¹ Tulonje kuti inkulonga ku ndongo izya munsinizya bhahabhizya. Ilelo inga inlali nulugano, intibhe shaba yikuhuta ewe uwupata wukuvugula. ² Nu kuti indili ishikunjilwa isha ukuwi na kumanya ukwa nalyoli zyezifisishile nu wana lyoli kwekuti indinowo ulyililo ukwa kusamwa amagamba. Ilelo inga intali nulugano ine te ninga heka. ³ Na tulonje kuti inkufumwa ivintu vwani vyonti na kubhalisya abhaluswe, nakuti inkuwefya umbhili wani inga bhanoshe m mwoto. Ilelo inga intanalwo ulugano, itakunavwa nahamu. ⁴ Ulugano lukujimbililila na kukubhiha. Ulugano utakuipala ewe kuyilola. Wutali. ⁵ Mamaloli Ewe uwuyanzi utakwanzilwa gegakwe, utakulola uhali nalubhilo, pope wutakubhazya ama bhibhi. ⁶ Utakusha amabhibhi. Ingalelo aga kusha kukwakwe. ⁷ Ulugano lukunjimbihili gagakwe gonti akwintiha gegakwe gonti, ukujibhilila kugegaho gonti, na kuyiwezya gegakwe gonti. ⁸ Ulugano lutakupela. Inga kuli ukuwi, wonti utishile. Inga kuli indongo, zitileshe. ⁹ Inga kuli izya kubhomba tegashile. ¹⁰ Ilelo shezyali ila yelyili ahinza, yila yeyitahinza alunza ihashila. ¹¹ Wenamile na mwana, nalanjile inga namwana, nasibhile inza umwana, wenamile namtu umsango. Nabhishile ukutali nani ganago iga shana. Kwekuti ishi tukulolailelo shilolelo, ngati miso. ¹² Ilelo ahabhalilo hala tuuhayilola na pamiso ku miso. Ishi imanyile ku mbhili ilelo akabhalilo iha ihamanyile ihani inga na nine shimanyishile ihani. ¹³ Ilelo ishi ingalelo iha hatatu ga kudila: Kwitiha, ulwintiho lwelukwinza, nu lugano. Ilelo lyelili ipiti ihani iyi go nulugano.