¹ Yali ishi Melikizedeki, umwene wa Salemu, Uwashiputo wa Mulungu walikumwanya, wahahomana nu Aburahamu akugaluha kufuma kubhagoga abhamwene na ahamusaya. ² Aburahamu ahamupa shoka ishapishumi shakila shintu shamashitesile izina lyakwe "Melikizedeki" kwekuti "umwene wa wanalyoli" na pope "umwene wa Salemu" kwekuti we "mwene wa mutende." ³ Atali nu tata, atali numayi, atali na bhapafi, atali nubhwandilo bhwa isiku pope bhulo ubhumalilo bhwa nsiku zyakwe. Akusyala washiputo washima, ngati mwana wa Mulungu. ⁴ Isalizi sibhilila vwe uno muntu vwamali mupiti . Umupapapi witu Aburahamu ahamupa shoka ishapishumi ivwa vintu ivwinza vwahavinyatula kubhulugu. ⁵ Nalyoli, uluho lwa Bhalawi bhebhahaposhela muhofesi zyabhashiputo bhebhali nagakuyanga kufuma kubhankomelezyo kubhunganiha shoka ishapishumi kufuma kubhantu gegegegano, kufuma ku Bhaiziraeli abhamwabho, poka na kuti abhene, habhili luho kufuma kwa Aburahamu. ⁶ Loli Melikizedeki, wamali tewa luho kufuma kwa Bhalawi, ahaposhela woka ishapishumi kufuma kwa Aburahamu, na ahamusaya, uwene wamali nulufingwi ⁷ Ipo yitakuanilwa kuti umuntu umunsi atakusayilwa nu muntu umupiti. ⁸ Kwizwi ii umuntu wakuposhela shoka ishami kutafwe isiku lwoka, pelelo kwizwi ilyamwabho woka wahaposhela shoka ishapishumi kwa Aburahamu bhahamubhuzya ngati wakutendama. ⁹ Nakwidala lyakuyangwa,Ulawi wahaposhela ishapishumi, habhili ahalipa yoka iyapishumi kwa Aburahamu, ¹⁰ panongwa Ulawi amali mumunini mwa tata wakwe Aburahamu habhalilo Melikizedeki peahahomana nu Aburahamu. ¹¹ Isalizi inga ubhwanalyoli bhulikwilana kujendela ubhashipulo kwa Lawi,(pelelo pansi papakwe abhantu bhakuposhela kinkomelizyo),kwali ni shabhwandilo shoni kwa mupiti washipupo uwamwabho kubhuha badala yidala lya Melikizedeki, natekwekwitwa pesheshilipo kupanga kwa Haruni? ¹² Pelelo inga ushashiputo bhwachenja, peyitakwanzibhwa abhana nkomelezyo kuchenja . ¹³ Kwa woka we aga amazwi gahayangwa kuluholo ulunji, kufuma kwakwe atalipo nawumo weahabhomba pashifinjile. ¹⁴ Isalizi yili ubhwazi kuti Umwene witu alifuma ku Yuda, uluholo lwe Umusa atahaluyanga kubhashiputo ¹⁵ Niga getu kugayanya pabhuzelu inkani ingabhushipu uwamwabho afumila kushifwani she Melikizedeki. ¹⁶ Uwashiputo uno umupwa te woka weahabha wa shiputo pamwanya pa lwalo lwa nkomelezyo zyezikulingana muluho lwa bhantu, pelelo mulwalo lwa maha gankaya gegatangananjiha. ¹⁷ Pelelo amazwi gakusimishizya kumuyanga wuyo: "Iwe we washiputo uwashima baada ya sheshihIha habhombeha kwa Melikizedeki." ¹⁸ Pakuti indanjizyo yeyalongoleye palubhazu pakuti yatinjeyebhazu nayi tahondeye. ¹⁹ Pelelo inkomelezyo yitahabhomba nashimo ishanalyoli. Pelelo kwali na maha aminza kwigo tikumupalamila Umulungu. ²⁰ Namaha iga aminza gatahinza bila kuyanga ishilapo, kwili abhashiputo bhamo bhatahanyatula ishilapo shoshonti. ²¹ Loli Umulungu ahayanyatula ishilapo ahabhalilo lohahayanga amazwi ga Yesu, "Mwene alafile natalichenja insibho zyakwe.' iwe we we washiputo shima." ²² Kwili Uyesu ahinza kubha watunyatuliye indajizyo inyinza. ²³ Kubhwanayoli, ifwa yikudindila abhashiputo kubhomba shima. Ino panongwa bhalipo abhashiputo abhinji, woka nuwamwabho. ²⁴ Loli panongwa Yesu akutendama shima, ubhwashiputo wakwe bhutakuchenja. ²⁵ Pelelo uwene akubhwezya kubhwanalyoli kulingwanwa kubhwa ponwa bhebhakumupalamila Umulungu kujendela kukwakwe. pakuti uwene akutendama shima kwkuputa kubhene abho. ²⁶ Pelelo uwashipulo umupiti uwabhebhulo ishi shikwanzibhwa kukwitu. Bhatali nimbibhi, bhatali ni shakulongwa, ubhuzelu, wayigavile kufuma kubhambibhi, naalipamwanya kushila kumwanya. ²⁷ Uwene atali ni shakulungana, shifwani shabhasiputo abhapiti, kufumwa ishifinjile kila shima, ulwakwanda kumbibhi zyakwe wuyo, nehabhili nakumbibhi zya bhantu. Ahabhomba bhwebhulo lwoka kubhonti, pahajifumwa wuyo weka. ²⁸ Ku nkomelezyo akubhasebha abhantu abhadedebhazu kubhabhashiputo abhapiti, loli izyi ilya shilapo, lyelihinza lyinkomelezyo zishili ahamusebha umwana, webhahamubhomba kubhawana lyoli shima.