¹ Kulalyo ishikunjiiwa isha mpepu, uwamwitu nu yilubhu bhani intakwanza mpotwe kumanya. ² Mmanyile iya kuti wemwa mile mwabhapagani bhabhalongozizye kulandata ishiholanyo zyezitakulonga, kwekukuti zyozyonti bhabhalongozizye inazyo. ³ Kwekukuti, ikwanza mmanye kuti numbe wowonti wakulonga kumpepu uwa Mlungu akulonga, "U Yesu agunilwe, "Numo wowonti waga longa, "U Yesu wu mwene, "Yoli ku mpepu umfinjile. ⁴ Ishi kuli ishikunjilwa ishinji, ishi mpepu wekyo ula. ⁵ Nakuli imbombo zyezilegine zilegine, ishi umwene we wuyo ula. ⁶ Na kuli ishiholo nizyonizyo izyi mbombo ilelo Umlungu we wuyo ula zyezi kubomba imbombo zyonti kubhonti ⁷ Ishi ula weka bhampiye imanyizyo izya mpepu ku winza wa bhnti. ⁸ Kwekuti umtu weka bhampiye numpepu ndango inyinza, nu uwanji indongo iya izyakubhapanywa ku mpepu wula wula. ⁹ Ku wunji kumpa ulwitiho ku mpepu uwene ula, nukwa wunji ishikunjilwa isha kubhaponywa ku mpepu weka. ¹⁰ Kwa wunji izya kubhomba izyiho, nu wunji ukuwi. Na kwa wunji uwezyo uwa kugalonga umpepu uwunji ivinji nivyonevyo ivwi ndongo na kwa wunji kulonga indongo. ¹¹ Ilelo umpepu we wuyo wuyo wakubhomba imbombo izi zyonti, kumpa wonti umtu ishikunjiwa kushakwanza kuchagula kwakwe wuyo. ¹² Kwekuti inga shila umbhili vili weka, wope uli ivulinji viwonti vwa mbombihi wuwula wuwula, shinesho isho nu Kristo. ¹³ Kwekuti ku mpepu weka itwe twenti twezelilwe kubha mbhili weka, kunti twabhayahudi ewa bhayunani, kunte twa bhasontelezwa ewe ahinza, na bhonti bhatumwensizye umpepu weka. ¹⁴ Kwekuti umbhili te shinama sheka, yoli vwinji. ¹⁵ Inga ishinama shitilonje, "Kwa kubhaune te nenyobhe, ine te kumbali iya mbhili, "Iyo itabhiha kutakubha kumbali iya mbhili. ¹⁶ Nainga ikutwe litilonje, "Kwekuti ine te nelyiso, ine te kumali iya mbhili, "ilyo itakuli bhambo kutakubha kumbati iya mbhili. ¹⁷ Inga imbihili wanti wutebhe lyiso, hani kuli kwoshi kwivwa? Inga umbhili wonti ingawabha likutwe, hani kuli kwi kupigula? ¹⁸ Ilelo Umlungu abhishile honti inyobhele he mbhili pala apakwe inza inza shapanjile iwene. ¹⁹ Na inga vwonti shevili ivisugane sheka, umbhili hani ulikwi? ²⁰ Isho ishi ishisugani vwinji, ilelo umbhili wuli weka. ²¹ Ilyiso litagawezya kuyiwuzya inyobhe, "Intali nizyo ni we." Pope itwe shitagawezya kushubhuzya ishinama, intali inazyo nimwe." ²² Ilelo inyobhe zyope mwili vwe vikuloleha kuti nu lutiniho hansi vikwanzilwa ihani. ²³ Na itwe lya mbhili shetukusiba inta nu lutiniho vili vili nulutiniho hashe, tukuvipa ulutiniho ihani, na ivinama ivwitu vweli nu mkweso vili nu winza ihani. ²⁴ Nishi amakutwe iginyu shevili nuwinza vitali nalimo iya kubhapa itina, kwekuti layalivili nitina. Ilelo Umlungu avisopehanyinye ivipungo vwonti peka, na avipiye itina ihani vila vweli nitina. ²⁵ Abhombile isho inga palahabhe kugabhanyiha kumbhili, yoli ulwayo lyonti vnsungane kulungane ulwa peka. ²⁶ Na pope umsana weka weka inga wavwalala. umbhili wonti wukubhobha kuli peka. ²⁷ Ishi imwe mwa mbhili uwa Kristo, na ilyiso pope lyeka ilyene iwe. ²⁸ Nu Umlungu abhishile ku shipanga isuti abha santelezwa, ibhawubhili abhakuwi, ibhawutatu wakumanyizya, iwinza bla bhonti bhebhaakubhomba izyakubhonimba impiti, iwinza ishikunjilwa isha kupolya, bhala bhebha kwavwa, bhala bhebha kubhomba imbombo iya kulongozya na bhonti bhebhali ni nzisho uku nukuizyi ndingo. ²⁹ Ishi itwe twenti twa bhasontelezya, twe twenti twabha kuwi? Ishi twe twenti tukubhomba izya kubhomba izya kwogofya? ³⁰ Ishi itwe twenti tuli nishikunjilwa iya kuponywa? Ishi itwe twenti tukulonga kundongo? itwe twenti kuzimanya indongo? ³¹ Yanzaji ihani ishikunjilwa. Sheshipiti nani intibhalanje idala yeyili inyinza ihani.