¹ Pelelo ulugano lwa bhajenzi na lujendelel. ² Mutaluvyaje kubhakaribisya abhajeni, pakuti bhakubhomba bhwebhulo, bhamo bhabhakalibisizye abhahabhizya bila kumanya. ³ Kumbuha bhonti bhebhali kulugwa, pakuti mwalinabho kubhala poka nbho, ninga bhabhili bhinyugahabhomba ngati bhabho. ⁴ Pelelo indowa yishindikwe na bhonti nakuti ishitala sha ndowa mushigombe kubha ahinza, pakuti Umulungu kuti abhalonje abhabhembu na bhamalaya. ⁵ Pelelo amadala ginyuagankaya gabhe nubhwabhushe palugano lwa hela mbhe mwemu kuhobhoha ni vintu vye mulinavyo, pakuti Umulungu wuyo ahayanga, "Ntali bhaleha imwe lumo, pope kubhasufwa imwe." ⁶ Pelelo tulibhishe ingatuyangaje kumaha, "Mwene wakunavya ine; Ntenkayile. Umuntu angambomba shoni?" ⁷ Mubhasibhililaje bhala bhebhakubhalongozya, bhala bhebhahayanga izwi lya Mulungu kukwinyu, na mukumbushe ishakufumila mumadala gabho; mwejelelaje ulwitiho lwabho. ⁸ Uyesu Kirisitu wuyo mawila,ilelo na pope shima. ⁹ Utahinze ulongozye nivimanyilo shahashaha agabhujeni pakuti hinza umwoyo bhuzengwe kubhwila, natekunkomelezyo kuyanjila ivyakulya ago gatangabhavya bhala bhebha kutendama kwigo. ¹⁰ Tuli napafinjile pebhala bhebhakubhombaela mukasi pafinjile bhatli nubhwanalyoli ubhwakulya. ¹¹ Pakuti ibhanda lya vihano, zyebhahafumwa ivifinjile kumbibhi, yihinza nuwashiputo umupiti mukasi mubhuzelu ulufinjile, loli amabhili gabho bhahagosha panzi panyumba. ¹² Pelelo Uyesu wope ahayimbaga panzi pamulyango pankaya, ili kuti kubhiha hinza abhantu ba Mulungu kujendela kwibhanda lyakwe. ¹³ Nakwilyo kujenda kukwakwe panzi panyumba, ingatukunyatula imbibhi zyakwe. ¹⁴ Pakuti tutali ninkaya iyashima munkaya umu. Pelelo sheshilipo tulilondola inkaya yeyikwinza. ¹⁵ Kujendela kwa Yesu yikwanzibhwa shima na shima kuyifumwa ishifinjile ishakumutima Umulungu, kumutima kuti ishihomwa sha malomo gitu lyitishe izina lyakwe. ¹⁶ Nautaluvyaje kubhomba aminza nakubhavwa na imwe kwimwe, pakuti kwekuvifinjile ngati iyo ya Mulungu akusungwa nkani. ¹⁷ Mushindihaje na kuyisya kubhalongozi bhinyu, pakuli bhakwendelela kubhadima kumaisha ginyu, ngati bhebhalabhebhalifumwa shebhashibhomvile.Shindihaji inga kuti abhalongozi bhinyu bhabhwezye kubhasunga kwakuhobhoha, natekwakusungana kwetekuhabhavwe. ¹⁸ Tuputilaje, pakuti tuli nubhwanalyoli kuti tusubhaliye ukwinza, tukunyonywa kutendama inkaya iyamushinzi kubhomba zyonti. ¹⁹ Namwenti kubhagomwa umwoyo nkani mubhombe bhwebhulo, inga kuti mbwezye kugaluha kukwinyu shinisho. ²⁰ Isalizi Umulungu wa mutende, wahabhaleta bhabhili kufuma kubhufwe umudimi umupitu uwa ngole, Mwene witu Uyesu, kwibhanda ilya ndajizyo izya shima, ²¹ Alibhapa amaha kwa kila mbombo inyinza kubhomba imbombo yakwe, ingakubhomba imbombo mukasi mumwitu yeyinza iya kuhobhosya pamiso gakwe, Kujendela kwa Yesu Kirisitu, kukwakwe bhubhe bhupiti shima na shima. Amina. ²² Isalizi kukugomwa umwoyo, mijenzi kunyatulilana nizwi lya kugomwa umwoyo lye kubhufupi nkalyandiha kukwinyu. ²³ Manyaji kuti abhajenzi bhitu Timotheo bhamulesheye ubhwabhusye, wepoka nawo kuti nkabhenye nkati aliyinza ishapapipi. ²⁴ Lamuhaga abhalongozi bhabho bhonti nabhafinjile bhonti. Bhalabhe bhakufuma Kuitaliya bhakukulamuha. ²⁵ Nu bhwila bhubhe nimwe mwenti.