¹ Wope amanye ili: ku isiku zya mwisho kulibha na habhalilo ahagomo. ² Shifukwa sha bhantu bhalibha bhebhakuyigana wewe, bhebhakugana ihela, bhebha kuyisifu, we akuyila, wealikuyinula, bhebhakusufwa, bhebhatakuheshimu abhapafi bhabho, bhebhatali nukusalifwa na bhabhibhi. ³ Bhebhatali nulugano ulwa hali, bhebhatakwanza kutendama kwilwihalo ulwa wowonti, bhalumani, bhakulumila amalenga, bhebhatakuyidindila abha lwisi, bhebhatakugana aminza. ⁴ Bhalibha bhakubhaleha, bhansufwo, bhabhakugana bhabho bheke na bhebhakugana imbibhi kuliko kumugana Umulungu. ⁵ Pe kunzi bhakubha na paminso apa bhebhakuputa Umulungu, wope bhakugahana amaha gakwe. Yepusye na abhantu abho. ⁶ Kwekuti ngati abho abhanavuli bhakwinjila kubha nduho zya bhantu nu kubhapazya umwantanda umuyubhwi. Abha bhe bhantanda bhebhizuye imbibhi na bhebhakulongozya nu kugwa amaha ga kila shintu. ⁷ Abhantanda ibha bhebhakumanyilla insiku zyonti, wope mwe bhatakubhwezya kuifinjila injele yila iyanalyoli. ⁸ Pe vwebhali ubhwo Yane nu Yambre bhahimilila ishugunga nu Musa. Kwi dala ili musambilizi abha bha malenga kwimilila shigunga na bhanalyoli. Na bhantu bhebhananjisililwe ku nsibho zyabho, bhebhatakwanza kubhapoka nu lwitiho. ⁹ Bhope bhatakujendelela kubhala pabhutali. Kwekuti ubhuyubhwi bhwabho bhukubhiha pabhuzelu ku bhantu bhonti, ngati vyebhwali bhala abhantu. ¹⁰ Wope uwene alandasite imanyizyo zyane, kujenda kwane, kusubhalila kwane, lwitiho kwane, kubhujimvu kwane, kulugano kwane, nubhujimbilizu kwane, ¹¹ amayimba vyevikubhabha na geganazile kula Ku antiokiya, Ikoinio nu Listra. Nkagimbilila amayimba. Umwene ahanokola ku gonti ago. ¹² Bhonti bhebhakwanza kutendama ubhwa kusubhalila Umulungu ngatii Ukrisitu Uyesu bhaliyimba. ¹³ Abhantu abhabhibhi na bhebhakudangan'wa bhatabhendelele kubha bhabhibhi inkani. Te bhabhatezye abhamwabho. Bhabho bheka bhayitezizye. ¹⁴ Wope nuwene, mubhe ngati mbombo zyuhasambilila nukuzisubhalila kubhwinza. Kwekuti umanyile umanyiye kwa nanu. ¹⁵ Ukumanya kuti kwanda kubhwana bhwaho wagamanyile amasimbi amafinjile. Iga gabhwezizye kukupaumushinzi kujulu ya bhulokole kwidala ilya lwitiho ku Ukrisitu Uyesu. ¹⁶ Pe isimbo bhalibhisile umwoji nu Mulungu. Lyinza kumanyizya zyebhali kuhinza, kwekubhasozya, kwakuyananwa amakosa, nu kumanyizizya ubhwanalyoli. ¹⁷ Ili kwekuti umuntu wa Mulungu abhe hinza, ingabhamupiye ivililo vyonti panongwa iya kumbomba ngati mbombo inyinza.