¹ Inga lumo, iwe mwanawane, upate amaha ku bhwila yiyii mukasi ya Kristu Yesu. ² Ni mbombo zyuyivuye kukwane mubhamwabho mwabhasimishizya abhinji, ugabhishe kubhantu abhasubhalilwa bhe bhatakubhwezya kubhamanyizya abhamwabho bhope. ³ Yimi mumayimba poka nine, nganti musikari umwinza uwa Kristu Uyesu. ⁴ Ataliko musikali aputaji ahabhalilo hanaho hanaho akubhomba nu imbombo izya saiyizi izya maisha aga, ili abhe wakumuhobhosya umulongozi wakwe umupiti. ⁵ Wope inga muntu wakupotana inga wakushimbila, atakumupa uluhobheho ingatapotana kwa kulondola amashaliti. ⁶ Pe hinza kubha wakulima uwa maha abhe wabhwandlilo kuposhela ivigabho ivwa vintu vwakwe. ⁷ Sibhilila umu kushekuyanga, kuti zili nu Mwene akumupa ukumanya ku mbombo yonti. ⁸ Mukumbushe Uyesu Kiristu, kufuma kumpapo iya Daudi, we ahazwuha kufuma kubhafwe. ⁹ Ini yikulingana nu kalata wane uwa mazwi, bhe kushifukwa ubhwo kuyimba ngati mupinywe minyororo ngati munanzi. Loli izwi ilya Mulungu litakupinywa ku minyororo. ¹⁰ Inga lumo, kuvumilila imbombo zyonti kujulu ya bhala bhe Umulungu alisheabhasevile, ili kuti bhope pe bhabhwaje ubhulokole bhwebhuli mwa Kristu Uyesu poka nu bhuzelu bhwa shima. ¹¹ Uluyango ulu lwakwaminiha: " Inga tufuye poka nawo, tukutendama poka nawo wope, ¹² inga twavumilila, tuliyanyatula poka nawo wope, inga tukumuhana wuyo, wope pope alituhana itwe. ¹³ Inga tutangabha twe bhaminifu, wope alisyala kubhebhamusubhiye, zili atangabhwezya kuyihana wuyo." ¹⁴ Yendelela kubhakumbusya pamwanya ya mbombo iyo. Bhasoshe pilongolela pa Mulungu bhaleshe kudalinkana na kuhusu amazwi. Shinishi shitali mbombo ku iyi lii. Kufumila naili kutali ubhunanzi kubhala bhebhakutejelezya. ¹⁵ Bhombi kumaha agakuyilolesya kubha witisile kwa Mulungu ngati mubhomba mbombo weatali nishifukwa shakumulawumu. Lisumbilaje izwi lya nalyoli ku bhunalyoli. ¹⁶ Yepusye na kuyanganayangna iya munsi, kwekutali ukwakulongozya ukashima na shima iya bhubhibhi. ¹⁷ Kuyanganayangana kwabho kwatangala ngati lilonda ilyamwabho. Mubhamwabho mwabho ni Himenayo nu Fileto. ¹⁸ Ibha bhantu bhebhakosile ubhwanalyoli. Bhakuyanga ya ku zyuha kwafiha kwafumiye. Bhakugalulanya ulwitiho pe ulwa bhantu. ¹⁹ Wope uyo, umusingi webhuli ahinza uwa Mulungu wukumilila, ubhwa bhusimbo ubhu, "Mwene abhamanyile bhe bhakwe, na wonti wakuliyanga izina lya Mwene yalazima alehane na ubhubhibhi." ²⁰ Ku nkaya iya kubhudumbwe, te kuti viliko ivililo ivya zahabu ni shaba basi. Kope kuli ni vililo ivya makwi na matope. Pe ishi panongwa yakutumila kwa mushinzi nape kwakwe kutumila kwekutali kwa mushinzi. ²¹ Inga umuntu atayizelufwa weka kufuma wuyo kufumila kwekutali kwa mushinzi , uwene she shililo she shamushinzi. Bhamutezile ahinza, wuyo akwanzikwa kwa Mwene, na ayandalililwe kuti kila mbombo inyinza. ²² Vishimbile ivinyonywa ivwa bhulumendo. Ufwate ubhwanalyoli, ulwitiho, ulugano nu lwitiho poka na bhala bhebhakumwita Mwene ku moyo amazelu. ²³ Wope ahane ubhuyubhwi na kubhuzilizya iya shahaa. Kwekuti umanyile kuti kupapa ulwisi. ²⁴ Mubhomvi wa Mwene atakwanzibhwa kulwa, pa yakwe yikwanzibhwa kubha mupole ku bhantu bhonti, weangabhwezya ukumanyizya, nu kuvumilila. ²⁵ Ya lukusa abhamanyizye kubhu pole bhala bhebhakumuhoma. Lumo Umulungu angabhwezya kubhazelufwa kwakuyimanya inalyoli. ²⁶ Bhakubhwezya kupata injele habhili nukuleha inyagulo zya mukwalanzi, pakuti bhamuvwamiliye na wope kujulu ya muganwa wakwe.