¹ Upauli, Mupositili wa Kirisitu Yesu, kuyanana ni nkomelezyo zya muposhi witu Yesu Kirisitu we mujimvu witu, ² kwa Timoti mwana wane wanalyoli mulwitiho: Ubhwila nu lupelelezyo nu bhwihalo zyezikufumila kwa Mulungu Utata nu Kirisitu Uyesu Umwene witu. ³ Inza vwe nakubhuzizye pankepaga kubhala Kumakedonia, usyale Efeso inga pe ukuti uhondeye kubhalajizya abhantu bhamo bhatasambilizyaje ivisambilizyo ivinji. ⁴ Bhope bhtejelezyaje utulumbi na mazina ganinkolo zyezite nulumalilizyo. Izi zikugomba ubhulumani nkani kushila kubhavwa kujendelela izya Mulungu mulwitiho . ⁵ Pelelo zyope inkomelezyo izi lugano lukufumila mukasi mumoyo amazelu, mukasi musibho inyinza mukasi ya lwitiho lwanalyoli. ⁶ Bhamo abhantu bhananginye sheshikwanzibhwa bhahaleha ivisambilizi ivi nukugalushila ninjango zya shaha. ⁷ Bhakwanza bhabhe bhasambilizi bha nkomelezyo, loli bhatamanyile shebhakushiyanga pamo shebhashilematiye. ⁸ Loli tumanyile ukuti inkomelezyo nyinza inza vwe umuntu angayibhombezya mubhwanalyoli. ⁹ Tumanyile kuti inkomelezyo yitahagombwa panongwa ya muntu we mugoloso, loli panongwa ya bhahananganya(bhavunza) nkomelezyo na bhananzi, abhantu bhe tebhazelu na bhe bhambibhi, na bhate nu Mulungu na bhambibhi. Yigombilwe panongwa bhagozi tata nu mayi bhabho, panongwa ya bhagozi, panongwa ya bhamalaya, ¹⁰ panongwa ya bhantu abhabhubhembu, panongwa ya bhala bhakuhopelezya abhantu, nukubhabhiha bhazya, panongwa ya bhaluma malenga, na wowonti we ali shingunga na mazwi ga bhusubhalilwa. ¹¹ Amzwi aga gakufumila na mazwi gabhumwamu bhwa Mulungu gegalotilwe ge kukwabho lisubhalilwe. ¹² Nkumusalifwa Uyesu Kirisitu Umwene witu. Ahamupa amaha, kwekuti ahambazya ine ukubha musubhalilwa, pe ahambiha mukasi mumbombo. ¹³ Namile ne muntu wa kusufwa, uwakuyivwa nu muntu wa muyubhayubha. loli inga bhwaga ubhwila panongwa inkabhomba kubhulunkano kwa kusita kusubhila. ¹⁴ Loli ubhwila bhwa Mulungu witu bhwizuye ulwitiho nu lugano lweluli mwa Kirisitu Uyesu. ¹⁵ Izwi ili lye lya kusubhalilwa pe lihondeye kuposjhiliwa na bhonti, kwekuti Uyesu Kirisitu ahinza munsi kubhapoha abha mbibhi. Ine ne mubhibhi inkani ya bhonti. ¹⁶ Loli panongwa ino ine nkaposhela ulupelelezyo ingapekuti mukasi yane, ine pabhwandilo bhwa gonti, Kirisitu Yesu ayilolesizye ubhujimvu bhwonti. Ahabhomba bhwebhulo inza vwe shimanyilo kubhonti bhalimusubhila uwene panongwa ya bhulanzi bhwa shima na shima. ¹⁷ Ni salizi Kubhumwene bhwebhute nubhumalilizyo, ubhusita kufwa, ubhusita kuloleha, Umulungu weka, we abhanje nu mushinzi nu bhumwamu shima na shima. Ameni. ¹⁸ Nabhisile inkomelezyo izi pilongolela ya Timoti, mwana wane. Nkubhomba bhwebhulo ukuyanana nubhukubhwi bhwebhuhafumizwa pala pabhwndilo izya iwe, inape kuti uyajikwe mubhugu ubhwinza. ¹⁹ Bhomba bhwebhulo ubhe nu lwitiho nisibho inyinza. Bhamo abhantu bhagahanile aga bhahatezya ulwitiho. ²⁰ Inza vwebhwebhulo Himeneyo nu Alekizanda bhe amupiye usetano(umunkwalanzi) inga pe abhasambilizye bhatahasufwe.