¹ Uwene Usauli, ahajendelela kuyanga ukogofwa nivwa fwa kubhasundikwa bha Mwene, ahabhala kuwashiputo umupiti ² nu kumulabha ukalata panongwa ya vibhanza uko Damesiki, ingavwe ukuti ingabhaga abhantu bhebhali mwidala lila, bhabhanje mwanavuli pamo mwantanda, abhakunje nukwinza nabhope Yerusalemu. ³ Nape amamile ahajendaga, yihinzila ukuti lwe asejelela Dameski, lubhilo kuhalamwa kontikonti ubhuzelu kufumila kumwanya,' ⁴ wope ahagwa pansi peahivwa izwi lihati, "Sauli, Sauli, shoni she ukunjinvwa?" ⁵ Sauli ahamula, We nanu Mwene? Umwene ahati, "Ine ne wula Uyesu we ukunkalalizya; ⁶ Loli bhuha, yinjila munkaya, niwe bhalikubhuzya gegakuhondeye kubhomba ⁷ Bhala abhantu bhebhajendaga poka nu Sauli bhahapuma mwaa, bhahatejelezya izwi, bhatahenya umuntu. ⁸ Usauli ahabhuha munsi peayigulilwa aminso gakwe, atahondeye kwenya ishintu, bhahamulema inyobhe bhahabhala paka Dameski. ⁹ Kunsiku zitatu atahenyaga, atahalyanga, pamo ataha mwelaga. ¹⁰ Pe amalipo umusundikwa Damesiki izina lyakwe Anania, Mwene ahati nawope mu ndotezi, "Anania." Na ahati, "Yenya, indipa, Mwene. ¹¹ "Umwene ahamubhuzya, "Bhuha sogola kukwaho mu nkaya yeyikutakwa Ligolosu, na munyumba ya Yuda peuhabhuzilizye umuntu kufuma Tarso wewu Sauli; she ashili akuputa; ¹² na ahamwenya mundotezi umuntu izina lyakwe Anania ahinjila na kumubhishila inyobhe papakwe ingape ukuti ahondeye ayenye. ¹³ Uwene Anania ahamula, "Mwene, nivuye amazwi gamuntu uno kubhantu abhinji, kushipimo shoni abhabhombeye amabhibhi abhafinjile abhuko Yerusalemu; ¹⁴ Apa alinamaha kufuma kuwa shiputo umupiti wonti wula we akulitaha izina lyaho. ¹⁵ Uwene Umwene ahamubhuzya, "Sogolaga she uwene we shililo shisebhwa kukwane alyeje izina lyane pilongolela ya Nkaya na bhamwene na bhana bha Izirayeli. ¹⁶ She ndibhalolesya geminji gegabhahondeye kuyimba panongwa yizina lyane". ¹⁷ Anania ahabhala, ahinjila mula munyumba; Ahamubhishila inyobhe ahayanga, Mumanyani Sauli, Mwene Yesu, weahakwinzila mwi dala pewamile uhinzaga, wantumile uhondeye kwenya sona pe wizule Umupepo Umufinjile. ¹⁸ Lubhilo vihagwa paminso papakwe ivintu inzavwe vibabazula, ahabhwaga ahenya, ahimilila, ahozelwa; ahalya ishakulwa nukubha na maha. ¹⁹ Ahatendama poka na bhasundikwa uko Damesiki kunsiku inyinji. ²⁰ Ahabhalilizyo hanaho ahamulumbilila Uyesu mu sinagogi, ahati ukuti uwene Mwana wa Mulungu. ²¹ Pe bhonti bhahivwa bhahasukumila nukuyanga, "Te muntu uno weamabhananginye bhonti bhebhahamutahaga izina ili uko Yerusalemu? Pe apa ahinza nukwanza kubhakunga nukubhatwala kubha shiputo." ²² Uwene Usauli amapelilwe kulumbilila nukubhagomba Abhayahudi bhebhatendime Damesiki bhalunkane nukusimishizya ukuti uno we Kirisitu. ²³ Lwepashila insiku inyinji, Bhayahudi