyula kunsiku zyezikwinza mhati mwa Kristo, abhantu bhonti, itwe twabha kututuyila kushila abhatu bhonti. ²⁰ Ilelo ishi Kristo azyushile kufuma kubhafe, amatunda iga kuwandilo ga bhala bhebhafuye. ²¹ Kwekuti uwufe shinzile kushilila kubhantu, iwinza kushilila kubhantu ukuzyuha ku bhafe. ²² Kwekuti inga kwi bhanda bhonti bhakufa, shinesho iwinza kwa Kristo bhonti bhakubha zelufa upuma. ²³ Ilelo nula weka ku zya zipanjele iwene: Kristo, amatunda iga kuwandilo, na iwinza bhalye bheli bhaKristo bhatibha bhishe bhapuma insiku izya kwunza nikwakwe. ²⁴ Pe lehabhe mpelela, pala Kristo pahayibhapa usongo kwa Mlungu utata. Ili lipala yibhawezya abha songo bhonti nibha wuwezyo bhonti niha. ²⁵ Kwekuti shezibhe alongozye pe ahabhishe abhafi ibhakwe bhonti pasi panyayo zyakwe. ²⁶ Umfi uwa kumpelela kuna nganywa nu wufe. ²⁷ Kwekuti "abhishile hohonti hala pasi pa lwayo lwakwe." Ilelo wikulonga"abhishile hohonti hala, "Hali apa zelu kwekuti iha tehakupalemila bhala bhebhabhishile hohonti hala pasi yakwe wuyo. ²⁸ Ishi ivintu vibhishilwe pasi yakwe, ilelo mnsi wuyo tebhambihishe pasi iyakwe iwene wavi bhishile ivintu Umlungu utata we wazyonti kuzyonti. ²⁹ Ewe iwinza bhati bhombe ahoni bhala bhebhazelilwe kwekuti iya bhafe? Inga abhafe bhataku bhazyusya inzashinishi, pe honi iwinza bhakwozilwa kulilyo ilyabho? ³⁰ Naku honi tuli kubhibhi wilamsla? ³¹ Abhamtu na bhayilumbo bhani, kuhilila kuipala kwani kulime, kugi ndinago kwa Kristo u Yesu umwene witu, inkulalasya inzishi: ³² inkufa wila insiku zyonti. Ikunavwa ahoni kwenya kwa bhantu, inga naluye nivihano ivihali ukwo ku Efeso, inga abhafe bhata kubhazyusya?"Laha weya tulye nu kumwela, kwekuti indabhi tukufu." ³³ Bhatabho pelaje: "Ipuga iyamabhibhi gakunanga zyukubhomba iyinza. ³⁴ Mbhe nu wupupusu uwa nalyoli! Mtabhalililaje kwibhomba imbibhi. Inkulonga ishi inkusupila kukwinyu. ³⁵ Ilelo umtu uwunji atagalonga, "Zigabha wuliwuli abhafe bhakubhazyusya? Bhope tebhahinze na wewulewele uwa mbhili?" ³⁶ Iwe wamlema ihani! Hala huwalile hatagawezya kwanda kukula yoli hafuye. ³⁷ Na hala hukuwala hete mbhili wete wukule, yoli yembeyu yitunjile. Iwezizye kubha ngano ewe hantu ahanji. ³⁸ Ilelo Umlungu ataupe umbhili, inza shayigana, na kuyonti imbeyu iyambhili iwakwe wuyo. ³⁹ Amabhili gonti gata holine. Yoli kuli umbhili weka unabintu, nu umbhili uwunji uwa vihanu, nu mbhili uwunji uwa inyonyi, nu uwunji kwe kuti u wiswi. ⁴⁰ Iwinza kuli amabhili iga kumwanya na amabhili iga munsi. Ilelo ukwimshilwa uwa amabhili iga kumwanya na hehali heka nu winza uwa masi wuli wunji. ⁴¹ Kuli uwinza weka uwi zubha, nuwinza nuwinji uwa mwezi nu uwinza uwunji uwinzuta. Kwe kuli inzuta yeka zitakuholana ni nzuta izinji kuwinza. ⁴² Isho shezili shuli iwinza kuzyusya uwa bhafe. Hela kuwalwa hakunanjiha, na heha mela lealakunjila njila. ⁴³ Hawalilwe kwa kubhombela iya shinisho, bhakumezya ku winza. Hawalilwe kuwubhili, shikuwalwa kwiha. ⁴⁴ Shiwalilwe ku mbhili uwa shihaya, shiwalilwe kumbhili uwa mpepu. Inza kuli umbjili uwa mpepu iwenza. ⁴⁵ Isho iwinza isimbilwe, "Umtu uwakwanda u Adamu abhombilwe kumpepu wewu ukudela."Adamu wa kumpelela abhombishi mpepu yikwefa uwupunea. ⁴⁶ Ilelo kumpepu atinzile kuwaadilo yoli ku wuhayana habhili wa kimpepu. ⁴⁷ Umtu uwa kuwandilo wewa masi, agombitwe ku masuto. Umtu uwa wubhili afumile kumwanya. ⁴⁸ Ingati shila ula wagombhilwe ku mlusuto, isho iwinza bhala bhebha bhagombile ku mlusuto. Ngati wa mtu kumwanya shali, isho iwinza bhala iwa kumwanya. ⁴⁹ Ingati inza shali tupimbile ishiholanyo isha mntu uwa mlusuto, tutipembe iwinza shiholonyo isha mntu uwakumwanya. ⁵⁰ Ishi inkubhawuzya, uwamwitu na yilombo bhani, kuti umbhili ni bhanda vitagawezya kupwanila uwinza wa Mlungu. Pope uwakunanjila kupwanila nabhetebhakunanjila. ⁵¹ Yenya! inkubhabhuzya imwezya kumwoyo iya nalyoli: Tentuhafe twenti, yolibhonti bhahayilugalulanya. ⁵² Bhahayitugalulanya ku nzishi ku sinzila na kudamha ku lyiso, kwilonji ilya kumpelela. Kwe kute ilonji litekute na bhafe bhahayibhazyusya na hinza iha kutokunanjiha, na kutokugalulanya. ⁵³ Ishi uno uwa kunanjiha inkute ukwate we tewa kunanjiha, na uno uwa kufa inkute vkwaye we tewa kufa. ⁵⁴ Ilelo insiku izi ku kunanjiha ingebhakukwatizya uwakutokunanyiha na uno uwa kufa ukwata wa kutokufa, pe tewinze indongo yeyili isimbilwe, "Ufe umilolwe kwautola." ⁵⁵ "Uwufe, kukutola kwako ulinkwi? Wuwufe, uli kwino uwuhali waho?" ⁵⁶ Uhali wa uwufe zye bhibhi, na iha lyi bhibhi zye nongwa. ⁵⁷ Ilelo kusalifa kwa Mlungu, wakulupa itwe kutola kushilila umwene witu u Yesu Kristo! ⁵⁸ Kulili bhamanyani jilombo na bhamwilo bhani, bhanji uwanalwoli mta hanyinje. Wila yibhombaji imbombo iya mwene, kwe kute mumanyile kute imbombo yinyu kwamwene te ibhulo.