¹ Bhala bhonti bhebhali pansi ya joho inza vwebhazya bhabhejele abhamwene bhabho inzavwe bhebhamushinzi bhonti, bhakwanzibhwa kubhomba bhwebhulo inga pe zina lya Mulungu ni visambilizyo vitaligwaje. ² Abhazya bhebhali na bhamwene abhasubhalilwa bhatabhasufwaje panongwa abhene bhajenzi. Pelelo bhakwe, bhabhabhombelaje kushizanya.Panongwa abhapiti bhebhakubhavwa imbombo zyabho bhebhasulilwa pe bhaganwa. Sambilizya nu kuziyanga ivintu vinivi. ³ Ingape umuntu wumo akusambilizya nukugombaniha pe akugaposhela amazwi gitu gegasobhililwe, ge mazwi ga Mwene witu Yesu Kirisitu, pe inga bhatakwitinkana nivisambilizyo lyelikulongozya kubhuzelu. ⁴ Umuntu uyo akuyila atamanyile shoshonti. Pelelo, apo alinubhulugu nukudalinkana pamazwi. Amazwi aga gegakupapa ikwini,ulwisi, kuligana, kusibhilila imbibhi, ⁵ nu bhulugu habhilihabhili pakasi ya bhantu bhe injele yinanjishililw. Bhakuyileha ubhwanalyoli. Bhakusibhilils ukuti bhuzelu lwe lidala lya kubha bhadumbwe" ⁶ Isalizi ubhuzelu nu kubhelela kwe kuvwaga ukupiti. Shekuti tutahinza nashoshonti munsi munsi. ⁷ Pamo tutahondeye kwega shoshonti kufumila munsi. ⁸ Pelelo, uwene vitukwilaje ivwa kulya ni nzwalo. ⁹ Isalizi abho bhebhalibha nu bhwadumbwe bhakugwa mundingo, mulwagulo. Bhakugwa mubhumpungani ubhwinji ni vinyonywa ivibhibhi, muvintu vyovyonti sheshikubhagomba abhantu mubhulobhezi bhwa bhunanjisu. ¹⁰ Kwekuti kugana ihela bhwebhwandilo bhwa bhunanzi bhwa mbibhi zyonti. Abhantu bhebhakwanza bhulo, bhagombine kubhutali nu lwitiho pe bhayilasile bhabho bheka mubhuswimililwe ubhwinji. ¹¹ Loli iwe we muntu wa Mulungu, zishimbile zyonti zinizi.Landata ubhugoloso, ubhuzelu, ubhusubhalilwa, uluganu, kubhutelefu, nu bhuziha ishilaha. ¹² Lwanga ubhulugu ahinza mulwitiho. Lemelela ubhulanzi bhwa shima na shima lwe uholeliwe. Yamile panongwa ino ukuti ahafumwa ulusimishizyo pilongolela lya bhasimishizi abhinji kushila sheshinza. ¹³ Nkukupa inkomelezyo ino pilongolela zya Mulungu, weakugomba ivintu vyonti kutendama, na pilongolela zya Yesu Kirisitu, weahayanga bhwe bhwanalyoli kwa Pontio Pilato: ¹⁴ yisunjilie inkomelezyo kubhugolosu, pe bhabhanje ninsibho, paka ukwinza kwa Mwene witu Uyesu Kirisitu. ¹⁵ Umulungu ahayilolesya ukwinza kwakwe ahabhalillizyo ahenesho- Umulungu, alotilwe, amaha geka, Umwene weakulongozya, Umwene weakulongozya. ¹⁶ Wuyo weka akutendama shima weakutendama mubhuzelu bhwe bhutakunanjiha. Nawumo umuntu ahondeye kumwenya pamu ahondeye kumwenyelezya. Kukwakwe yibhanje umushinzi nubhuhondele shima. Ameni. ¹⁷ Bhabhuzye abhadumbwe mukasi munsi ino bhatayilaje, pebhatasubhilaje mubhwa dumbwe, bhwete bhwabhugolosu. Pelelo bhahondeye kumusubhila Umulungu. We akutupa ubhwa dumbwe bhwonti ubhwanalyoli inga pe tuseshelaje. ¹⁸ Bhabhuzye bhabhombaje ahinza, bhabhanje nu bhwadumbwe mumbombo inyinza, bhabhanje bhasangalusu, nu kwitiha nu kufumwa. ¹⁹ Mwidala ilyo bhaliyibhishila ushuma ishinza kuvintu vwevikwinza, ingape bhahondeye kulama ubhulanzi ubhwenesho. ²⁰ Timoti, sunjilila shila shewaposheleye. Uyefwaje ni zyankuyanzanya nizya bhupukupuku (ubhulunkano) nukudalinkana zyezyakuyidinda zya kumalenga zikutakwa njele. ²¹ Bhamo mubhantu bhakuviyanga ivintu ivi bhwebhulo, pe yibhaposite ulwitiho. Ubhwila bhubhe poka nimwe.