¹ Uyesu ahayanga nabho habhili kuvifwani, ahayanga, ² "Ubhumwene bhwa kumwanya bhuholine nubhumwene wabhisile uluseshelo ulwa kwimala iya mwanawakwe. ³ Ahabhasontelezya abhazya bhakwe kubhakalibisyan bhala bhebhabhalisile kwinza kuluseshelo ulwa bhweghe, loli bhatahafiha. ⁴ Umwene ahabhasontelezya abhazya abhamwabho, ahayanga, " Bhabhuzye bhonti bhebhabhalanjiye, Yenyaji, njaninye ishakulya. Sesheli ni ngwada yane yeyinonile bhabhoye ni mbombo yonti yaho zyayanana, Nzaji lelo kuluseshelo ulwa bhweghe." ⁵ Loli abhantu bhanabho bhatahasunjilila kubhala abhalanjilwa bhakwe. Bhamo bhahabhala kumagunda gabho, na bhamo bhahabhala kuchuluzya kumbombo zyabho izya kuchuluzya. ⁶ Bhamo bhahadomoshela abhazya bha mwene nu kubhasupizya nukubhagoga. ⁷ Loli umwene ahahalala. Ahabhasontelezya msikali bhakwe, ahabhagoga bhala abhagozi nukubhalungulizya inkaya zyabho kumwoto. ⁸ Pe ahabhabhuzya abhazya bhakwe, "Ubhweghe bhuliko bhuyanine, loli bhebhabhalanjiye bhatahondeye. ⁹ Loli ishi bhalaji kula kuluhomano ulwa idala ipiti, bhalanjile abhantu abhinji inga vwe mngabhwezya bhinze kuluseshelo ulwa bhweghe." ¹⁰ Abhazya bhahabhala kumadala amapiti nukubhatenjelele abhantu bhonti bhemwabhenya, abhinza na abhabhibhi. Loli inyumba yila yihizula abhajeni bha bhweghe. ¹¹ Loli umwene lwa yinjila nukubhenya abhajeni, ahamwenya umntu woka watazwaye izwalo ilyinza ilya bhweghe! ¹² Umwene ahamubhuzilizya, 'Wamwitu, wajenzite bhulibhuli kwinza apa mkasi bila lizwalo lya bhweghe?' Nu mntu ahamutamla shoshonti. ¹³ Pu mwene ahabhabhuzya abhazya bhakwe, "Mkunje umntu uyo mnyobhe nu mvinama nukumsumba kunzi kushisi, uko kuliyima kulila nukusya anino. ¹⁴ Loli kuli abhantu abhinji bhabhisite, loli bhebhesevilwe bhala bhansi." ¹⁵ Pa Mafarisayi bhahepa nu kuyanjizanya vwe bhamuleme Uyesu kumazwi gakwe. ¹⁶ Pe bhahasontelezya abhasundikwa bhabho poka na Maherode. Nukumubhuzya Uyesu, "Mmanyizi, tumanyile ukuti iwe we mntu wa bhanalyoli, nukumanyizya amambo aga Mulungu kubhwa nalyoli. Utakusajila amambo ga mntu uwunji nutakulolesya kupendelela kumntu. ¹⁷ Loli tubhuzye, ukusibhilila ishoni? ishi, hinza kusonka insonko kwa Kaisari awu hagha?" ¹⁸ Uyesu amanyile ubhubhibhi bhwabho na ahayanga, "Shoni she mkunjema, imwe bhambeya? ¹⁹ Ndanje impiya yemkubhombela ukusonka insonko." Pebhamletela isilinnji. ²⁰ Uyesu ahabhuzilizya, "Lutulo nu itawa ili lya nanu?" ²¹ Bhahatamla,"Ivya Karisari." Pe Uyesu ahabhabhuzya, "Mpanje Karisali ivuntu vywe vyakwe ni vya Mulungu mpe Umulungu." ²² Lwe bhivya igo