¹ Penkuti nkwanza mumanye ishi vwenamile na mayimba aminji kujuli yinyu, kubhonti bhebhaliko Laodikia nakubhonti bhebhatabhwenye paminso pane kubhuli. ² Kubhomba imbomboino kuti amoyo gabho gabhwezye kupumilizya kukutugaleta poka palugano na pa bhudumbwe bhwonti ubhwa bhwinji nu bhwanalyoli bhwe bhugombilwe kunjele, nukuyimanya isiri yanalyoli iya Mulungu, wewu Kristu. ³ Kwekuti wuyo asenguye vyonti ivya mtende ni njele azizzyisile. ⁴ Nayanga nati ilikuti umuntu wowonti atahinze abhabhombele ishibhibhi ukuyanga angakutamanisya. ⁵ Nepentali poka nimwe kumubhili loli ndipoka nimwe kumpepo . Nkuhobhobha kwenya amadala ginyu aminza na maha galwitiho lwinyu ulwa Krstu. ⁶ Inza lwe muhamuposhela Ukristu, Umwene, mubhombaje gonti wuyo. ⁷ Mugomwe ngati wuyo, mzengwe mumwakwe, mgome muimani ngati inzevwe muhabhanyizwa, nakupinywa nakusalifya inkani ⁸ Mwenye ukuti umuntu wowonti atahabhaleme nukubhelela na mazwi geka gakusyobha kulingan'wa navyewaposhela izyabhantu, kuholana ni ndajizyo izyansi, natekuholana nu Kirstu. ⁹ Pelelo uwene ubhuzelu bhwonti ubhwa Mulungu bhukutendama kumubhili. ¹⁰ Nimwe mwizuye kufuma kukwakwe. Uwene welitwe ilyamaha. ¹¹ Kukwakwe wuyo wope pemuhonzibhwa kuzelupa yeyitakubhombwa na bhantu nakwefwa umubhili unyama loli we mzelu auwa Kristu. ¹² Bhahabhasyila poka nawo mulyozyo. Nakwidala ilya kwitiha na kukwakwe kumaha aga Mulungu, wahamzyusya kubhafwe ¹³ Napemwafuye na mumbibhi zyinyu na kwetukunanjiha kumabhili ginyu, ahabhiha bhapuma poka wope nakutuhobhoshela amakosa gitu gonti. ¹⁴ Ahafuta inkumbusyo izya kuhopa zyezyandishibhwe, nubhulongozi bhwebhwali nkunsizi nitwe. Ahefwa gonti nukugayimbila pashihobhenkan'wo. ¹⁵ Ahefwa amaha nubhutawala. Ahagabhiha pabhuzelu nakubhiha kubhabhuseshelo ulwakupota kwizina ilya shihopenkan'wo shakwe. ¹⁶ Penkuti, umuntu wowonti atahabhulonje imwe inga mkulya nukumwela, au kuti isiku iya kuseshela au umwezi umupwa nisiku lya sabata. ¹⁷ Ivi ni vizunguli vywa mambo agamwilongolela, lakin ishanzo wu Kristu. ¹⁸ Umuntu wonti bhatahamfwule shebhakupiye iyaokunyonywa kuyisya nukumuputa uhabizya. Umuntu uwanamunnaiyo akwinjila kumbombo yayiwenyi nukumsyobha ni sibho zyakwe izya kumubhili. ¹⁹ Uwene atakulilema itwe. Nukufuma kwekwitwe kuti umubhili wonti kujendela ivibhunga vyakwe namaupa gakubhungwa nakulemana kubha poka; nukukula ukwa konjela kukufuma nu Mulungu. ²⁰ Iinga muhafwa poka nu Kristu kulujendo ulwansi, mmbona mukubha ngati mukubhomba kumubhili: ²¹ "Mtahaleme, wala kubhonja, na kupalamasya"? ²² Inga gonti gapangilwe kuti ubhubhibhi bhwebhukwinza vukubhombela, kufuma na kukulajizya ukwa bhantu. ²³ Indajizwo izi zilinumshinzi ubhwa dinii zyezigombilwe ukuyisubhalila numshinzi namayimba aga mubhili. Lole zitali nubhupiti konjezya ishinyonywa isha kumubhili.