¹ Pa maha kumi nayine nkasogola sona KKuyelusalemu poka nu Barnaba. Inga mwega Utiti poka nine. ² Nabhazile panongwa Umulungu ahanitishizya ine ukuti yikwanzikwa ukujenda. Nkatangazya izwi lye nkasambilizyaga kubhantu bha munsi. (Loli nkayanga kwa kuzyiha bhe bhahayangwa kubha longozi bhebhakwanziwa). Nkabhomba bhwebhulo pe kushimishizya ukuti ntahashimbilaga, awu nkashumbilaga bhulo. ³ Loli wope Utito, weali poka nine, weali Muyunani, bhataganile ukuti abholwe ubhubholwa. ⁴ Ku gonti iga kunongwa ya bhajenzi bhi lenga bhebha hinza ku bhwilu kupelelezya ubhusatushe bhwebhuli na bhwope mwa Kiristu Uyesu. Bhahanzaga bhatubhishe iswe tubhe swe bhazya bha nkomelezyo. ⁵ Pe tuhayifumwa kubhivwila pope kuhabhalilo hoka, pe tuhati izwi lya nalyoli bhwakwe lisyale vwe lyali kukwinyu. ⁶ Bhope bhala bhebhahayangwa ukuti bhali bhalongozi bhatahayanga lyolyonti kukwane. Shoshonti she bhahabhombaga shitali ninjele kukwane. Umulungu atakwitiha akupendelela mubhana muntu. ⁷ Iwe uwene, bhahenya ukuti nasubhalilwa ukuyanga amazwi kubhala bhe bhatahabholwa. Yali ngati Upeteli ayanje izwi kubhe bhabholilwe. ⁸ She uwene Umulungu, weahabhomba imbombo mukasi mwa Peteli panongwa ya bhasundikwa kubhala bhe bhahabholwa, wope ahabhomba imbombo yane kubhantu bha munsi. ⁹ Ahabhalilo ha Yakobo, Kefa, na Yohana, bhebhamanyisile ukuti bhahazenga ishibhanza, bhahamanya ubhwila bhwe indilinawope ine, bhahatuposhela mulugano ine nu Barnaba. Bhahabhomba bhunubhwo ukuti tubhale kubhantu bha munsi na ili pe bhabhale kubhala bhe bhaholilwe. ¹⁰ Pe bhanzaga niswe tulibhakumbushe abhapina. Ine bhulo nkanzaga kubhomba linili. ¹¹ Habhalilo Ukefa ayinza Antiokia, nkamuhana pa bhuzelu lwe ananganya. ¹² Lwe abhantu bhamo bhinza kufuma kwa Yakobo, Kefa, ahalyanga poka na bhantu bha munsi. Loli abhantu lwe bhinza, ahaleha nukwepa kufuma kubhantu bha munsi. Ahabhogopaga abhantu bhe bhenzaga kubholwa. ¹³ Bhwebhwebhulo Abhayahudi abhinji bhahabhungana na bhaluma ilenga ibha poka nu Kefa. Lwe zyali bhwebhulo ukuti nu Barnaba ahanyatulwa nukuluma ilenga kumwabho. ¹⁴ Wope iwe nenya ukuti bhatakulandata amazwi ga bhwanalyolii, nkamubhuzya Ukefa pilongolela lwabho bhonti, "Inga pimwe mwe Bhayahudi loli mukutendama munjele zya bhantu bha munsi lwe nulujendo lwa Shiyahudi, shoni shemukubhashinishizya abhantu bha munsi nkutendama ku Bhayahudi?" ¹⁵ Iswe twe Bhayuda mumpapilwa na te "Bhantu bha munsi bhebhali ni mbibhi" ¹⁶ manya kuti naghumo we mwinza mu mbombo zya nkomelezyo. Iwe na nabhakumanyiha bhanalyoli mu lwitiho lwa mukasi mwa Yesu Kirisitu. Tuhinza mulwitiho mukasi ya Kirisitu Yesu pe tukumanyiha bha nalyoli mulwitiho lwa Kirisitu na te kumbombo ni nkomelezyo. Kumbombo ni nkomelezyo ghutaliko umubhili kulibha kwa bhwanalyoli. ¹⁷ Loli, pe tukumulondola Umulungu mukubhazya ubhwnalyoli mukasi ya Kirisiti. Tukuyimanya sweswe swe bhabhomba mbibhi, je Kiristu ahabhomba muzya wa mbibhi? Te mwemumwo. ¹⁸ Ine nga kuzenga nkusubhila ine kulandata inkomelezyo, nkuyilolesya nene kunanganya inkomelezyo. ¹⁹ Kujendela munkomelezyo nafuye nunkomelezyo, pe yikwanziwa itendamaje kwali ya Mulungu. ²⁰ Nkomelilwe poka nu Krisitu. Te nene mubhulanzi, loli Ukrisiti we mulanzi mumwene. Ubhulanzi bhwe kutendama mulwitiho mukasi mu mwana wa Mulungu weahangana na ahayimba kujulu yane. ²¹ Mu bhwila bhwa Mulungu, she ngati bhwanalyoli bhwalipo kwendelela munkomelezyo, she Ukristi nge amufuye bhwebhulo.