bhahaswiga. Pe bhahamleha nu kubhala kukwabho. ²³ Isiku ilyo bhamo abha Masadukayi bhahinza kwa Yesu bhala bhebhakuyanganga ukuti nakumo ukuzyuha kubhafye. Bhahamubhuzilizya, ²⁴ bhahayanga," Mmanyizi, Musa ahayanga inga umntu afuye bila kupapa umwana, umjenzi wakwe na umupwa uyo mwantanda nukumpa umwana kujulu ya mjenzi wakwe. ²⁵ Bhalipo abhajenzi saba. Uwa bhwandilo ahimala habhili ahafya noti kupapa umwana. Ahamleshela umshi wakwe umjenzi wabho. ²⁶ Pu mjenzi wakwe uwabhubhili wope ahabhomba bhwebhulo, wope bhula uwa bhutatu, yali bhwebhulo nganti webhulo ngati weghula uwasaba. ²⁷ Pe bhahambomba bhebhula bhonti, wula umwantanda wope ahafwa. ²⁸ Loli ishi ungazyuha uyo umwantanda aliyima mshi wananu kubhala abhajenzi bhala saba? pashifukwa bhonti bhamwimaye." ²⁹ Pu Uyesu ahatamha nu kumubhuzya, "Mnanginye, kushifukwa mtamanyile Amazwi gala maha ga Mulungu. ³⁰ Loli kubhala bhebhakuzyuha, abhantu bhatakwimala pope kimalwa. Pishi kubhala abhantu bhakubha nkati bhebhahabhizya uko kumwanya. ³¹ Loli ishi kuzyuha kubhufwe, bhatatezile, bhabhelenje shila shu Umulungu ahashiyanga kukwinyu, akuyanga, ³² Ine ne Mulungu wa Abrahamu, Mulungu wa Yisaka, nu Mulungu wa Yakobho? Umulungu te Mulungu wabhafwe, loli Mulungu wa bhapuma." ³³ Ahabhalilo impuga lwe bhivwa ilyo bhahaswiga imanyizyo zyakwe. ³⁴ Loli Mafarisayi lwebhivwa ukuti Uyesu ahabhupumilizya Amasadukayi, bhahabhungana bhabho bheka poka. ³⁵ Woka wabho, amaliwakomelezyo, ahabhuzilizya iswali ukumulinjizya. ³⁶ "Mmanyizi, yilikwi ye ndajizyo ye mpiti kulusya zonti ku komelezyo?" ³⁷ Uyesu ahatamla, ''Yikwanziwa umgane Umwene kwa mwoyo waho wonti, kumpepo waho wonti, nakunjele zyaho zyonti. ³⁸ Ini ye komelezyo ye mpiti na ya bhwandilo. ³⁹ Ni iya bhubhili yikuholanya niyo- Loli mgane wupalamine nawo nganti vyu yiganile wenewe. ⁴⁰ Nkomelelezyo zyonti na Bhamkubhwi kutusubhalila inkomelezyo izi zibhili." ⁴¹ Na Mafarisayi pe bhashili kubhungana poka, Uyesu ahabhabhuzilizya iswali. ⁴² Ahayanga, "Pe, Mwasibhilila bhulibhuli pamwanya pa Kristu?Uwene Mwana wa nanu?" Wope ahatamla, "Wu mwana wa Daudi." ⁴³ Uyesu ahatamla, "Kushoni she io Daudi pa Mpepo akumwita Mwene, akuyanga, ⁴⁴ Mwene ahamubhuzya Mwene wane, "Tendama kunyobhe yane iyakundilo, mpaka lwe nabhabhomba abhalugu bhaho bhabhe pansi pa vinama vwaho."'?" ⁴⁵ Pu Daudi akumubhilishila Kristu "Mwene,"namna yoni aliyima mwana wakwe?" ⁴⁶ Pe atalipo uwakutamla izwi habhili , na atalipo naumo wahalinjizya habhili kumubhuzilizya amaswali loli ngati lisiku ilyo lye likujendelela.