¹ Lwe zya zyashili isiku zitatu, kwamile ubhwinga uko mukana ya Galilayi nu mayi wakweYesu amali kunuko. ² Uyesu na bhasundikwa bhakwe bhabhisite kwu bhwinga. ³ Ahabhalilizyo iwe bhasobhelwa ishihola, umayi wakwe Uyesu ahamubhuzya, "Bhate nishiholwa . ⁴ Uyesu ahamula, "Umwantanda izi zikunanza ine? Ahabhalilizyo hane hashili kufiha." ⁵ Umayi wakwe ahabhabhuzya bhabhomvi, "Shoshonti she abhabhuzya mubhombaje." ⁶ Pepala zyalipo insonta zisano na yoka mabhwe zyezyabhishilwe panongwa kugeza muluseshelo lwa Bhayahudi, wonti wula lyamile nubhwizule bhwa zibhili na zitatu. ⁷ Uyesu ahabhabhuzya, "Yizuzyaji aminzi musonta zya mabhwe." Bhahizuzya paka pamwanya. ⁸ Pe ahabhabhuzya bhala abhabhomvi, "Yega ishipimo isalizi pe mubhishe kumubhomvi umupiti uwa pashakulya." Bhahabhomba inzavwe bhalajizilwe. ⁹ Umubhomvi umupiti ahabhonja gala aminzi gegamile gagalunkine nukubha shihola pamo ipele, loli atamanyile kwelyafumiliye (Loli abhabhomvi bhebhatafile aminzi bhamanyile kwegafumiliye). Kufuma apo ahamuholela umwene bhwinga nu ¹⁰ kumubhuzya, "Wonti wula ahanda kubhabhombela abhantu ipele ilyinza pe nga bhaholwa bhakubhapa ishihola sheteshinza. Loli iwe usenguye ishihola ishinza paka isalizi" ¹¹ Ulufindango ulu wa Kana ya Galilayi, bhwamile bhwandilo bhwa shiholanyo sha mafindango ge amagabhomvile Uyesu, ahigulaga ubhumwamu bhwakwe, pe abhasundikwa bhakwe bhahamusubhila. ¹² Lwe lwashila ili, Uyesu, umayi wakwe, abhajenzi bhakwe na bhasundikwa bhakwe bhahasogola munsi ya Kapernaum pe bhahatendama kunuko kusinku inyinsi. ¹³ Pe Ipaska ya Bhayahidi yapalamiye, pu Yesu ahabhala ku Yerusalemu. ¹⁴ Ahabhaga abhachuluzya ng'ombe, ngole, ni nkunda mukasi mu shibhanza na bhebhaha tananaga impiya bhatendime mu shibhanza. ¹⁵ Uyesu ahagomba amajela ga mfwimbo, ahabhafumwa bhonti bhebhalipo mushibhanza, nakusanganya ing'ombe ni ngole. Ahakupula impiya zya bhatananwa mpiya nakuzigalusanwa imeza zyabho. ¹⁶ Kubhakazya kunda ahabhabhuzya, ''Yefwi ivintu ivi kubhutali nu bhuzilo ubhu muleshe kuyibhiha inyumba ya tata wane ukuti yibhanje yakuazizya.'' ¹⁷ Abhasundikwa bhahakumbuha ukuti lyasimvilwe, ''Ubhwangayikungule bhwaku nkaya yaho bhulindya.'' ¹⁸ Abhapiti abha Shiyahudi bhahatamula, bhahamubhuzya, Shimanyilo shoni shekuti ushilolesye panongwa ge ukubhomba ivintu ivi?.'' ¹⁹ Uyesu ahamula, mongolanya Ishibhanza ishi nine ndilizenga lwe zyashila isiku zitatu," ²⁰ Kufuma apo abhapiti bha Bhuyahudi bhahati, ''Lihazegwa amaha 46 ishibhanza ishi pe iwe ukuti ungalizenga kunsiku zitatu?'' ²¹ Pe, uwene ahayanga ishibhanza ahamanisya mubhili wakwe. ²² Ubhwo shamandi lwe ku zyuha kwakwe kufuma ku bhafwe, abhasundikwa bhakwe bhahakumbuha kuti ahayanga ubhwo, bhahasubhila inkomelezyo na mazwi iga ge u Yesu ahagayangaga hali. ²³ Pe lwe afiha ku Yerusalemu ahabhalilizyo ha paska, ahabhalilizyo ha chaka abhantu abhinji bhahasubhila izina lyakwe, pe bhahenya ishimanyisyo sha mafindago ge ahabhomba. ²⁴ Loli Uyesu atali nu lwitiho nabhope panongwa amabhamanyile abhana muntu bhonti. ²⁵ Atahanzaga umuntu wowonti kumubhuzya izya bhe bhana muntu panongwa ahamanya she shalli mukasi yabho.