¹ Upeteri, uwantumi wa Yesu Kirisitu, kubhajeni bha kulehana, kubhabhomvi, ku Ponto yonti,Mgalatiya , Kapadokiya, Asia, nu Bitiniya, ² kufumila nukubhwelebhwa wa Mulungu, Utata, kwe kuzelufwa ni Umpepo Umufinjile, kubhinza wa Yesu Kirisitu, nu kwa kumnyasilila ibhanda lyakwe. Ubhwila bhubhe kukwinyu imwe , nu lwitiho lyinyu lyonjelele. ³ Umulungu Tata wa Mwene witu Yesu Kirisitu na asayilwaje. Ku bhupiti bhwa bhwila bhwakwe, alitupa kupwapwa ubhupwa kumaha aga kupwana kufumila kuzuha kwa Yesu Kirisitu kufuma ku bhufwe, ⁴ ku bhupwano sheshitakufwa, bhutalibha nu bhubhibhi pope kupunguha bhusengulwe kumwanya panongwa yinyu. ⁵ Kumaha ga Mulungu akutulindilila kufumila ulwitiho ulwa bhwokole bhwe bhulipo nzila kugulilwa ku habhalilo aha kubhumalilo. ⁶ Seshelaji ku lii, ingalumo isalizi shalazima kukwinyu kuyivwa kupela ishisa ndingo ya ayina yabhabhutali tali. ⁷ Ili, she panongwa ulwitiho lwinyu lwelwa pamwanya kulusya izahababu, lwe lukutega kumwoto webhutakilinganwa ulwutiho lwunyu lubhe lwa kupapa ahinza. Ili likifumulila inga ulwititho lwinyu lubhe kupapa kushindikwa, ubhuzelu, na kubhushindamu ku gubutula kwa Uyesu Kirisitu. ⁸ Mutamwenyizye wuyo, loli mumuganile.Mutakumwenya isalizi, loli mutali nulwitiho ku wene nu kubhanuluseshelo lwe lwizuye nu bhubhushindamo. ⁹ Isalizi mukuposhela mwemwe amazwi aga lwitiho lwinyu, ubhwokole ubhwa nafasi zyinyu. ¹⁰ Abhamukubhwi bhahalondola nukubhuzilizya kubhinza bhwe bhwabhulokole ubhu, ubhwa bhwila lwe nkebhuli kukwinyu. ¹¹ Bhahalondolaga kumanya niyananuna yoni ya bhwokole lwe lukwinza. Bhahamulondola we kumanya na habhalilo honi Umupepo wa Kirisitu weali mukasi yabho ahayangaga ishoni nabho. Ili lyamile likufumila habhalilo heahabhabhuzyaga nzila kuti amayimba ga Kirisitu nu bhushindamu lwe ungamulandata. ¹² Yihagubutulwa kwa kubhamukubhwi kuti bhali bhahazibhombelaga imbombo ilelo, na te panongwa yabho bhubho. loli panongwa yinyu -ulwizyo lya mbombo iyo kufumila kubhala bhebhakuleta amazwi kukwinyu kwidala lya Umpepo Umufinjile webhamutumile kufuma kumwanya, imbombo zye pope abhahabhizya bhakwanza kugubutulwa kukwakwe. ¹³ Kwi lii yikunje mumunini ivya njele zyinyu. Mubhe bhakupuma ngati kusubha kwinyu. Mubhe na maha gegakamilisille pa bhwilw lwe likuletwa kukwinyu habhalilo aha kugubutulwa kwa Yesu Kirisitu. ¹⁴ Pe abhana bhebhakwivwa, mutahapinywe mweka nukutamani kwe muhazilandata habhalilo pe mwali mutali bhakumanya. ¹⁵ Loli ngati lula ahabhita vwebhali ubhuzelu, nimwe, pe, mubhe bhazelu ku tabiya zyinyu zyonti mubhulanzi. ¹⁶ Kwekuti isimvilwe, "Mubhe bhafinjile, panongwa nine ne mufinjile." ¹⁷ Na inga mwita "Tata" wula weakulongwa kwa nalyoli kuholana ni mbombo zya kila muntu, kujendela ahabhalilo ahabhulendo bhwaho ku bhupole. ¹⁸ Muntamanyile kuti yitamile kusumuni awe kuzahabu -vyevikunanjiha-vye mwokolelilwe kufuma ky tabiya zyinyu zya bhuyubhwi bhwe mumanyile lwe mumanyiye kufuma kwa tata bhinyu. ¹⁹ Loli musatulilwe kwi bhanda lya mushinzi ya Kirisitu, ngati ya ng'onzi yeyitali nu bhubhibhi pole ibhala. ²⁰ Ukirisitu ahasebhwa ashili kumanya aga munsi, loli salizi isiku izi zya bhumalilo, agubutulwa kukwinyu. ²¹ Mukumwitiha Umulungu kufumila uwene, we Umulungu ahamuzusya kufuma ku bhafwe na lwe ahamupa ubhushindamu ili kuti abhe nulwitiho lwinyu na maha ubhe ku Mulungu. ²² Mubhomvile inafasi zyinyu kubha ahinza kwa kwivwa ukwanalyoli, kwe kumanya lugano lya shijenzi lwelili nu bhugolosu, pe muganane ku maha kufuma kumwoyo. ²³ Mumazile kupapwa habhili, te kwambeyu yeyikunanjiha, kujendela ubhwinza bhwizwi lya Mulungu lye lisyaye. ²⁴ She uwene "imibhili yonti ngati matundu, nubhushindmu bhwakwe bhonti ngati lighuwa lyi tundu. Itundu likumila ubhwezya bhukugwa, ²⁵ loli izwi lya Mwene likusyala shima." Ubhu bhwe wukarata bhwe bhuhatangazya ngati izwi kukwinyu.