¹ Uyakobho, umuzya wa Mulungu nu wa Mwene Uyesu Kirisitu, ku makabila kumi na gabhili gegahasatana, ukulamuha. ² Bhelenji kuti lwe luseshelo nkani, bhajenzi bhane, pe mukujenda mumayimba pabhutali tali, ³ inga mwamanya kuti kuyezya ukwa lwitiho lwinyu lukubhapa ukujimba. ⁴ Leshi ubhujimvu bhuyimalilizye imbombo yakwe, kuti mubhewezye kugoma ubhwa nalyoli, bila kupungushilwa mu lyolyonti. ⁵ Lole inga umuntu pakasi yinyu akwanza umushinzi, abhulabhe kufuma kwa Mulungu, weakufumwa ku bhwinza na patalipo kuhalapila kubhonti bhebhakumulabha, na alibhapa umushinzi. ⁶ Loli labha ku lwitiho, bila kunyila, kwekuti uwene kubhiha ilyoga yili ngati mbilingwa munsumbi, yikunyeyulwa ni mpepo nu kusumbwa uku nu ko. ⁷ Kubhwa nalyoli umuntu uno atahasibhilila kuti aliposhelwa kulabha kwakwe kufuma kwa Mwene; ⁸ umuntu uno ali namadala gabhili, atali ihinza mumadala gakwe gonti. ⁹ Umujenzi umupotwe akwanzibhwa kunyila ukwakwimilila kwakwe pamwanya, ¹⁰ ahabhalilo hanaha umujenzi uwa bhuwezo akuyisya kukwakwe, panongwa alitega ngati li uwailya muntundu mushinzi shakujenda. ¹¹ Izubha likufuma ilya kupemba kumisya ivibhwalwa, na mauwa gakugwa nu bhwinza bhwakwe nukufwa Ubhwo bhunubhwo abhantu abha bhuwezo bhalinyala pakasi iya mbombo zyabho ¹² Asayibhwe umuntu wula wakujimba ukuwezya, kwekuti lwe apota ukuyezya uko, aliposhela ubhwinza ubha bhupuma, bhwe bhuyanjilwe kubhala bhebhamukuzite Umulungu. ¹³ Umuntu wowonti atakanzibhwa kuyanga lwa kuyezwa, "Ukuyezwa uku kukufuma kwa Mulungu," kwekuti Umulungu atakuyezwa nubhubhibhi, nu Mulungu wuyo atakumuyezya wowonti . ¹⁴ Kila muntu akuyezwa ni shinyonywa shakwe ishibhibhi sheshikumusyobha nukumukwesa pabhutali. ¹⁵ Pe lwe ishinyonywa isha mbibhi shikupimba ulwanda, imbibhi yikupapwa, na lwe imbibhi yagoma nkani, yikupelela mufwa. ¹⁶ Bhajenzi bhane abhaganwa, mutahasyobhwe. ¹⁷ Yoyonti izadi yeyila hinza na yoyonti izawadi yeyisizile yikufuma kumwanya, yikwiha pansi kufuma kwa Tata uwa bhuzeru. Awe atakubadiliha ngati shizyunguli vweshikubadiliha. ¹⁸ Umulungu ahasala kutupa itwe ubhupuma kwizwi ilya nalyoli, inga kuti tubhwezye kubha ngati mupapo iya bhwandilo pakasi apa vintu vwakwe. ¹⁹ Mumanyile ili, bhajenzi bhane abhaganwa. Kila woka akwanzibhwa kubha mupupusu kwivwa, te mupupusu wa kuyanga awe kuhalala, ²⁰ kwekuti ukuhalala ukwa mwanadamu kutakubhwezye kubhomba ubhwanalyoli ubhwa Mulumgu. ²¹ Pe ubhwo bhishi pabhutali ubhnyazu ubhwa mbibhi nu bhubhibhi bhwonti bhwebhuli ulubhazu lyolyonti, nukwakuyisya liposhela izwi lyelibhwalilwe mukasi yinyu, lye lili nu bhuwezo ubhwa kupoha amafinjile ginyu. ²² Libhombe izwi, mutahalyivwe bhulo, nukuyisyobha inafasi zyinyu mwemwe. ²³ Kwekuti inga wowonti wakulivyavwa izwi bila kulibhombela imbombo yingati umuntu wakuyenya paminso pakwe nalyoli mwigalasi. ²⁴ Mukuyisibhilila isheni shakwe, nukubhala ukwakwe pe na kuhabhalilo ahansi akuluvwa vweaholine. ²⁵ Lole umuntu wula wakunyenya ukwa kwenya indajizyo zyanalyoli, indajizyo izya izya kwamula, nukujendelela kubhwanalyoli, te kwekuti uwene we mutejelezye wa kuluvwa, uno umuntu alisayibhusa lwa kuyimba. ²⁶ Inga umuntu wowonti alisibha wuyo kuti we muntu wa dini, lole atawezya kulwamulila ulumili lwakwe, nukuyisyobha umwoyo wakwe ni dini yakwe pe pabhulo. ²⁷ Idini yeyili ahinza na yeyitananginwe pantanzi ya Mulungu witu nu Tata yeyino: kubhavwa abhayatima na abhafwilwe ku kumayimba gabho, nukuyilinda bhabho kushibhibhi ubhwa nsi.