¹ Isalizi izwi lye tukuyanga vyelino: tulinalyo uwashiputo umupiti watendime pansi panyobhe pandilo pashitengo isha bhumwene Kumwanya. ² Uwene mubhomvi pahaya pabhufinjile, inyumba iya bhwanalyoli ye Umwene ayibhisile te munto wowonti uwa kufwa. ³ Pakuti kila washiputo umupiti bhakumubhiha kufumwa ishakupa nishifinjile; pelelo yikwanzibhwa kubha nishintu ishakufumwa. ⁴ Isalizi ngati Ukirisitu amali pamwanya ya nsi, uwene angatali mupiti washiputo kushila apo, pakuti bhalitayali bhala bhebhafumwa ivikunjilwa kuholana ni nkomelezyo. ⁵ Bhahabhomba ishintu sheshali masimbo nashizundila sha vintu vyakumwanya, nalyoli ngati wu Musa ahaponwa nu Mulungu habhalilo pahanzaga kuzenga inyumba. "Yenya," Umulungu ahati, " akuti gomba kila shintu kuholanya na na sheshipezile mubhuloleho pamwanya ya mwigamba". ⁶ Loli isalizi Ukirisitu aposheleye ishikunjilwa ishinza nkani pakuti uwene lelo hbhili wakumanyanywa indajizyo inyinza, zyezihagombeha kundajizyo inyinza. ⁷ Pelelo ngati ndajizyo zya bhwandilo nkelitabha nu bhubhibhi, pelitali yakulondola indajizyo izya bhubhili. ⁸ Pakuti ahabhalilo Umulungu amanya imbibhi kubhantu ahati, "Yenye, isiku zikwinza, 'ahayanga Mwene, 'habhalilo hendingomba indajizyo ipwa poka ninyumba ya Iziraeli, ninyumba ya Yuda. ⁹ Litaliyima ndandizyo zyenkabhomba poka nu tata wabho isiku lyenkabhanyetula kunyobhe kubhalongozya kufuma kusi ya Misiri. Kwekuti bhatahajendelela munkomelezyo zyane, nine ntahabhasajila habhili,' ahati Mwene. ¹⁰ Kwekuti ili zye ndajizyo kuti imbombe munyumba ya Iziraeli pelelo pansiku izyo,' ahati Mwene. ' kutiimbishe indajizyo zyane munsibho zyabho, nakuti insimbe mumwoyo wabho. Kuti inime ne Mulungu wabho bhope kuti bhabhe bhantu bhane. ¹¹ Tebhamanyizanwe kila muntu nuwapapipi nawo, na kila muntu nu mujenzi, wakwe,ahati, "Mumanye Umwene," pelelo bhonti kutibhamanye ine, kufuma umunsi paka usongo wabho. ¹² Pelelo kutindolesye ubhwila kumadala gabhogete gana lyoli, natenkakumbushe imbibhi zyabho habhili." ¹³ Pakuyanga "Ubhupwa," azibhomvile indajizyo izyabhwandilo kubhankali. Nilo lyoli ya nzile kubhalyahali lilipapipipi kufuma.