¹ Kwi lyo bhihaji palubhazu ubhubhibhi bhwonti, amalenga, ubhugulugulu, ubhwivu nu kuyangan'wa. ² Ngati bhana ahela, mukutamani izibha ilyinza ilya mupepo, ili kuti mubhe kukula mukasi ya bhwokole, ³ ngati mubhonjile kuti Umwene mwinza. ⁴ Nzaji kukwakwe we libhwe ipuma ilwabhulanzi lwe lihamilwe na bhantu, loli ilyo lisebhilwe nu Mulungu na lwa pamwanya yakwe. ⁵ Nimwe pe mubhe mabhwe gegali nubhupuma gegakuzengwa pamwanya kubha nyumba ya bhufinjile, ili kubha ubhubhomvi ubhufinjile bhwe kufumwa amapesya aga mufinjile zyebhakuzitiha kwa Mulungu kufumila Uyesu Kirisitu. ⁶ Isimbo likuti ishi, "Yenya, mbisile ku Sayuni ibhwe ilya palubhazu, ubhupiti bhwebhusevilwe nulwapamwaya. Wowonti wayitisile lye uwene atakwenya insoni ". ⁷ Ishi umushinzi winyu kukwinyu nimwe mwitisile. Loli,"ibhwe lwelihahanilwa na bhebhakuzenga, ili lyabha libhwe lya palubhazu"-

⁸ na, "ibhwe lya kupunushila nukuti bhwa kupunula. "Bhabho bhakupunula, bhebhakulihana izwi kwa lila lwe pe bhali bhabhasevile kwilyo. ⁹ Loli imwe nu uluhoo lwelusevilwe, washiputo isha shimwene, insi ifinjile, abhantu bha munsi ya Mulungu, ili kuti bhweze kutangazya imbombo izya kusyijisya kwa bhula kwinza kufuma wahabhitakushisi kwinza kumwanga wakwe ubhwa kusyijizya. ¹⁰ Imwe isuti mutali bhantu, loli isalizi imwe na bhantu bha Mulungu. Nimwe mutahaposhela u ulupelelezyo, loli isalizi muposheleye ulupeplelezyo. ¹¹ Abhaganwa, mbisite ngati bhajeni na bhazulululaji kuyima kufuma kwa kugona amabhibhi aga mbibhi zye zikuhomana ubhulugu nu mpepo zyinyu. ¹² Muhondeye kubha ni tababiya inyinza pakasi ya munsi, ili kuti, ngati kutibhahayanzwe ngati kuti mukumbomba mbombo imbimbhi, kutibhazyenye imbombo zyinyu inyinza nu kumwinula Umulungu ku nsiku yabkwinza kwakwe. ¹³ Shindiha kila ndajizyo iya bhanadamu panongwa ya Mwene, kubha shinamwene ishipiti, ¹⁴ lwe abhenesho bhebhabhasontelezizye kubhabhalifwa kubhabhomba mbibhi nu kubhinula amabhibhi nukumwimbila bhala bhebhakubhomba aminza, ¹⁵ Kwekuti lugano lya Mulungu, bhebhakubhomba aminza mubhapumilizye injango izya bhupuluzi izya bhantu ahapambavu. ¹⁶ Ingati bhantu bhebhatali ni nongwa, mutahabhufwate ubhusatushe bhwinyu pashigubishilo sha mabhibhi, loli imwe ngati bhabhomvi bha Mulungu. ¹⁷ Bhashindishe abhantu bhonti. Bhagane abhajenzi. Munyile Umulungu. Mushindishe umwene. ¹⁸ Abhazya, bhahindishe abhamwene bhinyu kumushinzi wonti, tekuti umwene bhebhali ahinza na abhapole, loli pe bhala abhabhibhi. ¹⁹ Kwekuti ni kutima inga wowonti wakujimbilila ivwa kubhabha pa wakujimba pepatali ni bhwanalyoli panongwa ya kusunchila kwakwe kwa Mulungu. ²⁰ Pe sheshikonjela shoni sheshilipo pa bhajenzi kubhomba imbibhi shemujendeleye kuhomwa? Bhope inga mwabhomba aminza napemuyimbe kwa kulongwa, ili likupoha kwinza kwa Mulungu. ²¹ Kwili muhitwa, panongwa Kirisitu pe ahayimba panongwa yinyu, ahamuleshela ishiholanyo panongwa yinyu kulandata inyayo zyakwe. ²² Uwene atahabhomba imbibhi, pe bhutahalo leha ishilenga shoshonti mumwoyo wakwe. ²³ Habhalilo uwene ahaligwa, agahagalusya indigo, pahayimbaga atahogofwaga loli ahayifumwa weka wuyo uwene alongwe kubhwa nalyoli. ²⁴ Uwene wuyo ahazipimba imbibhi zyitu pa mubhili wakwe pe pikwi, ili kuti tutahabhe bhuzilo habhili pamubhili na pakuti tutendame kunongwa yanalyoli. Kwa kuhomwa kwakwe imwe muponile. ²⁵ Bhonti mwemwamile kujendajenda ngati ng'onzi yeyitezile, loli isalizi mugarusile kwa muputi nawakugulilila uwampepo winyu