¹ Nkukupa indajizyo izi zyezili pilongolela zya Mulungu nu Krisitu Uyesu, wakwanza kulongolela bhebhali nubhupuma na bhafwe, na kushifukwa sha kugubutula kwakwe ubhumwene bhwakwe: ² Rumbilila izwi. Uyisenganwe kuhabhalilo hehakwanzibhwa na hehatakwanzibhwa. Bhabhuzye abhantu imbibhi zyabho, halapila, halamban'wa, kwakujimbilila bhonti ni manyizyo. ³ She uwene ahabhalilo akwinza kuti abhantu bhatakunyatulilana ni manyizyo izya nalyoli. Iwe, na kubhalondolela abhasambilizi bha abhakusambilizya kuholana nu kugwa ammaha gabho. Kwidala ili ilya makutwe gabho galiyima gatinyilwe. ⁴ Bhalileha kwivwila imanyizyo izya nalyoli, nu kugalunkana kusimulilana. ⁵ Wope wuyo abhe musubhalilwa ku mbombo zyonti, jimbilila mumagomo, ubhomba imbombo ya bhulumbilizi; yananwa imbombo yaho. ⁶ She umwene nine tuyusengin'we afisile kutunyunyizizya. Ahabhalilo ahakwepa kwane kufisile. ⁷ Mpotine mwa nalyoli, Injendo zimazile, Ulwitiho ndullinzite. ⁸ Ihobhebho ilyanalyoli libhisilwe pa nongwa yane, ye Umwene, weakubhalonga kubhwa nalyoli, alimpa isiku lila. Nate kukwane bhulo pe kubhonti bhebhakumugulila shukusibha kushenya kukkwakwe. ⁹ Yule kwinza kukwane lubhilo. ¹⁰ Kwekuti Udema andesile. Abhuganile ubhwamunsi bhwa salizi na abhazile Kusesalonike, Kreseni ahasogola Kugalilayi, na Tito ahasogola Dalmatiya. ¹¹ Uluka basi weali poka nine. Umunyatule Umayiko uyinze nawope kuti uwene hinza kukwane ngati mbombo. ¹² Musotelezye Utikiko Kuefeso. ¹³ Lilla ijoho lye nalilesile kwa Tro kwa Karpo, lwukwinza ulilete, poka na vila ivi tabu ishi vilaivwa kwela. ¹⁴ Ualekizanda musyana vijela ahambombela amabhibhi aminji. Mwene alimulipa kulingana ni mbombozyakwe. ¹⁵ Niwe wope bhasoshe nuwene, kuti ahadalinkanaga inkani amazwi gitu. ¹⁶ Ngati ubhutelele bhwane bhwa bhwandilo, ataliko umuntu wowonti weahimilila poka nine, loli uwene, akuti woka ahandeha. Umulungu atabhabhazizye inongwa. ¹⁷ Wope Umwene ahimilila poka nine, ahampa amaha ili kuti kufumila kukwane, izwi liyangajwe ku bhwinza na kunsi bhalivwilaje. Nkokolebhwa kuwilomo lwa Nsama. ¹⁸ Umwene akudinda ni mbombo zyonti imbibhi nu kunokola ku julu ya ubhumwene bhwakwe bhwa kumwanya. Ubhushindamu bhubhe bhwakwe shima na shima. Amina ¹⁹ Mulamushe Upriska, Akila na munkaya ya Onesiforo. ²⁰ Erasto ahasyala uko Kukoriso, loli Trifimo namulesile Mileto abhe mubhinu. ²¹ Bhomba libhilo uyinze lweushili ahabhalilo aha mpepo. Eubulo akulamuha, wope Upude, Lino, Kiladia na bhajenzi bhonti. ²² Umulungu abhe poka ni mwoyo wakwe, Bhila bhubhe niwe.