¹ Paulo mutumigwa wa Kilisito Yesu kuligana ne amuli ye Mulungu nemukombola iYesu Kilisito iwoukakalisi wetu. ² Kwa Timoseo mwanangu iwechewelu kwihuwi, imboto no ubasi nolungole lukulawa kwi Mulungu Baba na Kilisito Yesu imundewa wetu. ³ Kifa fonikutamile fonilegukage kuluta Makedoniya wikale Efeso uleke kifa udahe kuwajumha wanhu wamonga wanghafuse mafuso gengi. ⁴ Kahe wanghahulike isisimo neichingi che fitangilo ifichaka umwisho, afi fikwigala nibishila lugano kuleka kuwasapusa kugendelela imhanga ye Mulungu iwe dihuwi. ⁵ Basi ising`hwina sa masigilisi gano uwendo ukulawa ku chidoga ichiswamu, munghambila iswamu na mwihuwi dye dyeichewelu. <sup>6</sup> Awanhu wamonga waswela isinghwina howogaleka mafuso gano na kubidukil aisinonga sechi bwalasi. <sup>7</sup> Wakukwanga kuwa wafusa we shaliya ninga wasikumanya chowekulonga au chowekulongelesa. <sup>8</sup> Ninga chimanya fina ishaliya no swamu halika imunhu yanghaigolosa kwa kulangisisa. <sup>9</sup> Chimanya fina ishaliya hayatungigwa kwasoko ya munhu uwechewelu ninga kwasoko ya awakubena ishaliya na wanhu wechaka utunyo na wene uwihi awene wechaka iMulungu, na awafu itungigwa kwasoko yawakukoma wababasao na wang`ina sao, kwasoko ya wakomaji. ¹⁰ Kwasoko ya wedihabwa kwaasoko ya wanhu wechihabwa kwasoko yawaya wekulonda wanhu na kuwatenda watumwa, kwasoko yawadasi kwasoko yawahomelesi waudasi na wowose iweimbidu wa masigilisi gouwuya. ¹¹ Asigilisi gano gakongela mumbuli iine utunyo weMulungu imwenye kumotosigwa afo kwaiyo nigidigwa. ¹² Nikumumotosa iYesu Kilisito imundewa wetu yasiguma ludole, kwasoko yanitala niyefina na muuya nahoyonika muutumwa. ¹³ Nawo munhu wakufoyonga mudumangisaji na munhu wo ulefi, ninga neja nipata imboto kwasoko nagolosa kwa uhambwasi kwa kuleka kuhuwila. ¹⁴ Ninga imboto ye Mulungu wetu imema mboto no uwendo mwa Yesu iKilisito. ¹⁵ Inhamila ino noyokuhuwilika nawo ukufaha kuhokeligwa na wose fina iKilisito Yesu yeja muchilungu kwihula wowihi, aniye niha kuloka wose. ¹⁶ Ninga kwasoko ayi aniye ninghigwa mboto uleke fina kugati yangu aniye, ibosi yagose, iKilisito Yesu yonese ufinyilisi uwose yagolosa nhofo kifachitangilo kwa wose awakwanga wamuhuwile imwene kwasoko yo uumi wa majuwa gose. ¹⁷ Nahambia kwa mundewa yechaka indumila, inghakufa inghakoneka, Mulungu yewaiyeka, yuwehishima nautunyo majuwa gosegose hano. ¹⁸ Nikwika masigilisi gano hamwande yako Timoteo, mwanangu nikugolosa nhafi kuligana no ugonesi ulafigwe baha hanghonga ukukwafa gweye uleke fina uhusike muinghondo iswamu. ¹⁹ Golosa nhafi uleke fina uwe ne dihuwi ne mhingila swamu awanhu wamonga wailema howokwangamisa dihuwi. ²⁰ Kifafiya ihimenayo na alikisanda awonimwingha iLuhoma uleke wafuswe wangha foyonge.