¹ Kwahiyo bosi yagose nikwanga kutasa na nhasa na matasiliso nokumotosa figoloseke kwasoko yawanhu wose. ² Kwasoko yawandewa na wose awowile muwimilisi uleke fina chidahe kwikala uwikasi wolungole no ubwihilo muutunyi wose neihishima. ³ Adino iswanu na dikufumilika hamwande ye Mulungu imukombola wetu. ⁴ Imwene kena isinghwina awanhuwose wehuligwe na wapate kuimanya ichawelu. ⁵ Kwasoko kuna Mulungu yumwedu na mulolesi yumwedu hagati ye Mulungu ne mwana we munhu naye no Kilisito Yesu. ⁶ Iyakilafa imwenye kifa ukombosu kwa wose, kifana uhomelesi muugele uwecho. ⁷ Kwasoko ai aniye nimwenye nagoloswa fina mutamilisi we mbuli na mutumwa nikulonga ichawelu sikulonga udasi aniye na mufusi wanhu awamembe mudihuwi neichewelu. ⁸ Kwanhafo, nikwanga awagosi chila hanhu watase na kwinula imikono misunhile bila nyono na amanhonge. ⁹ Hatanhafo nikwanga wafele wakifupe mafuso aga kufumilika kwa hishima na kukikindisa, wanghowe nesinjwili sibotigwe au sahabu, ama lulu, ama mafaso gediyombe dikulu. ¹⁰ Kahe nikwanga wafale amaso gawawagile awafele wekufumila kufunama kulokela sinhenda siswamu. ¹¹ Imufele yakifuse muhali yo ubwihilo noufunami wose. ¹² Sikumufumila imufele kufusa, ama kuwa mwimilisi uchanyha ya wagosi ninga yakale muhali yokupisika. ¹³ Kwasoko iAdamu yombigwe wa bosi kamei iEfa. ¹⁴ iAdamu nghadanhilisigwa, ninga imufele yadanhilisigwa kabisa mukubana. ¹⁵ Hatanhafo kokwihuligwa kulokela kweleka wana halika wogendele mwihuwi nouwendo na muusinho ne misungu imiswanu