¹ Inga lumo, pe kuli Ukirisitu ayimvile ku mubhili, yizwishe inyundusi zya shintu sheshila shila. Uwene weahayimba pa mbibhi alehine nimbibhi. ² Umuntu uno atakujendelela habhili kutendama kwa kugana ivwa mubhili, pe kwa kugana kwa Mulungu, kwa kutendama kwakwe kwe kusyaliye. ³ Kwekuti habhalilo hehashila hakwiline kubhoma imbombo abha kunzi bhakwanza kubhomba-ubhumwi, iniya imbibhi, ubhushimwela, ubhupafu, isharehe izya shipagani ni kuputa ukuvifwani izya kuhalalizya. ⁴ Bhakusibha kuswiga lwebhakuyisegusya kubhomba imbombo izyo poka nabho ivyo bhakuyanga vibhibhi pamwanya yinyu. ⁵ Bhakufumwa ihesabu kukwakwe waliyisenginwe panongwa ya bhebhali hinza na bhebhafuye. ⁶ Pe sheushisubhiye ishizwi lihalumbililwa kukwabho bhebhasizile kufwa, pe lwe bhali kushila panongwa peamabhili gabho pabhanamuntu, ili bhabhwezye kutendama kuholana nu Mulungu ku mpepo. ⁷ Ubhumalilo ubhwa mbombo yonti bhukulandanda. Ingalumo, mubhe ninjele yeyili ahinza na mubhe ni niya inynza panongwa ya kulabha kwinyu. ⁸ Pe lwe mushilli imbombo yonti, mubhe na maha ku lugano kwakila woka, kwekuti ulugano lutakulondola kugwikula imbibhi zya bhamwabho. ⁹ Lolesyi ubhutelesi kwe kila woka palwa akusukitiha. ¹⁰ Inga vyezili mulupoka woka winyu vyeahaposhela ishipaji, yibhombele ku kubhombelana, pa lwa bhebhakugulila ubhwinza bhwa shipaji ishinji zyezihafumwa pabhulo nu Mulungu, ¹¹ Inga umuntu ingahayanga, na yibhe ngati ndajizyo zya Mulungu, na ngati umuntu inga bhomba, na yibhe ngati bhakushindikwa kwa kujendela kwa Uyesu Kirisitu. Ubhushindamu na bhubhewezye kubha nu wene shima na shima. Amina. ¹² Bhaganwa, mutabhelengaje pakulingwa pilyo likwinza kubhalinga pashintu ishijeni ingalumo kuli ishintu ishijeni sheshili kufumila kukwinyu. ¹³ Loli kwe konjela kubha nubhwetebhwa ubhwa mayimba aga Kirisitu, sesheli ili kubha museshele pa kuhobhoha pakwigula ubhushindamo bhwakwe. ¹⁴ Pope bhabhalije panongwa yapizinalya Kirisitu, mposhilwe shinishi pa Mpepo uwabhushindamou Mupepo uwa Mulungu akutendama pamwanya yinyu. ¹⁵ Loli ataliko wowonti weakuyimba pakumugoga mwibha, mubhomba amabhibhi awe ahabhombaga ni mbombo iya abhanji. ¹⁶ Loli akubha muntu akuyimba pa Kirisitu atakwenya insoni, loli akumwinula Umulungu ku zyina ilo. ¹⁷ Kwekuti ahabhalilo ufisile panongwa kwa ndila pankaya ya Mulungu. N a ngati yikwandila kukwitu, kutizibhe bhuli kubhala bhebhata kushindiha indumbilizi zya Mulungu? ¹⁸ Na inga "walinubhwanalyoli akuposhela kujendela amagomo, kuti zibhe bhuli kwa muntu watali nubhwa nalyoli na wali nimbibhi?" ¹⁹ Inga lumo bhonti bhebhakuyimba kufumila ulugano lwa Mulungu bhabhishi inafasi zyabho kwa wakupela musubhalilwa ili bhabhe bhakubhomba aminza.