bhahayanjizyanya poka ingape bhamugoje. ²⁴ Uwene izyene izyabho zihamanyiha nu Sauli. Bhahamuvwamilila pamulyango umusanya nu bhusiku ukuti bhamugoje. ²⁵ Abhene abhasundikwa bhakwe bhahamwega ubhusiku bhahamwisya kujendela mulubhumba, bhahamwisya pansi mu shitundu. ²⁶ Nu Sauli lweafiha Yerusalemu, ahayezya kuyisanganya na bhasundikwa abhene bhamile bhahamunyilaga, bhatasubhiye ukuti wope musundikwa. ²⁷ Uwene Barnaba ahamwega nu kumubhiha kubhabhomvi, Pe bhahayanga vwe Usauli ahamwenya Umwene mwidala nu Mwene ahayanga na wope, na bhulibhuli Sauli ahalumbilila kubhujimvu kwizina lya Yesu kula Damesiki. ²⁸ Ahahonana nabhope lwe bhinjila nu kufumila Yerusalemu. Ahayanga kumaha kwi zina lya Mwene Yesu, ²⁹ ahabhuzilizyanwa na Bhayuda bha Shiyunani lwe bhakuhonzya habhili habhili kumugoga. ³⁰ Lwe abhajenzi bhamanya amazwi igo, bhahamwega paka Kaisaria, pe bhahamusogozya asogole Tarso. ³¹ Pe ishibhanza shonti mu Bhuyuda, Galilayi na Samaria, mwamile nulusankano, pe lihazengwa, nu kujenda mu kunyila we Mwene nu lunyilo lwa Mupepo Umufinjile, ishibhanza shihakula nu konjeleha ubhwinji. ³² Pe lihinza Peteri amamile ahazyungulilaga imbazu zyonti izya nkaya, ahabhishila abhasundikwa bhebhakutendama munkaya ya Lida. ³³ Ahamwenya kula umuntu woka izina lyakwe Ainea, umuntu uyo amali pashitala amaha gasano na gatatu; she amali alemaye. ³⁴ Peteri ahamubhuzya, "Ainea, Uyesu Kirisitu akupozye; Damuha pe uzinje ishilili shaho," Pe adamuha. ³⁵ Pe abhantu bhonti bhebhatendime Lida na Sharoni lwe bhamwenya umuntu uyo, bhahamugalushila Umwene. ³⁶ Bhalipo na bhasundikwa Yafa weamali Tabitha, lye likugalusyanya inzavwe "Dorcas" Uno umwantanda amizuye imbombo inyinza ni vwabhwila vwe amavibhomvile kubhapina. ³⁷ Pe yihafumila kunsiku izyo ahabhina nu kufwa; lwebhamwozya, bhahamuzuvwa kwigulu lya pamwanya nu kumukatiha.. ³⁸ Shepe Lida yamile papipi nu Yafa, na bhasundikwa bhahivwa kuti Peteri amali uko, ahabhasontelezya abhantu bhabhili kukwakwe, bhaha mwenya, "Nzaga kukwitu utahachelebhwaje". ³⁹ Upeteri ahadamuha nu kwepa poka nabho. Lweafiha, bhahinza mwigulu lya pamwanya. Nabhafwile bhonti bhahimilila papipi nawope bhahalila, bhahamulolesya ikoti na menda ge Dorcasi amabhasoneye peamali poka nabhope. ⁴⁰ Upeteri ahabhafumwa bhonti kunzi yigulu, ahasugamila ivisugamo ahaputa, pe ahagalunkana umubhili, ahati, "Tabitha, bhuha". Ahigula aminso gakwe nukumwenya Upeteri ahatendama pansi. ⁴¹ Pe Upeteri ahamupa inyobhe yakwe ahamuzuvwa, pe ahabhaholela abhasubhila na bhafwile, ahabhapa kukwabho lwe mulanzi ⁴² zyonti izi zihamanyiha Yafa yonti, na bhantu abhinji bhahamusubhila Umwene. ⁴³ Yihafumila Peteri ahatendama insiku inyinji Yafa poka nu muntu we wu Simoni, umugomba makwembe.