¹ Ine ne Pauli umusundikwa. Ine te nemusundikwa kufuma kubhana muntu wala kujendela kwa mwana muntu, loli kujendela mw Yesu Kirisiti nu Mulungu Utata weahazyuha kufuma kubhafwe. ² Poka na bhajenzi bhonti nine, nkukusimbila ivibhanza vya Galatia. ³ Ubhwila bhubhe nimwe nu mutende weghu kufumila kwa Mulungu Utata witu nu Mwene Yesu Kirisitu, ⁴ ahayifumwa huyo weka kumbibhi zyitu ili atuposhe kuhabhalilo iha aha mbibhi, kufumila mubhwigo ne bhwa Mulungu witu nu Tata. ⁵ Ku kwakwe umushinzi shima na shima. ⁶ Nkusukumila ukuti mukugalunkana lubhilo ku mazwi aganji. Nkusukumila ukuti mukugalunkana kubhutali kufuma kukwakwe uwene ahabhita ku bhwila bhwa Kiristi. ⁷ Kutaliko izwi ilinji, loli bhalipo bhamo abhantu bhebhakubhabhombelezya amayimba pe bhakwanza kugalunsanya amazwi ga Kirisiti. ⁸ Pope linga sweswe awu uhabhizya kufuma kumwanya kuti atangazye izwi kukwinye lye te lilo, na yila ye tuhatangazya kukwinyu, na abhunwe. ⁹ Inza vye tuhayanga pa bhwandilo, nisalizi kuyanga sona, "Ingati alipo ghumo umuntu aliyanga kukwinyu amazwi gegataholine na gemuhaposhela, na abhunwe." ¹⁰ Ku salizi nkulondola ubhwanalyoli ubhwa bhantu awu Umulungu? Ndilikulondola kubhahobhosya bhana muntu? Pe nkujendelela kuyezya nkubhahobhosya abhana muntu, ine te ne musundikwa wa Kiristu. ¹¹ Bhajenzi, nkwanza imwe mumanye ukuti izwi lye nkutangazya litahafumila na bhanamuntu. ¹² Ntahayiposhela kufuma kwa muntu, wala ntahamanyila ntahasambilila. Loli, yamili nkati ku bhubhu zyusi bhwa Yesu Kirisitu kukwane. ¹³ Kwe mwivuye hali izya bhulanzi ulwendo wane ulwa misinda mushibhanza sha Kiyahudi, vwe nkayivwaga kubhuhali ishibhanza sha Mulungu ukulusya ni shipimo nukulinanganya. ¹⁴ Iwe injendeleye mu Dini iya Kiyahudi ukulusya abhajenzi bhane abhinji Abhashiyuda. Nali nubhujimvu inkani mu vihola vya bha tata bhane. ¹⁵ Uwene Umulungu ahahobhoha ukusebha ine kufuma mulwanda lwa mayi. Ahanita ine kujendela mubhwila bhwakwe. ¹⁶ Kumuhobhosya Umwana wakwe mukasi yane, pe ili imutangazye uwene mukasi mwa bhantu abha munsi. Te kulondola kubhuzilizya kubhana muntu ¹⁷ pe ntaganile kubhala Kuyerusalemu ku bhala bhe bhali bhasundikwa lwe ine shili. Iwe nabhala ku Uarabuni na iwe nkugaluha Damesiki. ¹⁸ Kufuma apo amahagatatu gazubha kubhala kubhajendela Kefa, nkatendama na wope insiku kumi na zisano. ¹⁹ Loli ntahenya abha bhomvi abhanji te Kwayakobho, umujenzi wakwe nu Mwene. ²⁰ Yenya, pilongolela ya Mulungu, ntakuluma ilenga kushila nene kukwinyu. ²¹ Kufuma apo nkabhala munsi iya Shamu nu Kilikia. ²² Ntamanyishile ku minso kuvibhanza vya Uyadi gala gegalipo mwa Kirisitu, ²³ Loli pe bhahivwilizyaga bhulo, "Uwe ne we ahatuyivwaga isalizi akuyanga ulwitiho iwe ahanangan'wa." ²⁴ Bhahinza bhakumuvwa (kukushindiha) Umulungu pa nongwa yane.