¹ Paulo nu Timotheo, abhabhomvi bha Kristu Yesu, kubhala bhebhasebhilwe mwa Kristu bhakutendama Filipi, poka na bhebhakwenyelezya na bhadikoni. ² Ubhwila bhubhe nimwe numtende we bhukufuma nu Mulungu Tata witu nu Mwene witu Yesu Kristu. ³ Nkumsalifwa u Mulungu wane penkubhakumbuha imwe mwenti. ⁴ Ahabhalilizyo iha honti igendili muputo kujulu yinyu mwenti, nkubha nubhusangalusu pekubhaputila. ⁵ Ndili nulusalfwo ulwinji kushifukwa sha kupoha bhwinyu mubhulumbilili ukufuma mwisiku lya bhwandilo hadi ilelo. ⁶ Indi nubhwanalyoli ukuti gaha gaahanzisya imbombo inyinza mukusi mumwinyu kuti ajendelele kuyimalilizya mupaka isiku lya Mwene Yesu Kristu. ⁷ Pe hinza kukwa kuyivwa bhwebhulo kukwinyu mwenti shifukwambabhisile mumwoyo wane [mubhulanzi bhwane]. Na imwe mwabha bha bhomvi bhamwitu mubhwila mushifungwa shane na mubhuzinjilili nu kusimishizwa kwani mubhulumbilili. ⁸ Mulungu we akusimishizwa wane, vwe ndili juli yinyu yonti mukasi mulugano lwa Yesu. ⁹ Pe nkulabha ukuti: ulugano lwinyu lwonjeleshe inkani nukuzimanyisanya ni njele zyonti. Nkulabha kujulu ya lili ukuti mubhe namaha mwebhakuzipimanya nukusebha ivintu vwe vyinza sana. ¹⁰ Sona kubhalabhila pe mubhe mwebhazelu mutahabhe nahapisya hohonti mwisikku lya Kristu. ¹¹ Sona mwizule ni shihomwa shabhwanalyoli sheshili mwa Yesu Kristu, kumushinzi nu kumuzuvwa Mulungu. ¹² Pe lelo bhajenzi bhaho, kwanza mumanye ukuti, gonti gegahafumila kukwane gahaleta ukuti ubhulumbili bhujendelele inkani. ¹³ Ima kuti muvipinywe vyane mwa Kristu, vimanyikilwe mubhalindilili bha mupiti yonti nukubhantu bhope. ¹⁴ Nabhajenzi abhinji mwa Mwene, kushifukwa sha bhupinywe vyane, bhashawishiha nu kunyetula kulilumbilila ibhangeli bila kogopa. ¹⁵ Bhamo nalyoli bhakuyanga u Kristu kulumana nu kulwa, na peabhanji kuhabhale ahinza. ¹⁶ Bhala bhebhakutangazya Kristu mulugano ukuti imbishililiwe panapa ukuyisunjilile ubhusambilizi. ¹⁷ Pe bhamo bhakungazya Yesu nu kuyilemela weka na mabhibhi. Ukwenya bhakuleha intamwo kukwane nubhupinywe bhwane. ¹⁸ Pe lyo?Ntkupaswa, pamo idala yingabhamu vipisya pamu bhwanalyoli, Kristu akuyanga, nakwili nkuhobhoha! II, ndilihobhoha. ¹⁹ Pe imanyile ukuti ili liwinza kusatulwa kukwane. Izwi ili likwinza kufuma shifukwa sha mputo zyinyu nu kumwavilizya wa Mpepo wa Yesu Kristu. ²⁰ Nkulingana nu kusubhalila kwane kwa bhwanalyoli nusimishizya kwekuti ntaliyenya insoni. Mumalo gakwe, mubhujinvu bhwonti, ngati mwe insiku zyonti ni salizi, ngusubhila ukuti Kristuashindikwe mubhili wakwe, yingabhamubhulanzi pamo mubhufwe. ²¹ Pe nu mwana ine, nkutendama nu Kristu nu kufwa kujendelela[konjeleha]. ²² Pe linaa, kubha mulanzi mumubhili mkupapa ishihomwa mumbombozyane, pentakumanya lilikwi lyakulisebha. ²³ Pe nusutwa sana ni nsibho zya mubhili. Ndili ni nzala iyakuuleha umubhili nu kubha poka nu Kirstu, she shintu sha pa mwanya sana sana. ²⁴ Pope, kusyala numubhili uno lya njele sana mumwinyu. ²⁵ Pe indi nu bhwanalyoli bhunubhu, imanyile ngusyala na kujendelela kubha poha nimwe, pakujendelela poka nimwe mwenti,kujulu ya kujendelela kusangaluha, nu lwitiho lwinyu. ²⁶ Na ino yikubhaletela ubhusangalusu bhwinyu ubhupiti mwa Yesu Kristu, shifukwa shane kuti shonjele, kushifukwa sha pe indipo sona kubhapoha nimwe. ²⁷ Mukwanzikwa ukutendama ahajendele ahinza vye yikwanzikwa ulumbilili vya Kristu. Bhombaji bhwebhulo ili pekwinza kubhenya, pope ingantinza, ukuti ingivyaje ukuti mwimilye mumah o gonti, mwimiliye poka ,mkulwilana ulwitiho lya kusambilizya poka. ²⁸ Na bhatahabhanyizye na shintu sheshonti she shikubhomwa na bhalugu bhitu. Ini kukwabho shimanyizyo sha kunanganya. Pekukwinyu shimanyizyo sha bhulokole kufuma kwa Mulungu. ²⁹ Pe imwe mupeiwe kujulu ya Kristu, te kumusubhila bhulo, loli nukutamiwa mumwakwe. ³⁰ Pe bhwebhulo mutali nu luvyano lwe lula ngati bhwe muhalwenya kukwane pape mkwivwa ukuti lulipo mpaka isalizi.