¹ Paulo, watumi lwe nu Kristo Uyesu na bhabhinjizizye Umulungu, kubhala bhe bhayigavile kumubhombela Umulungu bhabhali Kuefeso na bhala bhe bhanalyoli kwa Kristu Uyesu. ² Ubhwila bhubhe kukwinyu numutende wewukufuma kwa Mulungu Utata witu nu Mwene Yesu Kristu. ³ Umulungu nu Tata uwa Umwene witu Uyesu Kristu tumupe ubhulotwe. Wuyo watulosite ubhulote bhwobhwonti ubhwa mupepo, ubhufuma kumwanya na mkasi mwa Kristu. ⁴ Lwe ishili kupelwa insi, Umulungu ahatusebha twenti habha nulwitiho ulwa kufuma kwa Kristu. Ahatusebha itwe ingatubhe twe bhazelu bhwebhwatalinizya kuyanga pilongolela papakwe. ⁵ Kulugano Umulungu ahatusebha kubhwandilo nakutusebha ngati bhana bhakwe kwidala lya Yesu Kristu. Ahabhomba bhwebhulo ahanza kubhomba shila she amaganile kubhomba shila shahashinyonywa. ⁶ Amajibu gakwe ahalema kuti Umulungu bhakumutima kubhwila bhwakwe nubhupiti bhwakwe. Ishi shatupiye bhulo kwidala lya nkundwa wakwe. ⁷ Pakuti mwa nkundwa wakwe, tulinubhuposhe kujendela mwibhanda lyakwe, uluhobhoshelo ulwa mbibhi. Tulinalyo ili pakuti ubhudumbwe ubhwa bhwila bhwakwe. ⁸ Ahabhomba ubhwila ubhwakubhinji kujulu yitu nulusinkanizyo ulwakusinkanizya. ⁹ Umulungu ahabhomba kuti yimanyishe kukwitu ubhwanalyoli bhwebhuvyamile vyezyamile, kufumila nahabhele hehalolesile nkasi mwa Kristi. ¹⁰ Lwe ahabhalilizyo ha lunjiha mubhulunjisu bhwahabhele hakwe, Umulungu alivibhiha vwonti ivintu ivya kumwanya na pamwanya iya pansi mkasi mwa Kristi. ¹¹ Mwe mwa Kristi twamile twasevilwe twapanjilwe lwehashili ahabhalilizyo. Ino yamile yafumile vyezyagombilwe naweamagomvile ivitu vyonti mhabhele hakwanza kwakwe. ¹² Umulungu ahabhomba bhwebhulo kwekuti tuhondeye tubhanje kubhushindikwa ya bhumwamu bhwakwe. Twamile bhabhwandilo nubhujimvu mukasi ya Kiristi. ¹³ Lyamile lidala lya Kristu ukuti muhivwa izwi ilya nalyoli, amazwi aga bhuposhi bhwinyu mwidala lya Kristu. Lyamile mkasi ya wuyo pe kuti musubhiye kubhiha shimanyilo sha Umupepo Umfinjile wetwapanjililwe. ¹⁴ Umupepo weamapanjililwe mubhumpwano bhwitu paka pebhaloleha. Ino yamile ya kumutima nakumpa ubhupiti bhwakwe. ¹⁵ Shifukwa ishi, kufuma penivuye kulwitiho lwinyu mkasi mwa Mwene Uyesu nakuti ulugano lwitu kubhala bhonti mubhe mwebhagomvile kukwakwe. ¹⁶ Ntalesile kumsalifwa Umulungu kujulu yimwe nukubhataha kumputo zyane. ¹⁷ Nkulabha kuti Umulungu wa Mwene witu Yesu Kristu, utata wa bhupiti, kutabhape umpepo uwabhwila agakwenya nukulebhwa kwakwe. ¹⁸ Nkulabha kuti aminso ginyu agamumwoyo gabhe nubhuzelu kukwinyu kumanya kuti galikwi amaha gemwitilwe kukwinyu. Nkulabha kuti mnanye ubhudumbwe ubhwa bhupiti bhwashipwano bhakwe mubhala ahagabha kujulu yakwe. ¹⁹ Nkulabha kuti mumanye ubhupiti bhwebhushizile amaha gakwe mkasi mumwitu bhetukwitiha. Ubhu bhupiti bhukufuma nukubhomba imbombo kumaha gakwe. ²⁰ Iga gemaha gegabhomvile imbombo mkasi mwa Kristu habhalilo Mulungu amuzusizye kufuma kubhafwe na kumutendamiha Uyesu tekuti kuhabhalilo iha loli nahabhalilo hehakwinza bhulo. ²¹ Ahamutendamiha Ukristu pamwanya pabhutali na bhasongo, amaha, nizina lyelikuyangwa lonti lyelikuyangwa.Ahamutendamiha Uyesu te kuti kuhabhalilo iha loli hehakwinza hope bhulo. ²² Umulungu avikonzazizye ivintu vyonti muvinama vya Kristu. Amubhisile bhuyo kubhalitwe pamwanya pavintu vyonti pitepeni. ²³ Itempeni kuti we mubhili wakwe, kwekukwila kwakwe weakwizuzya ivintu vyonti mumadala gonti.