¹ Bhajenzi bhane mutahalandate ulwitiho ulwa Mwene Yesu Kirisitu, Mwene wa bhumwamu kwa kwenyezya abhantu bhamo. ² Inzavwe muntu wumo ingakwinjila munkomano zyinyu azwaye utulingi twa zahabu zinzwalo inyinza, bhope ayinjila umupiti uwa nzwalo inyazu. ³ Pe muhalolesya kusayibhwa nkani wula uwa nzwalo inyinza nukuyanga. "Tukukulabha iwe tendama pa bhuzilo apa apinza" Loli muhamubhuzya wula umupina, "Iwe yimilila pala,"awe "Tendama pansi pa vinama vwane." ⁴ Pe mutakuyilonga mwenemwe mweka nukubha bhakwamula mwemwe insibho imbibhi" ⁵ Tejelezya, bhajenzi bhane bhaganwa pe Umulungu ahabhasabhula abhapina bhamunsi kubho bhabhuwezo mu lwitiho na kupwana ubhumwene bhweahabhabhishila bhebhamuganile? ⁶ Loli mubhabhasufizye abhapina! pe, te bhabhuwezo bhebhakubhayimvwa imw, pe te bhabho bhakubhakwesa kunongwa? ⁷ pe, te bhabhuwezo bhebhakuliliga izina lila ilyinza lye kwilyo mukutizya? ⁸ Pe nubhwo, inga mukulinganwa yila indajizyo iya bhumwene inza vweyihasimbwa na mazwi, "Ulumugana ujilani waho ngati wewe weka ,"mukubhomba hinza. ⁹ Lole inga mwabhapendelela bhamu abhantu, mukubhomba imbibhi, mukulongwa ni ndajizyo kuti mwebhavunza ndajizyo. ¹⁰ Kwekuti wowonti wakwivwa indajizyo yonti, nehabhili apunula mu nukuta yoka bhulo, abha ni hatiya ya kuvunza indajizyo yonti! ¹¹ Kwekuti Umulungu ahayanga,"Utahabhombe ubhumalaya," wewuyo we ahayanga,"Utahagoje." inga utakubhomba ubhumalaya, lole uliniuwa, lwe wavunza indajizyo iya Mlungu. ¹² Pe ubho yangaji na kusisya inza bhala bhe muli papipi kulongwa ni ndajisyo iya mwahobho. ¹³ Kwe kuti ukulongwa kukwinza pepatali ni shisa kubhala bhebhatali ni shisa.Ishisa shikuyinula pa mwanya iya kulongwa. ¹⁴ Kuli nu bhwinza bhwoni,bhajenzi bhane,inga umuntu akuti ali nulwitiho,lote atali na imbombo?Pe, ulwitiho ulwo lungabhwezya kukupoha? ¹⁵ I inga umnyenzi uwa shanavuli awe uwa shantanda we atali ni nzwalo awe ishaku iya isha kila lisiku, ¹⁶ na woka winyu ahambhuzya,"bhalaji ku luseshelo,mbhe mwote umwoto pe mlye hinza,"lote mtakubhapa amahitaji gegakwanzibhwa aga mubhili,iyo yikufaa ishoni? ¹⁷ Pe ubho ulwitiho lweka,inga lutali na imbombo lufuye. ¹⁸ Ashili umuntu wumo ahabhwezya, "Uli nu lwitiho, nine ndili nimbombo."Ndanje ulwitiho lwaho pe patari ni kubhomba, nine ndikulanga ulwitiho lwane ku mbombo zyane. ¹⁹ Bhitishe kuti kuli nu Mulungu woka, ulihinza. Loli impepo zyope zikuitiha ubhwo na kuyingana. ²⁰ Pe, ukwanza kumanya, iwe we muntu umuyubhwi, pe vwe ulwitiho ulwo bila mbombo vweyitakwanzibhwa? ²¹ Pe, te wu tata witu Aburahamu ahabhaziwa ubhwa nalyoli ku mbombo vweahamufumwa umwana wakwe Yisaka pamwanya zahabu? ²² Mukwenya kuti ulwitiho lwakwe luhabhomba ni mbombo yakwe, nu kubhomba iyakwe, ulwitiho lwakwe luhafiha panabhugalushilo pakwe. ²³ Amazwi gahafiha gegahali, "Aburahamu ahamwitiha Umulungu, pe ahabhazizwa kuti we wa nalyoli."Ubhwo Aburahamu ahitizya mumanyani wa Mulungu. ²⁴ Mwenya kuti kumbombo umuntu akubhazizwa ubhwanalyoli, pe te kulwitiho bhulo. ²⁵ Pe ubhwo, pe, atari nu Rahabu wula umalaya ahabhazizwa ubhwanalyoli kumbombo, lwe abhakaribisya abhantumi na kubhatwala kwidala ilya mwabho? ²⁶ Kwekuti inza bhula umubhili ingabhutabha nu mwoyo wafwa, ubhwo bhunubhwo ulwitiho kulusya imbombo lufuye.