¹ Shinishi Ukirisitu amatupiye ubhusatushe pe tubhe bhasatushe. Pe lelo yimilila kumaha mutahalemwe sona mulwagulo lwa bhuzya. ² Yenya, ine Pauli, nkubhabhuzya ukuti pe mulibholwa, Ukirisitu tebhabhavwe mwidala lyolyonti lila. ³ Sona, nkumusimishizya kila mwanavuli we abholilwe yikwanzibhwa bhazimale zyonti inkomelezyo zyonti. ⁴ Bhabhefizwe pabhutli nu Kirisitu, bhala bhonti "mukubhazilwa ubhugoloso" ku nkomelezyo. Muguye ukutali nu bhwila. ⁵ Fwndi mwidala lya Mupepo, mulwitiho tukugulilila ubhujinvu bhwa bhugoloso. ⁶ Mwa Kirisitu Uyesu ukubholwa pamo kusita kubholwa kute na shimo shimo. Nu lwitiho lweka lwe lukubhomba imbombo kujendela mu lugano lwe lukumanyizya shimo. ⁷ Muha shimbilaga ulubhilo ahinza. Unanu we abhadindaga ye kusita kwivwila ubhwanalyoli? ⁸ Ubhuluma ilenga bhwe bhuleha mubhe bhunubhwo bhutafumile kukwakwe weakubhitizya imwe. ⁹ Ubhusafu ubhunsi bhukunangan'wa ubhwinza bhwonti. ¹⁰ Indili nu lwitiho nimwe mwa Mwene ukuti te musibhilile kwidala ilinji lyolyonti. Wowonti wula weangabhatezya aliyega ubhulonzi bhwakwe ghuyo weka, wowonti wula. ¹¹ Bhajenzi, inga nkujenda kuyanga kubholwa, shoni she mushili nkuyimba? Kwi izwi ilyo shila she dindilizi sha shihobhonkanyo shingabhweza kunanjiha. ¹² Kwe kwanza kwane ukuti bhala bhe bhakubhalongozwa abhabhibhi kuti bhaleshe bheka. ¹³ Umulungu abhitizizye imwe, bhajenzi kubhusatushe. ¹⁴ Pe mutahabhubhombele ubhwabhushe bhinyu mutahabhutumile habhibhi kumubhili. Loli uwene kulugano mwavwaje mweka kwa mweka. Kwekuti inkomelezyo yonti yikwiline mwi zwii lyoka; lyelikuti "Yikwajikwa umugane umupalamani waho inza vwe uyiganile wewe weka ." ¹⁵ Pope inga mukulumana na kuyanga, muyenyelezyaje mweka na mweka. ¹⁶ Nkuti, mujendaje ku mupepo, na petemuvilmale ivinonwa vwa mubhili. ¹⁷ Pe umubhilli wukunonwa pa bhupiti kushila nu Mupepo, nu Mupepo wu nkunonwa ipiti kushila umubhili. Izi zikudalinkana kila woka nu wamwabho. Vwe zili ukuti mutakumbomba ivintu inza vwe mukunonwa kuvibhomba. ¹⁸ Loli ngati Mupepo akubhalongozya imwe mute pansi pa ndajizyo. ¹⁹ Isalizi imbombo zya mubhili zikuloleha. Zyezye zino ulubhembu, ubhupopo, ubhwibha, ²⁰ imputo zya shiholanyo, umulonzi, umulugu, ubhwite, ubhuzubha, kubha nishilaha, ukupotana, ahafishi, nunkugabhinkana, kwa matempeli, ²¹ kusibha ahabhibhi, ubhwashimwela, ubhupafu na gonti agamwabho gegali inza ganaga. Nkubhabhuzya, ukuti bhala bhonti bhe bhakubhomba aga bhatalipwana ubhumwene bhwa Mulungu. ²² Loli ishihomwa sha Mupepo lwe lugano, luseshelo, bhwihalo, ubhujimvu, ubhuzyiha hantu, ubhuntu bhwinza, lwitiho, ²³ ubhupole ubhwa pakasi, yitapo inkomelezyo kulusya ya gonti iga. ²⁴ Bhala bhe bha Kirisitu Yesu bhawuhomeleye umubhili poka ni mpapilwa ya vinonwa vwaho ivi bhibhi. ²⁵ Pe ingatukutendama mwa Mupepo, petutendime kwa Mupepo. ²⁶ Tutahabhe bha kuyizuvwa, tulevenzanya kila woka nu wamwabho, pe tutahenyane ubhuzubha.