¹ Nkuyanga kuti umwana muntu mupwana we mwana, atalehine nu muzya, pope ingabha mupwana wa vwuma vwonti. ² Loli uwene ali pansi pa bhebhakwenyelezya na bhebhakwilila paka ahabhalilizyo he hahabhikwa nu tata wakwe. ³ Niswe she zili, pe twali swe bhana, twalemilwe mubhuzya bhwa nkomelezyo izya bhwandilo izya munsi. ⁴ Loli habhalilo ahenesho lwe hafiha, Umulungu ahamutuma umwana wakwe, umupapwa wa mwana umwanantanda, umupapwa pansi pa nkomelezyo. ⁵ Ahabhomba bhwebhulo ukubhapoha bhala bhebhali pansi pa nkomelezyo, ili pe tuposhele ahabhele hakubha bhana. ⁶ Shifukwa pe mwe bhana bha, Mulungu ahamutuma Umupepo wa mwanawakwe mukasi ya mumoyo gitu, Umupepo weakwitizya, "Abb Tata." ⁷ Lunulu iwe te we muzya sona ha loli mwana. Pe inga we mwana basi iwe we mupwana kujendela mwa Mulungu. ⁸ Na lwe mwashili ukumumanya Umulungu, mwali mwe bhazya kubhala bhe bhatapezilwe kumilungu nzila. ⁹ Pe isalizi lelo mumanyile Umulungu, awu shoni she mukugalushila munkomelezyo imbibhi izya kwanda zye bhazya sona? ¹⁰ Mukulema mukwenyelezya mahabhalilizyo, mulwenyelezyo lwa amezi, ahabhalilo, na amaha. Nkunyila kujulu yinyu. ¹¹ Nkunyila ukuti ukuyifumwa nkayimbaga bhwelele. ¹² Nkubhabhuzya, bhajenzi, mubhe inza vwendili, pe bhwebhulo lelo indi inza vwe muli. Mutahananjila. ¹³ Loli mumanyile ukuti shali shinisho sha bhubhinu bhwa mubhili ukuti injjendelezye izwi ku kwinyu kubhwandilo. ¹⁴ Pe muhabhela bha mubhili wane wuhabha bhuha mululingo, muhaufwa awu nkunkana. Lole pe muhamposhela ngati he habhizya wa Mulungu, ili pe ngati ne Kirisitu Yesu nene. ¹⁵ Inga lumo, luli kwiyi ubhusangalusu lwinyu? kwekuti kusimishiziwa kukwinyu ukuti zingabha bhwebhulo ingemuhefwa aminso ginyu nukumpa ine. ¹⁶ Isalizi lelo pe nabha ne Mulungu winyu shinishi nkubhabhuzya ubhwanalyoli? ¹⁷ Bhakubhalondola kumaha, loli te kwekutminza. Bhakwanza kubhalesanya imwe nine ili mubha fwate (mubhalandate). ¹⁸ Ukwene hinza kubha na maha shinishizye nyinza, na te kwekuti pe inti poka imwe. ¹⁹ Bhana bhane bhansi, nkubhina ivwakubhabha panongwa yinyu paka Ukirisitu apapwe mumwinyu. ²⁰ Naganile ukubhapo pala poka nimwe isalizi nkugalusanya izwi lyane, shinishi ndili sibho panogwa yinyu. ²¹ Mumbuzyaje, mwenemwe mwe mukwanza kubha pansi ya nkomelezyo, mutakwivwa inkomelezyo? ²² Kwekuti yisivwile kuti Aburahamu amali na bhana abhashanavuli bhabhili, woka kwa ghula umwantanda umuzya nu uwamwabho kumwantanda umusatushe umushi. ²³ Inza bhwebhulo, wula uwa muzya aha papwa kumubhili bhwelele, loli wula uwa mwantanda umusatushe ahapapwa mulufingwi. ²⁴ Gonti iga gabhwezizye ukuyangwa ukujendela muviholanyo, pe abhantanda abha bhalingine nu lufingwi lu bhili. Woka kufuma mwigamba Usinayi. Kupapa abhana bhe bhazya. uno bhu Hajiri. ²⁵ Isalizi U hajiri ligamba Usinayi lye lili Kubharabu. Yikulinganywa ni Yerusalemu iya salizi, kwekuti muzya poka na bhana bhakwe. ²⁶ Loli Yerusalemu ye yili pamwanya pa bhusatushe, pi ili lye wi mayi witu. ²⁷ Pe lisinvilwe,"Hobhoshi, iwe bhantanda mugumba, iwe ghutapapile. Hola inkani na uhome ishongo kubhuhobhoso, iwe we utani shibhelelezyo sha kupapa. She abhene abhinji bhana bha we mugumba, inkani ya bhala bhe ghula we alinu mwanavuli." ²⁸ Isalizi bhajenzi, ngati isaka, imwe mwe bhana bhalufingwi. ²⁹ Ku habhalilizyo hala we muntu we ahapapwa kwidala lya mubhili ahamuyinvwa wula wula weahapapwa mwidala lya Bhufinjile. Nakusalizi bhwebhwebhulo. ³⁰ Amazwi gakuti bhuli? "Mwefwe umwantanda umuzya poka nu mwana wakwe umwanavuli. Pe kuti umwana wa mwantanda umuzya atali pwana poka na bhana bha mwantanda umusatushe." ³¹ Inga lumo, bhajenzi iswe te swe bhana bhana bha mwantanda umuzya, loli twe bha mwantanda umusatushe.